Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

ChHM083

1258, septembre

Type de document: charte: notification de mise en gage

Objet: Mise en gage par Mathieu de Tremblecourt chevalier, à l'abbé de Saint-Urbain, Adam, contre un prêt de 60 livres de provenisiens forts, de biens et revenus sis à Poissons, dans le fief des religieux, à savoir: la part des profits lui revenant sur le moulin [de la cure] de Saint-Amand; le montant du bail du dit moulin avec le "porchet" prélevé sur le bail; sa part de la dîme du blé et du vin au même lieu évaluée à cinq setiers pour le blé et cinq muids pour le vin; ses prés de Poissons; un demi-muid de grain, moitié froment, moitié avoine, perçu au titre de son charruage.

Auteur: Jean seigneur de Joinville, sénéchal de Champagne

Sceau: auteur

Bénéficiaire: abbaye de Saint-Urbain

Autres Acteurs: Mathieu de Tremblecourt chevalier

Rédacteur: scriptorium de l'abbaye de Saint-Urbain? scribe du sénéchal de Champagne

Support: Parchemin jadis scellé sur double queue

Lieu de conservation: AD HM, 9H 25 - Abbaye de Saint-Urbain

Édition antérieure: Wailly, Chartes..., C, p. 559; Mémoire..., C, p. 142

Verso: Cartha domini Maheu, militis, de molendino de Pisson (XIII^e s.)

1 Ge, Jehans, sires de Joinville, senechaus de Champaingne, 2 fas savoir à touz celx qui verront ces lettres 3 que mes sires Ma\2heus de Tremblecort chevaliers, en ma presance estaublis, a requeneu que il a mis en gaige à frere Adant abbei de Saint Ourbain \3 par la grace de Deu, 4 por sixante livres de fors prevenisiens, les queis il a receu dou devant dit abbei en deniers contanz, 5 sa partie \4 dou moulin Saint Amant de Pison et sa partie dou porchet que om prant ou lais dou moulin et le lais dou moulin devant dit, \5 et sa partie de la deime de Pisson en blef et en vin, 6 les queis parties furent prisies, li bles cinc sestiere chascun an, et li \6 vins cinc muis, quatre muis en la deime et un mui que Thiebaus Ratés en paioit chascun an à mom seingnor Maheu \7 de rante; 7 et se il avenoit par aventure que la deime dou blef ou la deime dou vin ne vausist tant chascun an, li \8 devant dis abbes ou ses comandemens panroit la faute dou vin en vin des vingnes mom seingnor Maheu, et la faute dou \9 blef, se elle i-estoit, ens assensies des hommes mom seingnor Maheu à Pisson. 8 Aprés, il li a mis en gaige sa partie des preiz que il \10 tient à Pisson et en finaige de Pisson. 9 Et si li a mis en gaige demei mui de blef, moitié fromment, moitié avoinne, à la mesure \11 de Joinville, que mes sires Maheus prennoit chascun an por som charruaige, ou som charruaige, le quel li diz abbes vorra miez; \12 10 et se il avenoit par aventure que li abbes ne preist le charruaige ou il nou poïst avoir le demei mui de blef de celui qui \13 tanroit le charruaige, li diz abbes panroit la defaute dou blef ens assensies des hommes mom seingnor Maheu à Pisson. 11 Et \14 toutes ces choses que li abbes prant en gaige de mom seingnor Maheu sunt dou fié de l'esglise de Saint Urbain. 12 Et est à savoir \15 que li abbes de Saint Urbain ou ses commandemenz tanront toutes ces choses devant dites jusque à tant que mes sires Maheus avra \16 randu à l'abbei de Saint Urbain les devant dites sixante livres enterinemant, 13 et quant il les avra rendues enterinement, \17 il repenra sa chose devant dite toute quite.
14 Et por ce que ceste chose soit ferme et estauble, je ai mis mom seel en ces lettres \18 à la requeste des parties. 15 Ce fu fait en l'an de grace mil deux cens et cinquante et ouit ans, en mois de \19 septembre.