Téléchargement du document

Documents linguistiques galloromans
Corpus : chartes de la Marne (chMa)
Responsable du corpus : Martin-D. Glessgen
Édition de la charte : D. Kihaï

ChMa048

1250, avril ou 1251 (n.st.), 1-15 avril

Type de document: charte: consentement

Objet: [1] Mile abbé de Trois-Fontaines [3] rappelle que comme dans le passé, au temps de son prédecesseur, Lucie, dame de Landricourt, la soeur de Gobert de Botonville, a fait une aumône de cinq muids de blé à son couvent, [5] mais à quelle aumône son frère s'opposait, [6] il a été convenu par le conseil des prud'hommes que Gobert n'acquittera que trois muids de blé annuels, [7-13] son devancier et lui (Mile) consentent à cet accord assurand Gobert qu'ils ne lui exigeront les cinq muids de blé ni le retard sur cette quantité de céréales, mais acceptent volontiers les trois muids, [14] Mile lui promettant qu'il ne se rétractera jamais de sa déclaration ni ne le condamnera au sujet des cinq muids de blé.

Auteur: Mile abbé de Trois-Fontaines

Disposant: auteur

Sceau: auteur

Bénéficiaire: Gobert de Botonville

Autres Acteurs: Lucie dame de Landricourt, la soeur de Gobert de Botonville

Rédacteur: scriptorium de l'abbaye de Trois-Fontaines; scribe de Gobert de Botonville

Support: parchemin jadis scellé sur double queue; 170x175; repli: 20

Lieu de conservation: AD Marne 22H 41, n^o 2 - Abbaye de Trois-Fontaines

1 A toz cels qui verront et orront ces letres, 2 li abbés Miles et li covenz de Trois-\2 Fontainnes salut en Dieu.· 3 Nos vos faisons à savoir que cum au tans de nostre devantier \3 qui devant nos fu abbés,· ma dame Lucie la dame de Landricort, suer mon signor \4 Gobert de Botonville, eust donei si cum en nos a fait entendant à nostre eglise en \5 parmenable aumone por la salut de s'ame cinc muis de blei à la mesure de Bar le Duc, \6 4 à penre à toz jors chacun an en ses terrages de Bruillon dou premier batu après la \7 Saint Remi,· 5 et cil mes sire Goberz desor-diz nos chaloinast l'aumone desor-dite,; 6 à la fin, par \8 conseil de prodomes cil Goberz volt et otria que nostre eglise preist chacun an enz terrages \9 desor-diz de Bruillon à toz jors dou blei premier batu après la Saint Remi an chief d'octobre, \10 por l'aumone de sa seror ma dame Lucie desor-dite trois muis de blei, à la mesure de Bar le Duc, \11 moitié froment, moitié avainne, blei paable et loial.· 7 Et nostre devantier quiterent à celui dit \12 Gobert les cinc muis devant diz 8 que sa suer devant nomee ma dame Lucie nos avoit donez en \13 aumone por les trois muis que cil Goberz nos en dona en parmenable rente à toz jors si cum \14 desore est dit.· 9 Et quitarent autresi nostre devantier au-devant-dit Gobert avoc les cinc muis, \15 à toz jors, toz les arrierages qui avoent estei levei, 10 et n'avoent mie estei rendu à \16 nostre eglise por l'aumone des cinc muis desor-diz; jus_qu'à cel jor que li assenemenz des \17 trois muis desor-diz fu faiz à nostre eglise por l'aumone ma dame Lucie desor-dite.· 11 Et nos \18 l'abbés et li covenz desor-dit· prenons à grei l'assenement des trois-muis desor-diz enz terrages \19 de Bruillon dou premier batu après la Saint Remi desor-dite, chacun an à toz jors; 12 et li \20 sires ou sui serjant le nos doent faire avoir.· 13 Et issi nos quitons les autres cinc muis \21 desor-diz et les arrierages des cinc muis.· 14 Et prometons par ces letres que nos ne l'enfor\22cerons ne ne travillerons,· ne ne ferons enforcier ne travillier le devant dit Gobert por l'oqui\23son des cinc muis devant diz et des arrierages des cinc muis.·
15 Et por ce que ce soit à toz \24 jors ferme chose,· nos avons mis nostre sael à ces letres.· 16 Li assenemenz des trois \25 muis fu faiz en Karramme?, devant ce que li devant diz Goberz en alast outre mer.· 17 Et ces \26 letres furent faites l'an que li miliares estoit par ·M· et ·CC· et cinquante anz,· en avril.