Téléchargement du document

Documents linguistiques galloromans
Corpus : chartes de la Meuse (chMe)
Responsable du corpus : Martin-D. Glessgen
Édition de la charte : Anne-Christelle Matthey (révision: D. Kihaï)

ChMe215

14 mars 1269

Type de document: charte: donation pieuse

Objet: [1s.] Renaut chevalier de Bar, frère du comte de Bar notifie [3] qu'il donne en aumône perpétuelle à la Maison-Dieu de Ligny-en-Barrois un mui annuel de froment à prendre en sa terre d'Ancerville, [4] afin que la Maison-Dieu célèbre annuellement son anniversaire ainsi que celui de sa femme et de ses ancêtres. [6] Si la terre d'Ancerville ne peut fournir le mui de froment, il faudra en prendre l'équivalent sur son autre terre du Barrois, en blé ou en denier. [7] Cette donation est faite avec l'accord de sa femme et de son frère, comte de Bar.

Auteur: Renaut chevalier de Bar et frère de Thiébaut [II] comte de Bar

Disposant: Renaut chevalier de Bar et frère de Thiébaut [II] comte de Bar

Sceau: sceau de Renaut chevalier de Bar et frère de Thiébaut [II] comte de Bar

Bénéficiaire: Maison-Dieu de Ligny-en-Barrois

Autres Acteurs: Thiébaut [II] comte de Bar, Marie épouse de Renaut chevalier de Bar

Rédacteur: scriptorium de la Maison-Dieu de Ligny-en-Barrois(?)

Support: parchemin jadis scellé d'un sceau pendant sur lacs

Lieu de conservation: ADMeuse Hdépôt4(198), Archives hospitalières de Ligny-en-Barrois

1 Je Renaus de Bar, chevaliers, freires à noble home Thiebaut conte de Bar, 2 faz savoir à touz ciaus qui sunt et qui seront, \2 qui ces presentes lettres verront et orront,· 3 que je ai donnei,· otroié· et devisei, pour Dieu en aumosne, pour la remission \3 de mes pechiez, à la Maison Dieu de Lynei en Barrois, qui est de l'eveschié de Toul, un mui de froument, au mui de Bar \4 le Duch, pour la pitance de la Maison· 4 et pour faire laiens, chascun an perpetuelment, mon anniversaire· et le Marie ma fa\5me· et le mes ancessours.· 5 Et doit on penre et recevoir le froument devant dit, chascun an perpetuelment, en mes terrages \6 d'Anserville, le jour de la feste saint Martin, en hyver.· 6 Et se des terrages d'Anserville defailloit,; je vuel que il lor soit la \7 delivreiz,· ou en mon autre terre que j'ai en Barrois, ou en bleif, ou en deniers, jusques à la valour dou froument devant dit.· \8 7 Et ceste aumosne et ceste devise ai je faite, par le grei· et l'otroi· et le creant de mon chier freire et signour Thiebaut, conte de \9 Bar· et de Marie ma fame.· 8 Et pour ce que ce soit ferme chose et estable, ai je saelees ces presentes lettres de mon propre \10 seel,· 9 qui furent faites et donnees l'an de l'incarnation nostre Signour mil deus cens sexante et nuef, on mois d'avril, \11 le juedi devant Pasque florie.