Téléchargement du document

Documents linguistiques galloromans
Corpus : chartes de la Marne (chMa)
Responsable du corpus : Martin-D. Glessgen
Édition de la charte : D. Kihaï

ChMa075

1256 (n.st.), février

Type de document: charte: notification de reconnaissance de vente

Objet: [1] Gauthier seigneur d'Arzillières [2] notifie [3] que Bertremin, le bailli de Colle, et Marguerite sa feme, ont reconnu devant lui qu'ils ont vendu à l'abbaye Notre-Dame de Cheminon quatre journées de terre. [8] Et comme le terrain relève de la juridiction de Gauthier, [9] lui aussi et à son tour l'abandonne aux religieux, [10] en y retenant toutefois la droiture qu'on lui doit.

Auteur: Gauthier seigneur d'Arzillières

Disposant: auteur

Sceau: auteur

Bénéficiaire: abbaye Notre-Dame de Cheminon

Autres Acteurs: Bertremin le bailli de Colle, et Marguerite sa feme

Rédacteur: scribe de Gauthier seigneur d'Arzillières; scriptorium de l'abbaye Notre-Dame de Cheminon

Support: parchemin scellé sur double queue (sceau emballé); 170x95; repli: 20

Lieu de conservation: AD Marne 17H 95, n^o 21 - Abbaye Notre-Dame de Cheminon

1 Je Gautiers chevaliers, sires de Arzillieres, 2 faz à savoir à toz cex qui ces presens lettres verront \2 3 que Bertremins li bailliz de Colle· et Marguerite sa feme, en ma presence establi, 4 ont reconeü· \3 qu'il ont vendu al abbei et au covent de Chyminum quatre jorneus de terre qui sunt ou mont de \4 la Perriere, dalez la-terre Forkeri, devant le maison que cil de Chyminum ont à Colle;· 5 la quel terre il-ont \5 aquise issi cum il dient.· 6 Et ont promis li diz Bertremins· et la dite Marguerite sa feme que il en-porte\6ront garantie à cex de Chyminum loialment· et à bone foi contre toz cex qui volront venir à droit;· \7 7 et si s'en sunt devesti en ma main.· 8 Et por ce que ceste terre muet de moi, por le salu de m'arme j'ai \8 loé cest vendage,· 9 et ai otroié à tenir à cex de Chyminum ceste dite terre à toz jors,· 10 et les en ai revestis \9 sauve? la droiture que la terre me doit.·
11 Et por ce que ce soit ferme chose et estable, à la requeste \10 les diz Bertremin et Marguerite sa feme, je ai saelees ces lettres de mon seel et donees al \11 abbei et au couvent de Chyminum devant diz.· 12 Ce fu fait an l'an nostre Signor· mil· deus cens· \12 cinquante· et cinc,· ou mois de fevrier.;