Téléchargement du document

Documents linguistiques galloromans
Corpus : chartes de la Marne (chMa)
Responsable du corpus : Martin-D. Glessgen
Édition de la charte : D. Kihaï

ChMa196

1269, mars ou 1270 (n.st.), mars

Type de document: charte: notification d'échange

Objet: [1] Thiébaut roi de Navarre, comte palatin de Champagne et de Brie, [2] notifie [3] un échange opéré entre Jean, comte de Rouci, et Eniourran de Hedonville. [6] Ce dernier remplace les 5 deniers tournois de cens qu'il devait tous les ans à Jean pour un pré situé à proximité de la rue Trameri [5-6] par 6 deniers de cens dont 5 tournois et 1 parisien qu'Eniourran collectait sur un pré sis rue de Troilon et l'autre en voisinage du Pré-à-Vilers. [8-9] Thiébaut met tout sous la seigneurie du chapitre de Reims.

Auteur: Thiébaut [V] roi de Navarre, comte palatin de Champagne et de Brie

Disposant: auteur

Sceau: auteur

Bénéficiaire: Jean comte de Rouci; chapitre de Reims

Autres Acteurs: Eniourran de Hedonville

Rédacteur: scriptorium du chapitre de Reims; chancellerie de Thiébaut [V] roi de Navarre

Support: parchemin jadis scellé sur lacs de soie ou sur cordon; 280x265; repli: 30

Lieu de conservation: AD Marne 2G 1525, n^o 3 - Chapitre metropolitain de Reims

1 Nous· Thiebaus· par la grace de Dieu· rois de Navarre,· de Champaigne et de Brie cuens palazins, 2 faisons \2 savoir à touz ceus qui ces presentes letres verront et orront 3 que nostre amis foiauz Jehans cuens \3 de Rouci et Ysabeaus sa femme contesse de ce meïmes liu ont fait eschange si comme nous avons enten\4du à Eniourran de Hedonvile et à domoisele Hodierne sa femme 4 de sis deniers tournois que il de\5voient chascun an· de cens au conte et à la contesse devant diz seur un pré qui siet delez le ru \6 de Trameri, si comme l'en dit qui muevent de nostre arriere fié,; 5 à cinc tournois de cens qui sient \7 seur un pré· qui tient au ru de Troilon si comme l'en dit que Girars Chaulars tenoit de celui \8 Eniorran et de sa femme,· 6 et à un parisi de cens que Colins de Aunoi tenoit de celui Eniorran \9 et de sa femme seur une piece de terre· qui siet si comme l'en dit lez le pré à Vilers.· 7 Les quels \10 cinc deniers tournois et le parisi devant diz· li diz cuens et contesse de Rouci doivent tenir \11 en recompensation· et en eschange· des sis deniers tournois devant diz que il avoient seur le devant \12 dit pré de Trameri.· 8 Et comme cil cinc deniers tournois et li parisis de cens devant diz fussent \13 si comme nous avons entendu desouz le chapitre de Reins et en sa seignorie,· 9 il nous plaist et volons \14 que li diz chapitres de Reins ait la seignorie des devant diz sis deniers tournois de cens et dou pré, \15 10 dont on devoit les sis deniers en recompensation de la seignourie que il avoit sus la teneure dou pré et de \16 la terre devant diz qui doivent les cinc deniers tournois et le parisi devant diz.· 11 Et ceste seignou\17rie amortisson-nous tant comme à nous a partient· à tenir au dit chapitre à touz jourz si comme il \18 faisoient l'autre devant dite.· 12 Et ces eschanges des cens et des seignouries devant diz loons nous et \19 confermons et aprouvons tant comme à nous apartient,· sauf le droit à autrui.·
13 Et pour ce que ce \20 soit ferme chose et estable à touz jours,· nous avons fait seeler ces presentes letres de nostre \21 seel.· 14 Ce fu fait à Esparnai ^[i] en l'an de grace nostre Signeur· mil deus cenz et soissante nuef, \22 ou mois de marz.·

Notes linguistiques
^[i] Epernay: Marne.