Téléchargement du document

Documents linguistiques galloromans
Corpus : chartes de la Haute-Marne (chHM)
Responsable du corpus : Martin-D. Glessgen
Édition de la charte : Jean-Gabriel Gigot (révision: Jacques Monfrin et Lucie Fossier) / D. Kihaï

ChHM030

1251, juin-juillet

Type de document: charte: confirmation

Objet: Confirmation par Geoffroy de Joinville seigneur de Vaucouleurs, de la donation à l'abbé et au couvent de Mureau par Pierre de Villouxel chevalier, et par son frère Thierrion, afin de racheter deux des trois parts des deux tiers de la dîme de Cirfontaines-en-Ornois engagées aux religieux pour 160 livres de provenisiens forts par leur père, Pierre, du quart de ces deux parts. Thomas de Montbras chevalier, frère de Pierre, avait fait don de la troisième part à l'abbaye qui possédera donc désormais la moitié de toute la dîme. Ces dispositions sont approuvées par la femme de Thierrion, par Damote de Villouxel, sa mère, par Aalis, sa soeur, et par le mari de cette dernière; Geoffroy s'engage à les faire confirmer par son frère Jean seigneur de Joinville, dont la dîme relève en arrière-fief, dans un délai de trois mois après que celui-ci sera revenu d'outremer.

Auteur: Geoffroy de Joinville seigneur de Vaucouleurs

Sceau: auteur

Bénéficiaire: abbaye de Mureau

Autres Acteurs: Pierre de Villouxel chevalier, son frère Thierrion,

Rédacteur: scriptorium de l'abbaye de Mureau

Support: Parchemin jadis scellé sur double queue

Lieu de conservation: AD HM, 23H 1 - Abbaye de Mureau

Édition antérieure: Marot, Etudes sur l'abbaye de Mureau, p. 16

Verso: Littere domini Joffridi de Vallicoloris de decima de Syrofonte (XIII^e s.)

1 Je, Jofrois de Genville, sires de Vaucolor, 2 fas savoir à touz çaus qui cest escrit verront et orront 3 que com li abbes et li convens de Mirouaut aüssent en aumone perpetuel le tiers \2 des dous pars dou dime groz et menu de Syrefontenne, dou don mon signor Thomas, chevalier, de Braz, 4 et il aüssent en gage de signor Perron, son frere, et de ces hers les \3 autres dous pars des dous parties, por cent et sexante livres de pruveisiens fors, 5 par mon lous et par mon otroi, de cui li hoir des diz chevaliers doient tenir la \4 dite dime, 6 et par l'otroi de mon frere Jehan, signor de Genville, seneschal de Champagne, de cui je la teing, 7 et de la dite aumone et gagiere je lor deusse porter \5 loial warantie envers totes genz, si com il est ^[1] escrit et saelé ou sael mon frere, le signor de Genville davant dit, 8 à la fin, Thierrions et Perrins, mi fiaule, fil me \6 signor Perron davant dit, ont dené en aumone perpetuel à l'abbé et au convent de Mirouaut, parmi cen que la gagiere soit quite, 9 le quart des dous pars \7 des dous parties davant dites sor les quels la gagiere estoit, 10 si que li abbes et li convens ont la moitié par tout an dous pars de toute la dime grosse \8 et minue envers Thierion et Perrin davant nomeiz ou lor hers. 11 Et de ceste aumone doient il porter par lor sairement bone warentie envers totes \9 genz as freres de l'anglise de Mirouaut. 12 Ceste chose et ceste aumone est faite par me lous et par mon otroi, 13 et par le lous de la fame le dit Thierion \10 et de ma dame Damotte de Villorcés, sa meire, et par le lous et l'otroi de Aliz, lor soror, et de son mari. 14 Et c'est à-savoir que j'ai promis par mon crante que je an \11 bone foi metera consoil, si com je porra, 15 que ceste aumone, si com ille est escrite et devisee, soit otriee et saelee dou sael mon frere, le signor de Genville \12 dedans trois mois aprez sa revenue d'outre mer, 16 ou de l'otroi celui qui sires seroit de Genville se de-lui defalloit; 17 et se je nel faisoie ou ne poioie \13 faire ansi com il est devisé, li frere de l'anglise de Mirouaut revenroient à lor wagiere ensi com davant, 18 et je les en remeteroie en posession \14 et defenderoie de force envers totes genz, 19 et meteroie consoil bon et loial qu'il raveroient la valor des fruiz et des chateiz que Thierrions ou \15 Perrins davant dit ou autre por aus averient pris et levé de la dime davant dite, à mon ragart et au ragart mon signor Joffroi de Borlen\16mont ou d'autre bone gent; 20 li ques sires de Borlenmont a promis ceste chose faire ^[2] à tenir loiaument, et si s'en est enliez en bone foi envers \17 les freres de l'anglise de Mirouaut, 21 com cil qui en est garde et qui la doit deffendre de force.
22 Et por-ce que ce soit ferme chose et estaule, j'ai mis \18 mon sael en ces presantes lettres, par la requeste de l'une et de l'autre partie. 23 Ce fu fait en l'an que li milliaires corroit par mil et dous cens \19 et cinquante et un an, on mois de junet.

Notes de transcription
^[1] Ms.: sicomilestajouté en interligne.
^[2] Le scribe a écrit cestefairechoseet a rétabli l'ordre au moyen de signes de renvoi.