Téléchargement du document

Documents linguistiques galloromans
Corpus : chartes de la Meuse (chMe)
Responsable du corpus : Martin-D. Glessgen
Édition de la charte : Anne-Christelle Matthey (révision: D. Kihaï)

ChMe172

23 mai 1263

Type de document: charte: mariage

Objet: [1s.] Hugues comte Palazin de Bourgogne et son épouse Alice notifient [3] les convenances selon lesquelles le comte de Bar doit lui livrer les 10'000 livres d'estevenins engagés pour le mariage de Philippe, fille du comte de Bar, et de Otons, fils du comte de Bourgogne. [4] Si Otons ou Philippe meurt sans descendance, le comte de Bourgogne doit rendre au comte de Bar [5] l'intégralité de ses 10'000 livres [6] à raison de 2000 livres par an. [7] Jusqu'à ce qu'il soit entièrement remboursé, le comte de Bar possédera la ville de Grozon en seigneur féodal, avec ses rentes, ses biens et son puits. [8] Si le comte de Bourgogne s'oppose à ces convenances ou ne peut contenter le comte de Bar, il accepte d'être excommunié par l'archevêque de Besançon et de remettre l'intégralité de ses terres au comte de Bar.

Auteur: Hues comte Palazin de Bourgogne, Alice comtesse Palazine de Bourgogne

Disposant: Hues comte Palazin de Bourgogne, Alice comtesse Palazine de Bourgogne

Sceau: sceaux de Hues comte Palazin de Bourgogne, Alice comtesse Palazine de Bourgogne

Bénéficiaire: Hues comte Palazin de Bourgogne, Alice comtesse Palazine de Bourgogne, Thiébaut [II] comte de Bar

Autres Acteurs: Otons fils de Hues comte Palazin de Bourgogne et d'Alice comtesse Palazine de Bourgogne, Philippe fille du comte de Bar, Guillaume archevêque de Besançon

Rédacteur: chancellerie de Thiébaut [II] comte de Bar

Support: parchemin jadis scellé de deux sceaux sur doubles queues

Lieu de conservation: ADMeuse B2910, Titres des Fonds de la chambre des comptes du duché de Bar

1 Nos Hugues cuens Palazins de Bergongne· et nos Aalis contesse Palazine de Bergongne \2 sa feme 2 fasons savoir à touz 3 que les dis mile livres d'estevenons, que Thiebaus cuens de Bar \3 nostre amez et nostre feables, nos doit doner on Otton, nostre fil, se de nos defalloit, por \4 le mariage dou devan-dit Otton nostre fil· et de damoiselle Phelippe, fille au devan-dit comte \5 de Bar, ensi cum les lettres des convenances dou mariage qu'il a de nos le tessmongnent.· 4 Se \6 il avenoit par [avent]ure ^[1], que de Ottenins nostre fil ou de damoiselle Phelippe defallit sens \7 hoir de lor cors,· nos ou Ottenins nostre fils, se de nos defalloit, devons rendre au devant \8 dit conte de Bar, ou à son hoir qui seroit cuens de Bar, se de lui defalloit,· 5 tout ce que \9 nos averiens receu des devan-dites· dis mile livres,· 6 c'est asavoir dous mile livres,· quaren\10te jors aprés que de Ottenin nostre fil ou de damoiselle Phelippe defaurroit sens hoir, \11 de lor cors et dous mile livres chascun an aprés,/: tant que li devan-diz cuens de Bar raveroit \12 tou ce que nos averiens receu des devan-dites dis mile livres.· 7 Et de ce l'en avons nos \13 mis en main et assenei Grouzon nostre ville et toutes les rentes et les issues de la ville \14 et le puis de la ville et toute la vallance dou puis.· Et se la ville et li puis ne le valoient, \15 nos li devons parfaire et faire valoir chascun an, jusqu'à dous mile livres.· Et ces deniers \16 et cels qui les menroient devons nos conduire enver touz homes, jusqu'à Jussei nostre cha\17stel.· Et de Jussei jusqu'à la Marche les devons nos conduire em bone fois.· 8 Et se nos ne teniens \18 content au devan-dit conte de Bar de ces choses devan-dites,/: nos et Ottenins nostre fils, \19 nos oitroiens à ce et nos obliions que nostre sires et nostre chiers peires Guillaumes, \20 par la grace de Deu arcevesques de Besenson,· ou quiquiconques seroit arcevesques de \21 Besenson aprés lui, nos puisse esconmenier et toute nostre terre mestre, en entredit, à \22 la requeste dou-devan-dit conte de Bar ou de son hoir qui seroit cuens de Bar,· ou de lor \23 propre mesagé qui ces lettres aporteroit avant.· 9 Et toutes ces choses avons nos jurees à \24 tenir fermement.· 10 En tesmongnage de la queil chose nos avons mis noz seels en ces \25 presentes lettres, 11 qui furent faites l'an de grace mil dous cens et sexante et trois, le \26 mecredi aprés Pentecoste.·

Notes de transcription
^[1] Ms.: parchemin troué.