Téléchargement du document

Documents linguistiques galloromans
Corpus : chartes de la Meuse (chMe)
Responsable du corpus : Martin-D. Glessgen
Édition de la charte : Anne-Christelle Matthey (révision: D. Kihaï)

ChMe154

Septembre 1260

Type de document: charte: bestens

Objet: [1s.] Accord suite à une querelle entre l'abbaye de Lastanche et Régnier écuyer de Saint-Maurice et fils de feu Orri de Creue [3] au sujet des pâtures et des bois des domaines de Saint-Maurice. [4] Régnier dénonce les abus de l'abbaye sur les terres de Saint-Maurice. [5] L'abbaye ne pourra mettre paître que 50 bovidés à Saint-Maurice, 80 porcs et 1200 ovinés. [6] Elle ne pourra exploiter les bois de Saint-Maurice que pour se chauffer, pour construire maisons et clôtures. [8] Pour cela, l'abbaye doit payer 2 sols au maire du domaine. [9] S'ils ne payent pas à temps, ils seront soumis à l'amende. [10] Régnier s'engage à tenir cet accord, [11] sous peine d'excommunication.

Auteur: non annoncé

Disposant: abbaye de l'Étanche, Régnier écuyer de Saint-Maurice

Sceau: sceau de la Cour de Verdun

Bénéficiaire: commanderie des Templiers de Marbotte

Rédacteur: scriptorium épiscopal de Verdun (Officialité)

Support: parchemin jadis scellé sur double queue

Lieu de conservation: ADMeuse 29H8(3), Commanderie de Marbotte, Hospitaliers de Saint-Jean de Jérusalem (Ordre de Malte)

1 · Conue chose soit à-touz celz qui ces lestres voiront et orront 2 que com il eust \2 betans, entre l'abbei et le convent de l'A_tanche, d'une part, et Reignier, escuier \3 de Saint Morise, le fil le-soignor Ulri de Cruie qui fut, d'autre,· 3 des paistures et \4 des bois de alués de Saint Morise, por_tant qu'il sambloit au devent dit Reignier, \5 4 si com il disoit que li abbes et li couvens de l'A_tanche preceivent trop et chargevent \6 les paistures des alués de Saint Morise de metre bestes menues et grosses en lor Mai\7son de Saint Morise, et qu'il despendoient trop et usoient des bois des alués devent diz, \8 5 il se sont acordei en-tel meniere que li devent diz abbes et li convens puent metre \9 en lor maison, à-Saint Morise, de la norrisom de laiens, ou d'autre leu, jusqu'à cinquante betes, \10 que buefs, que vaiches, que chevaux, que norrisom,· et quatre_vins pors, et dous cens que \11 chatrons, que berbiz, et plus il n'en-i-puent metre.· 6 Et doient penre es bois des alués de la \12 communauvle taille de Saint Morise, lor usaige por lor maison de-Saint Morise, por ar\13doir, por clore, por edefier et por-quant que metier en-avront, en toz us, dedans le-ban sans \14 jeter fors dou ban des aluef de Saint Morise.· 7 Et li quatre_vint porc, dont en a ci-devent \15 parlei, iront à-la commune paisture,· sans paissom, et li porc de la norrisom de la-Maison de[vant] ^[1] \16 dite, iront à-la-paissom aveuc les communs pors de la-ville.· 8 Et li abbes et li convent devent \17 dit doient paier chascun an au mejors communs des aleus devent diz, dous solz, por \18 departir au seignors des alués de Saint Morise, dedans les eut jors de la-feste saint Remei, \19 en octembre, por recognoissance des usaiges, des paitures et des bois, dont en-a-devent parlei. \20 9 Et s'il ne-paievent les dous solz ou termine devent nomei, il paieroient cinc solz au-seig\21nors de l'alués devent dit d'amende s'il les vouloient penre. 10 Et je Reigniers devent \22 diz ai jurei à-tenir ceste pais devent dite, et que je ne revenrai jemais encontre, \23 ne par moi, ne par autrui, ne je, ne-mi hoir., 11 Et se je venoie encontre, je otroi que je \24 fuse escumeniez, par mon los.· 12 Et porce que ce soit seure chose et estauble, en tes\25moignaige de veritei,· je Reigniers devent diz ai fait metre le sael de la-court \26 de Verdun en ces lestres, 13 qui furent faites en l'an que li-milliaires corroit par \27 mil ·CC. et sixante ans, ou mois de septembre.·

Notes de transcription
^[1] Ms.: parchemin coupé.