Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

ChHM076

1258 (n.st.), 12 février

Type de document: charte: notification de reconnaissance

Objet: Quittance délivrée aux frères du Val-des-Ecoliers par Gauthier Pancerain, de Nogent, et par Fagueline, dite Poamée, sa femme, prébendiers de l'abbaye, attestant le paiement par les religieux de ce dont ils étaient redevables aux deux époux, et portant annulation de toutes lettres d'obligation, à l'exception de l'acte d'établissement de leur prébende, et d'un reçu de 100 livres de provenisiens forts versés à l'abbaye par Gauthier, qui avait renoncé à partir pour la croisade.

Auteur: maître Gérard doyen de Bassigny, et Simon prévôt de Chaumont

Sceau: auteurs

Bénéficiaire: prieuré du Val-des-Ecoliers

Autres Acteurs: Gauthier Pancerain de Nogent, et Fagueline dite Poamée, sa femme

Rédacteur: scriptorium du prieuré du Val-des-Ecoliers

Support: Parchemin jadis scellé de deux sceaux sur double queue

Lieu de conservation: AD HM, 11H 32 - Abbaye du Val-des-Ecoliers

Verso: De Wauteret de Nojant (XIV^e s.)

1 Nos, meitres Girarz, deins de Bassignei, et nos, Simonz, prevoz de Chaumont, 2 façons à-savoir à-touz ceus qui ces lettres verront et orront 3 que Gautiers Pancerainz, de Noigent, et Fague\2line, sa fame, c'on dit Poamee, establi en nostre presence, 4 ont aquité par-davant nos le prieus et les freres dou Val d'Escoliers entierement de toute la dete que li prieus et li frere de la \3 dite meison dou Val d'Escoliers leur devoiet jesqu'au jor d'ui, 5 et ont reconeu que de toutes les commandes et des deniers et d'autres choses qu'il on aües en la dite meison jes\4qu'au jor d'ui, 6 li diz G. et F., sa fame davant dite, enn-ont aü leur grei entierement et s'en-tienet à-paié; 7 et de toutes quereles et de toutes greuses que li diz G. et F., sa fame, \5 ont aües enver le-prieus et les freres davant diz ou poret avoir jesqu'au jor d'ui, 8 il et fame davant dit enn-ont aquité le prieus et les freres davant diz. 9 Et se par aventure en aucun \6 tens pouoit mostrer ne mostroit li diz G. ne sa fame ou estoiet mostrees ne trovees auqunes lettres en queles il fust escrit que li prieus et li frere davant dit fusset tenu de rien \7 au dit G. et à F., sa fame, 10 li diz G. et F., sa fame, diet et welet et outroiet qu'eles soiet nules et qu'eles ne leur puisset aidier ne le prieus et les freres davant diz grever, 11 \8 fors unes lettres que li prieus et li frere davant dit ont donees au dit G. et à F., sa fame, de leur provende qu'il leur ont outroié, si com celes lettres tesmognet, 12 et fors unes \9 autres lettres qui tesmognet que li prieus et li frere ont receu. c. lb. de provenisiens forz dou dit G. por son descrouisement, 13 des quex il sont tenu à li porter garentie se nuls l'en \10 demandoit rien.
14 Et por ce que ce soit ferme chose et estable, nos avons ces lettres seelees à la requeste le davant dit G. et F., sa fame. 15 Ce fut fait en l'an que li milliaires corroit par mil \11 et deus cenz et ciquante set, ou mois de fevrier, le mardi aprés les Bordes.