Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0036

1250, août. - Douai.

Type de document: charte: testament

Objet: Testament d'Agnès Helyne en faveur des enfants de sa fille Eve. Ils recevront 70 marcs dont 40 iront à Isabelle pour son entrée au couvent, en cas contraire, chaque petit-enfant aura une part égale de la somme. Elle lègue sa maison aux deux aînés d'Eve se réserve la droit de dépenser ses biens pour vivre le restant de ses jours.

Auteur: non annoncé, échevins de Douai.

Disposant: Agnès Helyne.

Sceau: non scellé; devise chirographaire: CIROGRAPH

Bénéficiaire: Eve, sa fille, épouse de Gautier Maiole; Isabelle, fille de la précédente; les autres enfants (non nommés) d'Eve.

Autres Acteurs: échevins de Douai: Lanvin Pilate, Gérard le Morant.

Support: Original parchemin chirographe juxtaposé bipartite - partie gauche.

Lieu de conservation: AM Douai, FF 861/32585.

Verso: C'est li devise Agnés Helyne.

1 Sacent tout cil ki cest escrit verront et oront 2 ke Agnés Helyne a doneit apriés sen deciés as enfans Evain, se fille, ke ele \2 a ne ke ele avera de Watier Maiole, sen baron, .LXX. mars et par tele maniere ke Isabeaus, li fille celi Evain, doit avoir de \3 ces .LXX. mars, se ele est nonne, .XL. mars et li remanans doit estre as autres enfans de conmun autant a-l'.I. com a-l'au\4tre, et se cele Isabeaus n'estoit nonne, ele n'aroit nient plus a ces .LXX. mars com li autre enfant, et se il defaloit \5 de-l'un de ces enfans ançois ke il fust mariés u rendus, se partie revenroit as autres de conmun autant \6 a-l'un com a-l'autre; et si done encore Agnés as deus ainsneis enfans celi Evain se maison la u ele maint, \7 ensi com ele siet, wide et herbergie, a tele rente com ele doit. Et tout çou a Agnés doneit par tele maniere \8 ke ele le poet boire et magnier et vendre et despendre, se ele en a besoigne, par le consel del eschievins. \9 3 A ceste devise et a ces dons furent com eschievin Lanvins Pilate et Gerars li Morans. 4 Ce \10 fu fait en l'an del Incarnation Nostre Segneur mil deus cens et ciunquante, el mois \11 de aoust.