Téléchargement du document

Documents linguistiques galloromans
Corpus : chartes de la Marne (chMa)
Responsable du corpus : Martin-D. Glessgen
Édition de la charte : D. Kihaï

ChMa206

1270, 26 avril

Type de document: charte: don en aumône

Objet: [1] Hugues, vidame de Châlons, [3] fait une aumône aux frères de la Commanderie de La Neuville-au-Temple [4] de son fié de Saint-Celier, [7] y compris le droit et la seigneurie qui sont attachés au-dit fié.

Auteur: Hugues vidame de Châlons

Disposant: auteur

Sceau: auteur

Bénéficiaire: Commanderie de La Neuville-au-Temple

Rédacteur: chancellerie de Hugues vidame de Châlons; scriptorium de la Commanderie de La Neuville-au-Temple

Support: parchemin jadis scellé sur double queue; 265x300 repli: 30

Lieu de conservation: AD Marne 53H 84, n^o 7 - Commanderie de La Neuville-au-Temple

1 A touz ciaus qui ses presens letres verront et orront, 2 Hues chevaliers, vidames de Chaalons, salus \2 an notre Signor. 3 Sachet tuit cil qui verront? et orront ses letres que je ai doné et otrié et \3 quité an pure et an perpetuel aumone à tous jors et an don sans rapel, au commandeour et as \4 freres de la chevalerie dou Temple de la Maison de Nuevile deles Chaalons, 4 le fié que je \5 avoie an toutes les terres arables et an rantes, an cens, an gelines, an blés et an toutes autres \6 choses que Adans de Marcon escuiers et damoisele Ysabeaus? sa fame tenoiet de moi et pre\7noiet an la vile et au finage de Saint Celier deles le Temple, 5 que cil Adans et sa fame \8 ont vandu à ciaus commandeour et freres dou Temple, 6 les ques terres, rantes, blez, cens, gelines \9 et autres choses furet Perrot le Rous qui fu fillatres mon signor Perrart de la Macererie? \10 chevalier et damoisele Ode qui fu fame celui Perrot. 7 Et tout le droit et la signorie que je \11 avoie et devoie et pooie avoir an toutes ses choses, et ce don et ceste aumone, ai je fait et fas \12 au commandeor et as freres devant dis, franchemant et quitemant an alué, 8 an tele meniere que se aucuns \13 i demandoit servise je la quiterai et garantirai vers toutes gens.· 9 Et premet loiaumant par \14 ma foi que d'or an avant ne vanrai ne ne ferai venir ancontre ce don et ceste aumone. 10 Et que \15 je lor garantirai loiaumant le fié devan dit et franchemant an alué vers toutes gens si \16 con dit est devant.· 13 Et vuel et otroi que se je venoie contre ce don et ceste aumone et contre ses \17 choses devant dites, que li dit freres puissent panre? et faire panre de mes biens qu'il faut \18 qu'il fusset et tenir tant que les couvenances devant dites fusset a_conplies et tenues. 14 Et pre\19met an cor loiaumant que ce don et ceste aumone et ses choses devant dites ferai je loer, et \20 aprover, et quiter, et otroier à ma dame Marguerite ma fame dedans la feste notre Dame à la \21 mi aout prochainnemant à venir par letres. 15 Et à toutes ses choses à tenir, à faire et à garder, oblige \22 je moi et mes oirs et touz mes biens muebles et non muebles, où qu il soiet et seront, au comman\23deour et as freres devant nomez.
16 Et pour ce que ses choses soiet fermes et estables, je ai de\24nees ses presens letres as freres devant nomez seelees de mon seel. 17 Et ce fu fait l an de l in\25carnation notre Signor .M· et .CC· et .LX· et. X,· le samedi devant la feste saint Phelipe \26 et saint Jaque.