Téléchargement du document

Documents linguistiques galloromans
Corpus : chartes de la Marne (chMa)
Responsable du corpus : Martin-D. Glessgen
Édition de la charte : D. Kihaï

ChMa151

1265, novembre

Type de document: charte: reconnaissance de vente

Objet: [1] Baudouin d'Agars seigneur des Amoises [5] reconnait avoir vendu deux saus parisis et quatre chapons [6] aux pauvres de l'Hôtel Notre-Dame de Reims [7] contre 40 livres de provinois fors.

Auteur: Baudouin d'Agars, seigneur des Amoises

Disposant: auteur

Sceau: auteur

Bénéficiaire: Hôtel Notre-Dame de Reims

Rédacteur: scriptorium de l'Hôtel Notre-Dame de Reims

Support: parchemin scellé sur double queue d'un sceau de cire brune; 275x260; repli: 15

Lieu de conservation: AM Reims B 30 - Hôtel-Dieu de Reims

1 Gie Bauduins c'on-dit d'Agarz chevaliers, sires des Amoises, 2 fais asavoir à-tous ceus qui sunt· et qui avenir \2 sunt· qui ces presentes lettres verront et orront· 3 que conme hoir Renaut c'on-dit Baaillart de Autruce? qui fu \3 tenissient et ancores tiennent setiers des deus pars de moi an franc aluef de la diseme dou terroir qui est \4 antre· Autre· et Autruce et an-terroir de-ces deus viles devant ditez, grosse dieeme et menue.· 4 Et il-la tenissient icil \5 devant dit oir· parmi deus saus de parisis· et quatre chapons que il me rendoient chacun an· au-jor de la Saint Re\6mi, an chief d'octembre· et aportissient an-mon hostel· as-Amoises.·
5 Gie Bauduins chevaliers devan-diz requenois que \7 gie ai vendu bien et loiaument et au-nom de vendue à-toujours mais san-rapel de moi et de mes oirs, ai-quitté et quitte \8 ces deus saus de parisis et ces quatre chapons devan-diz· 6 et tout le-droit,· toute l'anction· et toute la-signourie que gie i-a\9voie et poie à avoier par queque raison que-ce-fut,· à-pourveurs de-l'ostel· Nostre Danme de Rains, au-non des-povres \10 dou dit hostel· et pour ensi.
7 Et ceste vendue si est faite par le-pris de quarante· lb· de provinisiens forzs· 8 des queus qua\11rante· lb· de provinisiens forzs, gie Bauduins chevaliers devan-diz me-taig plaignieremant pour bien paiez an-deniers ces \12 qui me furent bailliet contez et delivrés des-pourveurs devan-diz, au-non des-povres de devan-dit hostel· et pour ensi?. \13 9 Et premest par ma foi fiantié conme chevaliers qu'an-ces chozes ainsis com elle-sunt ci devant ditez par moi ne par autrui \14 aucunne choze de droit n'i-reclanmerai ne-ne-ferai par moi ne-par autrui reclanmer,· 10 mais loial garandie am-por\15terai à-ces pourvers devandiz· au-non des povres de-devant dit hostel· et pour eus,· 11 tant con-de-bonne vendue et loial \16 anvers tous ceus qui à-droit et à-plait an-vorient venir, mesmemant anvers mes-freres?· et mon-signeur Bauduin \17 de Autri arcediacre de-l'esglise de Chaalons, mon-oncle· Forques, anvers le-roi de-France· et le-roi de Navarre.· 12 Et renunce \18 par-ma-foi que gie ai baillié anil?- ce-fait, à l euception de-ce que gie ne puisse dire que ces quarante· lb· de provinisiens fors devant \19 ditez ne me soient bailliees,· contees· et delivrees an-deniers ces· des pourveurs devan-diz au-non des povres do? dit hostel et \20 pour eus,· 13 à toute aide de-droit et de canon,· et as ce que gie ne-puisse dire que gie soie deceüs an-ceste choze outre \21 la-moitié de droit pris, 14 à tous drois et à toute aide,· à toute constitutions· et· establissemant de citez,· de viles,· de bouorg? \22 et de chatiaus,· 15 à toutes indulgenses et à-toutes grasses que on a fait à-croisiet? ou à ceus qui ce-croiseront de par no\23stre pere l'apoistoile· ou de par le-roi de France,· ou c'on-lor porroit otroier dès-or an avant,· 16 à toutes exceptions,· à-toutes· \24 raisons,· à toutes allegations et à-toutes autres chozes qui me porrient anil ces-fait aidier et pourfitier· et \25 à-ces devan-diz pourveurs au-non desdiz povres nouyre,· à ce que om peut rapeler ces-chozes devant dites ou aucunne \26 d'iscelles.·
17 Et c'est assavoir que toutes ces chozes devant ditez gie Bauduins devan-diz chevaliers ait fait loer et \27 approver de Aalis ma-fenme par foi fiancié pour-ce que elle n'am-poit ancontre aler ne rapeler par li ne par autrui· \28 18 Et à-la plus grant sceurté de toutes ces chozes ainsis com elle sunt sci-devant dites à-tenir et à-amplir et ne mi ancon\29tre venir, gie Bauduins et Aalis ma fenme devant dit· anvers ces diz pourveurs au-non des-diz povres \30 do devant dit hostel et pour eus; 19 oblejons et avons oblegiés par nos devant dites foiz tous nos biens muebles \31 et non-muebles, chateus, aqués et non aqués que nous avons presentement et que nous poons dès or-mais avoir an-queconques \32 lieus que il-soient ne que on-les-porroit trouver.·
20 An-tesmoignage et an-monunent? de toutes ces chozes devant dites \33 gie Bauduins chevaliers devan-diz, sires des Amoises,· de la plainne volenté et do-consentement Aalis ma-fenme devant dite,· \34 par nos foiz que nous avons ja bailliés ainsis que om il-l'est dit sci-devant à ces presentes lestres, ai mis mom-propre sceel.· \35 21 Ce fu fait an-l'an de l'incarnation nostre Signeur· mil· et deus cens· et sissante scinc,· au-mois de novembre?.·