Téléchargement du document

Documents linguistiques galloromans
Corpus : chartes de la Meuse (chMe)
Responsable du corpus : Martin-D. Glessgen
Édition de la charte : Anne-Christelle Matthey (révision: D. Kihaï)

ChMe216

Avril 1269

Type de document: charte: notification de vente

Objet: [1s.] Jean prêtre de Sorbey et Martin prévôt de Marville notifient [3] que Colet de Sorbey et son épouse Mathieu reconnaissent [4] qu'ils vendent à l'abbaye de Châtillon deux granges et une maison situées à Sorbey, ainsi que toutes leurs dépendances. [6s.] Colet et Mathieu ne pourront plus rien réclamer en fonds de terre sur ces biens. [8s.] Ils acquittent à l'abbaye toutes les querelles qu'ils pouvaient avoir envers elle.

Auteur: Jean prêtre de Sorbey, Martin prévôt de Marville

Disposant: Colet de Sorbey fils de feu Martin le Comte, Mathieu épouse de Colet de Sorbey

Sceau: sceaux de Jean prêtre de Sorbey, Martin prévôt de Marville

Bénéficiaire: abbaye de Châtillon

Rédacteur: scriptorium de l'abbaye de Châtillon

Support: parchemin jadis scellé de deux sceaux sur doubles queues

Lieu de conservation: ADMeuse 14H71(21), Abbaye de Châtillon à Pillon, Cisterciens

1 Nos Jehans prestes de Sorbeis et Martins prevos de Marville 2 fasons savoir à-tous· 3 ke Colés de Sorbeis, fis Martin le \2 Conte qui fut,· et Mahous sa fame establi en nostre presence ont recognut 4 qu'il ont vendu as signors de Chastel\3lon dous grainges· et une maison, qui sont au-chief de Sorbei, deleis lor grainge et deleis lor nueve maison, \4 avuec toutes les appendises et les aisenses des ·II· grainges et de la maison desor dittes, par mi une soume de \5 deniers,· 5 des ques il ont aquitei les signors de Chastellon et si s'en-tiengnent bien à-paie[r], en deniers conteis et en autre \6 choses.· 6 Et ont recognut li devant dit Colés et Mahous, sa fame, par-devant nos, ke jamais en lor vie en \7 tresfons,· 7 c'est asavoir en terres, en preis, en bois, en aiwe, en grainges, en maisons et en autres choses dont li \8 signor de Chastellon ont estei tenant et sont dusqu'à jor d'ui,· il n'i porront rien reclamer, por aus ne \9 por autrui ne faire reclameir.· 8 Et toutes autres querelles dont il poient quereleir les signors de Chastellon, \10 il les ont aquitees, par lor foi fiencié, en nos mains entierement, as signors de Chastellon.· 9 Et ont renuncié \11 li devant dit Colés et sa fame, par lor foi et par lor sairement, à toutes raisons et à tous drois de doaire \12 et d'autres choses, par les queilles il poroient reclamer et faire reclamer ces choses desor dittes.· 10 Et en \13 tesmongnage de veritei, nos Jehans prestes de Sorbeis et Martins prevos de Marville, à la proiere et la requeste \14 de Colet et de Mahout, sa fame, avons mis nos saes à ces presentes lettres,· 11 que furent faites en l'an quant \15 li milliaires corroit par· mil ·CC· et ·LXIIII· ans, on mois d'avril.