Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

chHM054

1255, juin

Type de document: charte: fondation

Objet: Fondation par Jean de Châteauvillain chevalier, fils de Simon seigneur du lieu, d'une chapellenie en la chapelle de Saint-Jean-l'Évangéliste à Châteauvillain, qu'il attribue à son clerc, maître Jean de Châteauvillain, fils de Jacquin le Feivre, d'Arc, et qu'il dote d'un revenu annuel de neuf livres de provenisiens auxquelles seront substituées, après la mort de son père, neuf livrées assignées sur la terre de Châteauvillain; Arnould clerc et chapelain de Simon, assure de son vivant le versement d'une rente annuelle de 20 sous de provenisiens au nouveau titulaire et après sa mort, la possession de son jardin et de sa vigne de Valpron, à charge de célébrer son anniversaire et de servir une pitance aux autres bénéficiaires de rentes dans cette chapelle.

Auteur: Jean seigneur de Châteauvillain

Sceau: auteur

Bénéficiaire: maître Jean de Châteauvillain, fils de Jacquin le Feivre, d'Arc, clerc de Jean seigneur de Châteauvillain

Autres Acteurs: Arnould clerc et chapelain de Simon, le père de Jean seigneur de Châteauvillain

Rédacteur: scribe de Jean seigneur de Châteauvillain

Support: Parchemin jadis scellé sur double queue^[a]

Lieu de conservation: AD HM, 2G 928 - Chapitre de Châteauvillain

Verso: Litera domini Johannis [Castriv]ilanni (XIV^e s.)

1 Giei, Jehanz de Chastiavillain chevaliers, filz au noble barum Symom seigneur de ce meimes chastia, 2 faz savoir à touz ceas qui \2 verrunt ces presentes letres 3 que giei, en l'anor Deu et Nostre Dame et touz seinz et totes seintes, en remede de m'ame, funde et estaubli \3 à-touz jorz mais, en la chapelle Seint Jeham Evangeliste qui est en mes meisuns de Chastiavillain, une chapellenie jusqu'à nuef \4 livres de proven., 4 les quex je premet à paier et à randre au chapellaim qui avra la dite chapellenie, chascun an, à Chastiavillain, à la \5 feste seint Remei en yver, tant cum mes sires mes peres vivra; 5 et aprés le decés mum seigneur mum pere, je doi et promet asseor en \6 la terre de Chastiavillain, por la dite chapellenie, nuef livrees de terre au chapellain dou leu. 6 Et Ernous, li clers mum seigneur mum \7 pere, chapellains de la dite chapelle de Chastiavillain, a promis et outroiei par davant moi à randre et à paier celui qui cele dite chapel\8lenie tenra vint souz de proven. chascun an, à la dite feste seint Remei, tant cum il vivra; 7 et aprés sa mort, il laisse et outroe \9 à la dite chapellenie sa vigne de Valperrum avioc sum jardim qui siet illuecque pres; 8 en tel meniere que quiquionques sera \10 chapellains de la dite chapellenie, il est tenuz faire chascun an l'anniversaire por l'ame au dit Ernou le jor de sa mort, 9 et donera \11 ce jor à meingier à ses compeignuns qui serunt rantei en la dite chapelle; 10 et doit en savoir que aprés le decés au dit Ernou, il et sui \12 hoir sunt quite des diz vint souz par la vigne et par le jardim de Valperrum que li chapellains de la dite chapellenie enportera. \13 11 Et ceste chapellenie doim je et outroi à mum amei mum clerc maitre Jeham de Chastiavillain, qui fu filz Jaquim le Feivre, d'Arc, \14 tant cum il vivra; 12 si li promet à randre et à paier deis or en avant chascun an les dites nuef livres de proven. à la dite feste seint \15 Remei, tant cum mes peres vivra, 13 et à Chastiavillain le paierai; 14 et se je ne lou pai lors à Chastiavillain, je vuel et commant que, 15 senz par\16ler à moi, mes genz qui tenrunt ma terre dou Prei dou Bu, ou mes sires mes peres m a donei mil livres chascun an ^[1] le paient senz de\17bat et senz enpeechement 16 quant li diz maitre Jehanz ou ses certeins commandemenz lor requerra à la dite Seint Remei; 17 et aprés le decés mum \18 seigneur mum pere, je doi asseoir en la terre de Chastiavillain au dit maitre Jeham les dites nuef livrees de terre, et por lui et por ceas \19 qui aprés lui tenrunt la dite chapellenie. 18 Et Ernous, li clers mum seigneur mum pere, promet aussiment, tant cum il vivra, randre \20 et paier au dit maitre Jeham au dit termine les diz vint souz; 19 et la dite vigne de Valperrum [avioc] [le] jardim, s[i] cum il est desus devisei, \21 sera aprés sum decés au chapellaim à cui je doim les nuef livrees de terre.
20 Et en tesmoingnaige et confirmati[on] [d]e ceste chose, giei \22 ai mis mum sael en ces presentes letres. 21 Ce fu fait en l'an Nostre Seigneur mil et deus cenz et cinquante cinc, \23 ou mois de juin.

Notes de fiche
^[a] Des taches ont fait disparaître quelques lettres aux lignes 20 et 21.

Notes de transcription
^[1] Ms.: anajouté au- dessus de la ligne.