Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

ChHM074

1257, octobre

Type de document: charte: notification d'échange

Objet: Echange aux termes duquel Jean, fils d'Hugues de Latrecey chevalier, cède à Pierre de Jaucourt seigneur de Dinteville, ses hommes et ses biens d'Ormoy ainsi que les terres et prés qu'il partageait avec Guillemin d'Arbout, son oncle, contre une rente de quatre setiers de froment marchand et de quatre setiers et demi d'orge, à la mesure de la Ferté-sur-Aube, que Pierre lui assigne en alleu sur son moulin d'Ormoy, avec l'accord de Constance, sa femme, et d'Erard de Jaucourt, son seigneur.

Auteur: Simon seigneur de Châteauvillain, et d'Erard seigneur de Jaucourt.

Sceau: auteurs

Bénéficiaire: Jean fils d'Hugues de Latrecey chevalier; Pierre de Jaucourt seigneur de Dinteville

Rédacteur: scribe de Simon seigneur de Châteauvillain

Support: Parchemin jadis scellé de deux sceaux sur double queue

Lieu de conservation: AD HM, 6H 19 - Abbaye de Longuay

Verso: Carta domini Johannis de Arbote de blado quod habebat in molendino Ulmeti (XIII^e-XIV^e s.)

1 Ge, Symonz, sires de Chatelvillaim, et ge, Erarz, sires de Jaucort, 2 façons savoir à touz ces qui verunt ces presantes leitres 3 que am \2 nos presances estaubli, Pieres de ^[1] Jaucort et sires de Dinteville, et Jahanz, fiz mon seignor Hugon de Latricé chevalier, ont cogné ^[2] par \3 davant nos que il, acordeemant et bonemant, ont fait eschange, 4 an tel meniere que cil diz Jahanz ai quitté et delivré en eschange, ai toz jorz mais \4 sam rapeler, touz les homes que il avoit à Ormoy, à mon seignor Pierron de Jaucort de_sus dit, 5 et totes les terres et touz les prez \5 que cil diz Jahanz partoit à Guillermin d'Arbout, som oncle, 6 et quanque il avoit à Ormoy ne ou finage d'Ormoy, sam riens retenir, 7 an tel meniere \6 que, por ceste quittance et por ceste delivrance, li-diz Pieres de Jaucort assiet en eschange de la dite quitance et otroi au davant dit \7 Jahan 8 quatre setiere de fromant marchaant et quatre setiere et dimee d'orge, à la mesure de la Ferté sor Albe qui orandroit cort, 9 \8 lou quel blei li davanz diz Jahanz doit panre et avoir chascum am l'andemaim de la Saint Remi ou molim dou dit Perron qui siet ou finage \9 d'Ormoy. 10 Et se li diz molins dechaoit par aucum cas qui avenir puet, 11 c'est à savoir ou par povreté ou par arson ou par guerre ou en autre men\10iere, que il ne paüst paier le dit blei au Jahan davant dit ou à ses hoirs, 12 li diz Pieres en oblige touz ses biens d'Ormoy jusqu'à-tant que les \11 quatre setieres de fromant et les quatre et dimee d'orge soient paies, 13 an tel meniere que, se li diz molins ne pooit paier ne touz ne partie, \12 li bien d'Ormoy paereent les quatre setieres de fromant et les quatre setieres et dimee d'orge de_sus dites. 14 Et est à-savoir que cil diz Jahanz \13 tanrai, il et si hoir, lo dit blei fraichemant et en alué. 15 Et de totes ces choses de sus dites, li davanz diz Pieres et li davant diz \14 Jahanz doent porter garantie li uns à l'autre, selunc les us et les costumes dou païs.
16 Et ge, Contanse, famme au dit Perron, lo \15 et otroi ces choses de sus dites. 17 Et ge, Erarz, sires de Jaucort, lou lo et otroi jusque à quatre setieres de fromant et \16 jusque as quatre setieres et dimee d'orge, de ce qu'a mon fié en ataimt.
18 Ou tesmoinaige de la quel chose, ge, Simonz, sires de \17 Chatelvillaim, et ge, Erard, sires de Jaucort, à la requeste dou dit Perron et de Contanse, sa famme, et dou dit Jahan, \18 avons saellei ces presantes letres de nos seaus. 19 Ce fut fait an-l'an Nostre Seignor mil et dus cenz et cinquante et sept, \19 ou mois d'otouvre.

Notes de transcription
^[1] Le scribe avait d'abord écrit sire, puis a corrigé ce mot en de.
^[2] Sic.