Téléchargement du document

Documents linguistiques galloromans
Corpus : chartes de la Marne (chMa)
Responsable du corpus : Martin-D. Glessgen
Édition de la charte : D. Kihaï

ChMa214

1270, mardi 22 juillet

Type de document: charte: notification de jugement

Objet: [1] Maître Jean de Paris, chanoine de Paris, et Jean de Brene, juge, [2] notifient [8] un jugement de la Cour de Champagne [3] au sujet d'un désaccord opposant les frères du Temple et Perrecart de la ville Domenge, bourgeois de Chaudarde, concernant la seigneurie et la justice haute et basse d'Ansonce et de la Nueveville.

Auteur: Maître Jean de Paris, chanoine de Paris, et Jean de Brene juge

Disposant: auteurs

Sceau: cour de Champagne

Bénéficiaire: frères du Temple, et Perrecart de la ville Domenge, bourgeois de Chaudarde

Autres Acteurs: abbé de l'Arinoir; prieur de Lille de Troyes; Pierre de Vilertel; Guillaumme de Vilertel

Rédacteur: chancellerie de la Cour de Champagne

Support: parchemin jadis scellé sur double queue?; 215x290; repli: 20

Lieu de conservation: AD Marne 2G 989, n^o 8 - Chapitre de Reims

Verso: Latin

1 · Nous mestre Jehan de Paris chanoine de Paris et Jahan de Brene juge donné de haut roy de Navarre \2 es causes et es besoingnes de Champagne et de-Brie, 2 faisons à savoir à touz ceus qui ces presentes letres verront 3 que \3 comme descorz fust entre les freres dou Temple d'une part; et Perrecart de Vile? Domenge bourgois de Chaudarde \4 d'autre,· seur la propriité de la saignorie et de la joutice haute et basse des viles de Ansonce? en Champagne \5 et de la Nueve Vile delez. 4 De ce descort de par nostre seignor le roy devant dit· et dou constantement des parti\6es devant dites; commissions fu fete à sages homes et honestes· mon seignor Eudon de Ruilli chevalier· et mestre \7 Adam de Gres clerc,; 5 pour enquerre la bonne verité de ce descort devant dit; et du droit à chacunne des partie\8es seur la propriité de la seignorie et de la jutice devant dite.; 6 La quele enqueste fu raportee en la court de \9 Champagne par ces enquereeurs devant diz et fu baillie de par nostre seignor le roy devant dit et dou consantement des \10 parties; à l'abé de l'Arinoir, au prieur de Lille? de Troies,· à mon seignor Pierre de Vilertel· et à mon seignor Guilleme \11 de Vilertel, 7 pour examiner et raporter à la court devant dite; ce que il troveroient en la dite enqueste· et \12 es chartres que l'une partie et l'autre baillierent aus devant diz examineeurs.;
8 La quele enqueste soufisamment \13 examinee, il fu jugié par la court devant dite; que li frere du Temple pueent metre et oster à leur vo\14lenté en la vile d'Ansonce et de la Nueve vile delez,; maieurs et eschevins.· 9 Et quant li maieur et li eschevin seront \15 establi et il devront jurer à guarder les droiz de l'une partie et de l'autre,; 10 Perrecart; ou ses commandemenz por\16ront venir aus seremenz ausi com uns autres,; mes li frere devant dit ne sont pas tenu à lui apeler à \17 ce ne son commandement.; 11 Et s'il n'i venoit ne ses conmandemanz; quant il venroit apres en ces viles ou ses \18 commandemenz et il ou ses commandemenz demandoit aus maiours ou aus eschevins s'il avoient fet \19 le serement devant dit,; il sont tenu à respondre qu'il l'ont fet en bone foi; 12 et ce li doit soufire.· 13 Et s'il \20 respondoient qu'il ne l'eussent fet,· il sont tenu an fere en la maniere desus dite.·:
14 Et ces choses faites \21 et acomplies li frere du Temple et Perrecarz sont paroil; en vendre ou an amoisonner et en lever ou en \22 autres manieres esploiter vinages, terrages,; toutes rentes, toutes eissues; et touz profiz des devant \23 dites viles. 15 Par les quels dites rentes, eissues et profiz nous entendons toutes amendes et toutes jou\24tices; et touz autres esploiz qui porront oissir? des devant dites viles.·
16 Et se les choses devant dites \25 n'estoient vendues ou amoisonnees par commun acort,; 17 il doivent communement metre receveeurs et \26 recuilleeurs qui doivent fere serement à l'une partie et à l'autre qu'il guarderont à chacune partie \27 son droit.·
18 En tesmoing· des queles choses, nous avons seelees ces presentes letres dou seel et dou \28 contreseel des quieus nous usons es causes et es besoingnes de Champagne et de Brie. 19 Ce fu rendu et fet \29 à Troies, aus jourz nostre seignor le roy devant dit de la Madeleinne, en la presence le seignor de Tirichatel, \30 et le seignor de Juinvile, et l'abé d'Auviler, et d'assez d'autres bonnes genz du conseil nostre seignor le roy, \31 en l'an de grace ·M·CC· sexante et dis.;