Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

ChHM077

1258, (n.st.), 1-23 mars

Type de document: charte: notification de don

Objet: Donation par Geoffroy chevalier seigneur de Cirey, aux frères de la commanderie de Thors, d'un moulin sis à "Prez", en contrebas de Cirey, avec ses voies d'accès pour les usagers et la pêcherie dans les limites du clos entourant le moulin, le donateur octroyant de surcroît aux frères le droit de déplacer le moulin, si besoin est, de modifier le cours de l'eau en cas de réparation des lieux, d'installer des foulons sur la rive opposée, de se munir de bois pour leur usage personnel dans les bois de Cirey, et de contrôler la juridiction du prévôt de Cirey sur le moulin de la ville.

Auteur: Marguerite reine de Navarre, comtesse palatine de Champagne et de Brie

Sceau: auteur

Bénéficiaire: frères de la commanderie de Thors

Autres Acteurs: Geoffroy chevalier seigneur de Cirey

Rédacteur: chancellerie de Marguerite reine de Navarre, comtesse palatine de Champagne et de Brie.

Support: Parchemin jadis scellé sur double queue

Lieu de conservation: AD HM, 61H 7 - Commanderie de Thors

1 Je, Marguerite, par la grace de Dieu roine de Navarre, de Champaingne et de Brie contesce palazine, 2 fas à-savoir à-tous ceulz qui verrunt et \2 orrunt ces presantes letres 3 que Joffrois chevaliers, sires de Cirez, a donnei et quitié perpetuelmant à tous jours 4 lou mulin à Prez qui siet dezous \3 Cirez, 5 et la voie et lou santier à toutes menieres de gens pour aler moure au-dit mulin des Prez, soient à charretes soient à-pié, 6 et la \4 pocherie en l'aue tant com lour clous dure dessus lou dit mulin et dezous, sans riens retenir, 7 à-freres de la chevalerie dou Temple de\5mourans en la baillie de Tors. 8 Et c'il estoit ainsis que li dis mulins ne lour seit bien là-[o]ù i-siet, 9 li dit frere dou Temple lou puent faire \6 en quelque leu qu-i weulent tant com lour-clous dure. 10 Et ce li dis mulins ce despeciet par feblece ou par force d'aue ou par feu ou par autres chozes, 11 li \7 dit frere puent et doient rompre l'aue des lou pont de Cirez en aval tant que li dis mulins soit refais, san lou demage randant. \8 12 Aprés, li dit frere dou Temple puent faire foulons à-la rive d'autre part du dit mulin. 13 Et puent et doient li dit frere panre bois partout \9 em bois de Cirez por lou devant dit mulin et por les devans dis foulons et por toutes les apartenances, 14 et doient panre por lour feu et por clousures \10 toutes menieres de bois, exeptei lou chane. 15 Aprés, li prevost de la davant dite ville de Cirez ne-li-serjant, quel qu'i soient, ne puent ne ne doient \11 panre lou mulin qui-est dadans la vile de Cirez, 16 ce par lou gurey des signors dou Temple non.
17 En tesmoingnage de veritei, et por ce que ce soit ferme cho\12ze et estauble à durer à-tous jours, je ai seellees ces presantes letres de mon seel, 18 les quez furent faites l'an de Incarnacion Nostre Signour mil \13 .CC..LVII. ans, ou mois de mars.