Téléchargement du document

Documents linguistiques galloromans
Corpus : chartes de la Marne (chMa)
Responsable du corpus : Martin-D. Glessgen
Édition de la charte : D. Kihaï

chMa207

1270, mai

Type de document: charte: vente

Objet: [1] Guillaume Briques de Prosne, chevalier, [3] vend à l'Hôtel-Dieu de Reims toutes ses rentes qu'il avait annuellement dans la ville de Prosne, [13] contre 40 livres parisiens.

Auteur: Guillaume Briques de Prosne chevalier

Disposant: auteur

Sceau: auteur

Bénéficiaire: Hôtel-Dieu de Reims

Rédacteur: scriptorium de l'Hôtel-Dieu de Reims

Support: parchemin scellé sur double queue (le sceau est emballé); 210x215; repli: 10

Lieu de conservation: AM Reims B 47 - Hôtel-Dieu de Reims

1 Nous Guilliaumes Briques de Proonne chevaliers et Ysabiaus, sa fenme 2 faisons à savoir à \2 tous ceus qui ces presentes lettres verront et orront 3 que nous avons vendut au pourveurs de \3 l'ostel Nostre Dame de Rains, en non de celui hostel 4 toutes les gelines que nos aviens chascun an \4 de rente en la vile de Proonne ^[1], 5 fut par raison de sauvement· ou \5 par raison de signerie ou d'autre raison quelconques,· 6 c'est à savoir de chascun masnier son chief \6 portant ou de chascun feu de maison une geline à paier dès ore en avant à tous jours chascun \7 an à feste saint Remi ou chief de octembre. 7 Et ceste rente devant dite nous vendons et re\8connoisons que nous avons vendut à ces devant dis pourveurs en non di-ce-devant dit ho\9stel· 8 franche et quite de toutes servitutes, de toutes debites· de fiel doumage et de signe\10rie et d'autres servitutes et d'obligation quesconques eles soient· 9 Et lor vendons, donnons et otro\11ions et clamons quite en non de vendage tout le droit et toute l'action, 10 toute la signerie, tou\12te la justice a toutes les amendes que nous aviens et poiens avoir 11 qui nous estoient dutes \13 et poient estre dutes en cele rente devant dite, 12 et pour l'occoison de li en quelconques maniere que \14 ce fust, 13 fors mises la geline nostre maieur et la geline le maieur le signeur de Tuysi, les quex \15 nous ne vendons mie·
14 Et reconnoissons et fasons asavoir à tous que cis marchiés et cis vendages \16 est fais de nous au devant dit hostel par mi le pris de quarante livres de parisis, 15 des quex deniers \17 [nos] ^[2] reconnoisons que nostres pleins grés et nostre craans en est fais à nous entierement de par \18 celui hostel en bons deniers sés, contés, nombrés et delivrés.· 16 Et proumetons par nos fois fianciés \19 de nos cors à porter garandie à ce devant dit hostel de ceste rente et de ce marchiet tant com de \20 chose vendue envers tous ceus qui à-droit et à-loi ou à plait en-voroient venir,· 17 et espe[cia]ument \21 envers tous serveurs terriens qui en ceste devant dite rente par raison doumage? darier\22[r]ez? ou par autre raison quelconques· vorroient riens dire, clamer ou demander, 18 [ran]dre et \23 [re]stablir à icelui hostel tous cous, tous despens et tous damages que cis hostes [avroit] en con\24[tre], 19 et soustenroit en quelconques maniere ce seroit pour l'occoison de ceste rente retenir et de \25 [la] [de]faute de nous.· 20 Et pour ceste garandie à porter et toutes ces choses à emplir et à tenir fer\26mement, nous en assenons le devant dit hostel à tous nos biens presens et futurs, par tout où \27 il sont et seront trovet,· 21 et les obligons et metons en contre gage pour ce envers cel hostel de\28seur noumeit.· 22 Et proumetons par nos dites fois que contre ce vendage nos ne venrons· ne pro\29curons avenir par raison quelconques.· 23 Et renonsons expressement par nos fois à ce que nos [ne] [puis]\30siens dire que nous n'aiens vendue ceste rente· 24 et que li devant dit denier ne nous aient [donet] \31 paiet· pour ce ne delivreit,· 25 et à toutes autres exceptions que nos porriens contre cest marchie[t] \32 et ces convenances proposer.·
26 Et pour ce que ces choses soient tenues et gardees fermement à tou[s] \33 jours,· je Guilliaumes devant dis ai ces presentes lettres seellees de mon propre seel, de la volentet \34 ma devant dite fenme donnees à celui hostel,· 27 qui furent faites l'an de grace· mil· deus-cens et \35 sexante dis ans,· el mois de mai.

Notes de transcription
^[1] Ms.: les mots suivants ont été rayés d'un trait: c'est asavoir toutes les gelines.
^[2] Ms.: parchemin détérioré.