Téléchargement du document

Documents linguistiques galloromans
Corpus : chartes de la Meuse (chMe)
Responsable du corpus : Martin-D. Glessgen
Édition de la charte : Anne-Christelle Matthey (révision: D. Kihaï)

ChMe148

Octobre 1259

Type de document: charte: notification de donation pieuse

Objet: [1s.] Gobert seigneur d'Apremont notifie que Arnould chevalier d'Aubonwei (?= Abainville) et son épouse Ermenjart reconnaissent qu'ils [4s.] donnent en aumône perpétuelle à la commanderie des Templiers de Marbotte, des bois et des prés situés au ban de Jouy. [8] Gobert seigneur d'Apremont se porte garant de cette donation et protecteur de la commanderie pour la possession de ces biens.

Auteur: Gobert seigneur d'Apremont

Disposant: Arnould chevalier d'Abainville

Sceau: sceau de Gobert seigneur d'Apremont

Bénéficiaire: commanderie des Templiers de Marbotte

Autres Acteurs: Ermenjart épouse d'Arnould chevalier d'Abainville

Rédacteur: scribe de Gobert seigneur d'Apremont(?)

Support: parchemin jadis scellé sur double queue

Lieu de conservation: ADMeuse 22H12(54), Commanderie de Marbotte, Hospitaliers de Saint-Jean de Jérusalem (Ordre de Malte)

1 Nos Gobers sires d'Apremont 2 faisons savoir à-tous 3 que par-devant nos estaublit li sires Arnous d'Aubonwei, chevalierz, \2 demorant à-Joié et Ermenjare sa famme, ont reconu en nostre presance, 4 qu'il on bois c'on-dit aus Rammiers desous \3 Aspremont, on prei c'on dit aus Chanois, on ban de Joiei, et ens terres qui sont de quartiers ens quartierz desous \4 Joiei, 5 qu'il reclammoient et demendoient, en contre les freires dou Tample de Loherene, et ce qu'il voloient que li \5 hons dou Tample, qui demoure à-Joiei, alast, en lors crouees, 6 que toutes ces chozes devant-dites dounent il \6 et aquitent, aus denant dis freires, por Deu en asmone, à toujors, à-tenir franchemant et soulemant, 7 et ont \7 promis et creantei, en bounes fois, qu'il encontre ces chozes devant ditez ne reclammeront riens ne il, ne lour \8 oir, jamais. 8 Et nos sires Gobers devant dis devons faire joïr aus devant dis freires de ces devant dites \9 chozes, et warder de force en verz toutes gens, par la requeiste des devant dis signors Arnoul et Armenjart \10 sa famme. 9 Et en tesmongnage de ces devant dites chozes sont saeleez ces lettres de nostre sael, 10 qui furent \11 faites l'en que li miliarez couroit par mil dous cens et cinquante neuf, on mois d'octambre.·