Téléchargement du document

Documents linguistiques galloromans
Corpus : chartes de la Meuse (chMe)
Responsable du corpus : Martin-D. Glessgen
Édition de la charte : Anne-Christelle Matthey (révision: D. Kihaï)

ChMe117

Septembre 1256

Type de document: charte: héritage

Objet: [1s.] Robert évêque de Verdun notifie [3] que Jacques seigneur d'Ornes et son frère Aubert ont réparti l'héritage qu'ils ont de leurs parents. [4] Aubert hérite de toute la part d'héritage de Récourt ainsi que 3 res de froment à Boureuilles, 5 res de blé à Forges et 5 res de blé à Brabant-sur-Meuse que Jacques doit lui fournir. [6] Si Aubert abandonne la clergie, il devra se partager l'héritage avec son frère Geoffroy. [7] Si Jacques et Aubert s'opposent à cet accord, ils seront excommuniés, sur décision de l'official de Verdun. [8] L'évêque de Verdun, en seigneur féodal, accorde cet accord.

Auteur: Robert évêque de Verdun

Disposant: Jacques seigneur d'Ornes, Aubert frère de Jacques seigneur d'Ornes

Sceau: sceau de Robert évêque de Verdun

Bénéficiaire: Robert évêque de Verdun

Autres Acteurs: Geoffroy frère de Jacques d'Ornes

Rédacteur: scriptorium épiscopal de Verdun(?)

Support: parchemin jadis scellé sur double queue

Lieu de conservation: ADMeuse 11F16(2), Collection Clouët-Buvignier

1 Je Robers par la grace de Deu evesques de Verdun 2 fas savoir à-toz qui ces leitres verront et orront 3 que mes \2 sires Jaques d'Orne· et Aubers, ces freres, ont parti et ordenei tot l'eritage entierement qui lor vient de par \3 pere· et de par mere,· 4 en tel meniere que li devans diz Aubers tenra tot l'eritage qu'il a Aireicort entie\4rement· et qu'il i-doient avoir,· et ci tenra trois resez de froment à Borroure,· et cinc resez de bleif à Forges, moitié \5 froment, moitié avainne,· et cinc resez de bleif, à Braibant sor Muese, moitié froment moitié avainne. \6 5 Et sest devant dit bleif li doit faire avoir· li devans diz Jaquez d'Orne.· Et li devanz diz Aubers ne puet \7 ne vendre, ne en_vuaigier la devant dite terre d'Aireicort, fors k'à sa vie, ce ce n'estoit par nostre volenté et par la volenté \8 lo devant dit Jaque.· 6 Et ce li devans diz Aubers voloit laissier la clergie et revenir au \9 siecle, il partiroit à-l'eritage qui fui mon seignor Joffroi lor frere, en si com droiz oirs.· 7 Et totez ces chozes \10 et ces covenanses devant ditez· li devanz diz Jaquez et li devanz diz Aubers ont creanté et fiancié à-tenir \11 et ci vuelent et oitroient que c'il venoient contre ces covenanses devant ditez, que li officiaus de Verdun \12 les puisse escommenier, par lor grez.· 8 Et li devanz diz assenemenz de la devant dite terre d'Aireicort, que li \13 devanz diz Jaquez tient en fié de nos, et fais par nostre volenté et par nostre oitroi.· 9 Et por ce que ce soit \14 seure chose et estauble, i-avons nos miz nostre sael en ces presentes leitres, en teigmoingnage de verité, 10 qui \15 furent faitez en l'an que li miliaires corroit par mil et .CC. et cinquante sex anz, en mois de septenbre.