Téléchargement du document

Documents linguistiques galloromans
Corpus : chartes de la Meuse (chMe)
Responsable du corpus : Martin-D. Glessgen
Édition de la charte : Anne-Christelle Matthey (révision: D. Kihaï)

ChMe237

Novembre 1270

Type de document: charte: instauration d'une ville

Objet: [1s.] Erard chevalier de Briey, Simon châtelain de Pierrepont et ses fils Gauthier et Garion notifient que [3] Robert évêque de Verdun a fait de Duzei une ville neuve, selon la loi de Beaumont. Il y a mis tout ce qu'il y avait: bans, terres, prés, rentes. [4s.] Erard, Simon, Gauthier, Garion et l'évêque se partagent les biens et les frais de la nouvelle ville de sorte que l'évêque en possède les deux tiers et les autres un tiers, auquel est retranché un quart des terres et du four, qui reviennent à l'abbaye de Châtillon qui a également engagé des terres arables et une rente annuelle dans cette neuve ville. [5] L'évêque est et demeure seigneur féodal de cette ville, dans une fidélité lige. [6s.] Erard, Simon, Gauthier et Garion engagent tout ce qu'ils possèdent en cette ville, à l'exception de quelques terres, prés et maisons, qui sont détaillés. [8] Erard, Simon, Gauthier et Garion ne peuvent retenir dans cette ville aucun homme dépendant de l'évêque, du comte de Bar, du seigneur d'Apremont, de la seigneurie de Marville ou du chapitre de Verdun. [9] Les nouveaux bourgeois de cette ville ne peuvent vendre leur héritage durant les trois premières années et sont soumis à certaines conditions.

Auteur: chevalier Erard de Briey, Simon châtelain de Pierrepont, Gauthier et Garion fils de Simon châtelain de Pierrepont

Disposant: Robert évêque de Verdun

Sceau: sceaux encore en partie existants de l'abbaye d'Orvaux, Abbaye de Châtillon

Bénéficiaire: abbaye de Châtillon

Autres Acteurs: comte de Bar, seigneur d'Apremont

Rédacteur: scribe lorrain (rattachement à vérifier)(?)

Support: parchemin jadis scellé de deux sceaux sur doubles queues

Lieu de conservation: ADMeuse 14H27(9), Abbaye de Châtillon à Pillon, Cisterciens

1 · Je Erars de Briei, chevaliers,· et je Simons chatelainz de Perpont· et nos Watiers et Warrions sie fil, 2 fai\2sonz cognissent à-touz· 3 que nostre sires Robers par la grace de Deu evesques de Verdun par nostre grei et \3 par nostre consantement, ait fait de Duzei nueve ville, à la loi de Biemont.· Et i-ait mis quancqu'il ait en la \4 ville et on ban,· terres,· preiz,· rantes· et les terres qui sont à-couties d'autre part le chemin dusqu'à bonnes \5 de la soule voie,· en teil manniere que li houme de Duzei ne puent sarteir ne rahier? dedans les bonnes devant \6 dites ne defors, ce par l'avesque devant dit non.· Et ait retenu li evesques, les chevachiés par devant sans \7 partir à autrui,· sauf ce que nos averions le tiers de l'amende dou defaisant et l'evesques les dous pars. 4 Et \8 des autres yssues de la ville, nostre sires li evesques averait les dous pars et nos le tiers, sauf ce que li \9 abbes et li convens de Chatillon, de l'ordre de Citiaus, panront par devant le quart des terraiges et dou four \10 franchement, pour la raison de ce qu'il ont mis à la ville devant dite, quatre vint jors de terre arable, qu'il \11 tenoient en lor doumainne, dedans le ban de Duzei· et la rante de nuef quartiers et demi de terre dont cil de la vil\12le lor douvoient chascun an quatre reize· et un franchars et demi de froment· et vint et dous sols en deniers.· \13 Et tout ce que nos panrons en la ville, tanrons nos et nostre hoir aprés nos, de l'avesque devant dit ligement \14 et de cels qui aprés lui vanront à-l'aveschei de Verdun.· 5 Et c'il convenoit faire aucune constanges,· por four,· por \15 estanc,· por molin,· por greinge,· ou por autre usseuine,· ou por les bourjoiz,· ou por la droiture de la ville maintenir \16 et aidier, nos i-meterions le tiers et l'evesquez les dous pars.· Et nos avons mis à la ville devant dite \17 quancque nos avions et poons avoir, en la ville et on ban, areis ce que nos avons retenu, ce que nos tenons et tenions \18 en nostre doumainne, de terres et de preiz et de masures et autres chouses non 6 ./· C'est asavoir je Erars, la ma\19sure qui est asom la maison le chatelain· et le prei c'on dit au Frainel· et une piece de prei en la novelle· et une fauciee \20 en Hignei prei· et une fauciee en Paikis· et le prei qui part au chatelain.· Et je li chatelainz et mei dui-fil desor dit, \21 retenons nostre maison,· nostre greinge,· nostre bouverie et nostre jardin qui sont sor Otain, asom la place monsignor \22 Erart· et un jor de terre au Bourdel· et trois jors au jardin· et dous jors asom le meix Lorent· et quartorse jors \23 an-Painges· et seix jors en la voie dou boiz· et quatre jors à Sorel· et dous jors sor la novelle et sept jors sor le Bruel· \24 et le prei qui part à monsignor Erart· et une fauciee on Paikis· et quatre fauciees sor la grant Nouwe· et autres \25 chouses non.· 7 Et ce nos volons, nos pons faire four en nos oteis, pour cuire nostre pain et autre non.· Et ce nos \26 cuisons au four de la ville, nos paierons fournaige ansi com li autre de la ville.· Et doions je li chatelains \27 et mei dui fil desor dit, panre chascun an sept sestiers de froument et quatre sols de fors en la partie l'avesque.· \28 Et doit mes sires li evesques, ou ses commandemens, vendre les usseuines de la ville et livreir, mais ce nos trou\29vons qui plus i-vousist douneir, nos le doions dire au sargent l'avesque, ansois qu'il les ait otrei et il nos doit \30 oir et livreir à celui qui plus i donrait et chascuns des-parceniers doit panre surtei de sa partie.· 8 Et \31 li foretier des bois l'avesque ceront creu par lor sarmens.· Et ces chouses ait fait nostre sires devant dis, \32 sauf le droit de Sainte Ecglize· et des blois cerait li mesure à la mesure de Verdun· et d'autres \33 chouses à la mesure de Biemont.· Et ne puet on retenir en la ville nul des houmes nostre signor l'evesque \34 ne de ses fiés· ne nul houme le comte de Bar· ne dou seignor d'Apremont· ne de la seignorie de Mar\35ville· ne nul dou chapistre de Verdun, où on faise ne puise faire ne taile ne prise.· 9 Et li nouvel bourjoiz \36 ne pouront vendre heritaige, com lor dongne en la ville dedans les trois ans qu'il ceront devenu bourjoiz.· Et lor conven\37rait faire rapairant de vint sols de parisis dedans l'anneie.· Et li bourjois de la ville feront presteir \38 par le doïen des cussins au signors trespassans· et herbergier lor chevas, chascun cheval par un parisis la-nuit, \39 en foinc et en estrain,· ces qui ne pouront gesir en lor oteis? à cels qui averont maison en la ville.· 10 Et \40 toutes ces chouses avons nos jurei à-tenir bien et loiament, ansi com elles sont desor deviseies.· Et \41 pour ce que ce soit ferme chouse et estable, avons nos fait saeleir ces lettres des saez l'abbei d'Orvas \42 et l'abbei de Chatillon de l'ordre de Citiaus.· 11 Et nos li abbei d'Orvaus et de Chatillon devant \43 dit, à la requeste de toutes les parties devant dites, avons fait saeleir ces lettres de nos \44 saez, en tesmognaige de veritei,· 12 les queis furent faites l'an que li milliaires couroit par \45 mil· dous cens· sexante et deix ans, on mois de novembre.