Téléchargement du document

Documents linguistiques galloromans
Corpus : chartes de la Marne (chMa)
Responsable du corpus : Martin-D. Glessgen
Édition de la charte : D. Kihaï

ChMa107

1258, juillet

Type de document: charte: notification de règlement de litige

Objet: [1] Pierre de Courpalay, chevalier, bailli de Vitry, [3] notifie que suite à un différend entre l'abbaye Notre-Dame de Cheminon et Jean de Pasquis, écuyer de Vitry, [4] au sujet d'une somme d'argent de 11 déniers de cens que Jean exigeait de l'abbaye pour une place sise rue Saint Ladre à Vitry [5] que les religieux refusaient de payer, [6] finalement, ils font la paix, [7] et Jean reconnait en présence du bailli qu'il abandonne aux religieux tout privilège concernant ladite place, [10] en promettant à l'abbaye de lui garantir cet accord, lui et sa femme Alice, [9] envers tous ceux qui s'y opposeront, y compris leurs héritiers.

Auteur: Pierre de Courpalay, bailli de Vitry

Disposant: auteur

Sceau: auteur

Bénéficiaire: abbaye Notre-Dame de Cheminon

Autres Acteurs: Jean de Pasquis écuyer de Vitry

Rédacteur: chancellerie de Pierre de Courpalay, bailli de Vitry; scriptorium de l'abbaye Notre-Dame de Cheminon

Support: parchemin jadis scellé sur double queue?; 245x85; repli: 20

Lieu de conservation: AD Marne 17H 142, n^o 10 - Abbaye Notre-Dame de Cheminon

Verso: Sur le verso on peut voir un D capital, de toute évidence de l'époque

1 Je Pierres de Corpalais chevaliers, balliz de Vitri, 2 faz savoir à toz cex qui ces letres verront 3 que cum descorde fust entre l'abei \2 et le covent de Chiminon d'une part, et Jehan des Pasquis escuiier de Vitri d'autre, 4 de ce que li diz Jehans demandoit as dis abei et \3 au covent unze deniers de cens sor une place qu'il ont en la rue Saint Ladre, entre le pressoir les nonains et le lor maison qui siet \4 en la dite rue à Vitri, 5 et li dis abbés et li covens disoient encontre que il ne li devoient mie ce cens, 6 à la fin, par le consei de bone gens, \5 pais et acorde fu faite entre aus en-tel maniere: 7 que li dis Jehans reconeut par devant moi que il quitoit as dis abbei et au covent \6 quanqu'il avoit et pooit avoir de droit ou dit cens, en totes manieres et en toz preus.· 8 Et promist li dis Jehans que le dit cens ne \7 reclameroit ne feroit reclamer ne par lui ne par autrui.· 9 Et le promist à garantir as dis abbei et au covent envers ses oirs et \8 envers toz cex qui vorroient venir à droit.· 10 Et totes ces choses qui sont deseur dites, Aelis? li feme le dit Jehan, en-ma presence, \9 por ce establie de sa propre volenté, a quitees, loees et otroiés as dis abbei et au covent.·
11 Et en tesmognage de ces choses deseur dites, \10 à la requeste le dit Jehan, Aelis sa feme, je ai saielees ces letres et donees as dis abbei et au covent, sauf le droit mon signor \11 le roi.· 12 Ce fu fait en l'an nostre Signor mil deus cens cinquante et wit, ou mois de julet.