Téléchargement du document

Documents linguistiques galloromans
Corpus : chartes de la Meuse (chMe)
Responsable du corpus : Martin-D. Glessgen
Édition de la charte : Anne-Christelle Matthey (révision: D. Kihaï)

ChMe144

3 mars 1259-1260

Type de document: charte: lais

Objet: [1s.] La Maison-Dieu de Saint-Sauveur de Verdun lègue à Eudette, épouse de Thieri Houreur de Haudainville [3] une grange, une maison et toutes leurs dépendances situées à Haudainville ainsi que 33 journaux et demi de terre répartis en 19 endroits différents dans la région de Verdun, [2] contre une rente annuelle de 21 francharts de froment et 21 francharts de seigle. [4] Eudate et ses descendants ne peuvent ni vendre ni engager ces biens sans l'accord de la Maison-Dieu. [6] Si Eudette et ses héritiers directs n'ont pas de descendant, ces biens retourneront à la Maison-Dieu.

Auteur: maîtres et frères et soeurs de la Maison-Dieu de Saint-Sauveur de Verdun

Disposant: Maison-Dieu de Saint-Sauveur de Verdun

Sceau: sceau de Gocelet official de Verdun

Bénéficiaire: Maison-Dieu de Saint-Sauveur de Verdun

Rédacteur: scriptorium épiscopal de Verdun (Officialité)

Support: parchemin jadis scellé sur double queue

Lieu de conservation: AHVerdun 1B74(8), Archives hospitalières de Verdun

1 Counue chose soit à-tous sous ki ces letres [voi]ront ^[1] et oïront, 2 ke li maistres et li freire et les seror [de] la pouvre Maisson Deu de Seint Sau\2vor, ont laissié à Eudate, la fenme Thieriat Houreure de Haudeinvile, qui fut citeïnne de Verdun, por vint et un franchart de frou\3ment et por vint et un franchart de soile de rente, à-tous jours, à-lei et à ces oirs, chacun an à paier à la feste seint Remei, en octen\4bre, 3 la grange et la maisson et tout ce qui i apent, que siet à Haudeinvile, entre la maisson les afans Richart de Villeirs qui fut et la gran\5ge Bartremat et cinc jors de terre qui gissent au nuef moulin et jor et demei qui gist au Breullet et un jor que gist asom lou chanp \6 seignor Remei sor la haie et jor et demei qui gist sor Taineires et demei jor qui fut Ogier qui gist asom lou chanp lou preste et demei jor \7 qui fut Drouel qui gist asom lou chanp lou preste et les dous pars d'un jor qui gist sor la voie de Verdun, selonc lou chanp Huenat et jor \8 et demei qui gist asom la maisson Girart lou janre Aubert et un jor qui gist celonc lou chanp lou Soble? et les dous pars d'un jor desous la \9 Cuminelle et un jor qui gist sor la bouche de la Preie et dous jors qui gissent à Giraut Fossei, celonc lou chanp Wuillaume la Touffe et \10 un jor qui gist sor la voie de Waucheisart et trois jors qui gissent sor la Chieve rue, desor lou chanp Simonnart et six jors qui gissent \11 en la Heix et un jor qui gist à Raconcil qui fut Lanbin de Monfaucon et un jor qui gist à Giraut Fossei qui fut Doumengin Rouceil et \12 dous jors qui gissent à la Creuxsate et dous jors à Cherin Pumeir, deleis la terre Garnier. 4 Et est asavoir que li de vant dite Eudate ne sei afant, \13 ne pueent dou de vant dit haretage point vendre nei en_wagier, ce ce n'est par lou los dou de vant dit maistre et les freires et les serors \14 de la Maison Deu desor noumeis. 5 Et est asavoir qui qui onques tanrei point de cest aretage [desor] [no]umei ^[2], li de vant dis maistres et li freire et \15 les serors de la Maisson Deu desor noumeis [ten]ront de la rente desor noumeie, au quel qu[] de tous les oirs qui point?? tanront? \16. Et est asavoir que la devant dite?? doit on livreir?, lou de vant dit?? Maisson??, en octenbre \17 6 et ci l'en doient porteir bonne warentie. Et est asavoir?? li oir que seront dessendant de la de vant dite Eudate, tanront cest aretage desor nou\18mei, par les convenences desor dites. Et s'il avenoit chose que li oir dessendant morrissent et qu'il n'i eust nuns oirs dessendans, li oir la de\19vant dite Eudate qui seroient de l'une? et de l'autre ni panroient niant, eins revanroit li de vant dis aretages, au maistre et as frei\20res et as serors de la Maisson Deu desor noumeis. 7 Et en tesmongnage de veritei, par la requeste des-parties, je Gocelés, officiaus de la cort de \21 Verdun, ai mis mon seel en ces letres, 8 qui furent faites en l'an que li miliares couroit, par· mil· et dous sans et cinquante et nuef ans, on mois \22 de mars, lou lundi aprés les octaves de feste seint Mathias l'a_postre.

Notes de transcription
^[1] Ms.: parchemin plié.
^[2] Ms.: parchemin déchiré.