Téléchargement du document

Documents linguistiques galloromans
Corpus : chartes de la Marne (chMa)
Responsable du corpus : Martin-D. Glessgen
Édition de la charte : D. Kihaï

ChMa039

1250, 29 avril

Type de document: charte: rapport

Objet: [1] Rapport fait à l'adresse de Thiébaut roi de Navarre, comte palatin de Champagne et de Brie, [2] par Aubert seigneur du Plaissis, [4] et au nom de Gauthier d'Arzillières également, [3] sur un règlement de litige convenu entre l'abbaye Notre-Dame de Cheminon et Jean, écuyer seigneur de Heis [13] au sujet d'un pré et de ses démarcations que l'écuyer réclamait aux religieux, mais qui appartenait bel et bien à l'abbaye. [7] Jean retire toutes ses réclamations [11] et promet de respecter cet arrangement [10] ensemble avec les religieux de Cheminon.

Auteur: Aubert seigneur du Plaissis

Disposant: auteur

Sceau: auteur

Bénéficiaire: abbaye Notre-Dame de Cheminon

Autres Acteurs: Thiébaut roi de Navarre, comte palatin de Champagne et de Brie; Gauthier d'Arzillières; Jean écuyer, seigneur de Heis

Rédacteur: scribe d'Aubert seigneur de Plaissie; scriptorium de l'abbaye Notre-Dame de Cheminon

Support: parchemin scellé sur double queue d'un sceau de cire brune; 200x125; repli: 10

Lieu de conservation: AD Marne 17H 8, n^o 25 - Abbaye Notre-Dame de Cheminon

1 A son chier seignor Thiebaut par la grace de Deu roi de Navarre,· de Champaigne et de Brie conte palatin, 2 Aubers \2 chevaliers, sires dou Plaissie, sez fiables amis salut et appareillie servise à faire à sa volentei.· 3 Sire, com vos avez mandei à \3 moi par vos lettres que je vos remandasse par mes lettres pendens la forme et le raport de la mise coment ele \4 avoit estei antre l'abbei et le covent de Chemynun d'une part, et Jehan escuier, seigneur de Heis d'autre, 4 qui fu \5 mise suer moi et suer mon seignor Gautier d'Arzillieres par l'acort des-parties, 5 an teil maniere que il demo\6roit en pais parmenablement à l'abbei et au covent de Chemynun? totes les choses si com lor chartres dient,· \7 6 et quanque il avoit dedanz lor bones et dedanz lor fosseiz dès le? Wei Garin jusque au ru des Geinge, \8 et ansi com lor fossei contiennent lor teneure de la Jou?,· 7 et ce lor quitta Jehanz ^[1] devant diz \9 par devant nos sanz mise faire.· 8 Et se nos troviens fors de lor chartres,· et de lor bones, et de lor fosseiz, \10 dont li abbés et li covens de Chemynun feissient au devant dit Jehan tort,· il le deivent relaissier par \11 nos.· 9 Et se li diz Jehans refaizoit tort au devant dist abbei et le covent de Chemynun,· il le devoit \12 relaissier par nos.· 10 Et li abbés et li covenz por lui et por son covent creanta com abbés par devant nos à te\13nir ceste mise,· 11 et Jehanz la fiança à tenir.· 12 Et sachiez, sire, que Jehanz ne nos fist nule montrée se \14 de ce non que il avoit quittei par devant nos à l'abbei et au covent.· 13 Sires, et bien sachiez que ciz \15 preiz que Jehanz de mande à l'abbei et au covent de Chemynun est dedans lor bones et lor fosseiz,· \16 si com je le vos faz savoir par mez lettres pendens.· 14 Et ce raportames nos, je et mes sires Gautiers \17 d'Arzillieres, par nos fiances devant vos à Vitrei.· 15 Et ce vos fas je à-savoir que ce dit et ce raport \18 que nos deimes et raportames par devant vos· otriarent les parties devant dites à tenir.· 16 Et ce vos \19 faz je à savoir com vostres hom liges qui fu ansi com ge-l vos mant par mes lettres pendens.·
17 Cez \20 lettres furent faites ^[2] l'an del incarnation nostre Seignor mil et ·II·C. et· L,· le venredi après feste saint Marc \21 euvangelistre.·

Notes de transcription
^[1] Rayure.
^[2] Ms.: furentfaitessuscrit.