Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0022

sans date. - Douai.

Type de document: charte: vidimus

Objet: Vidimus de l'acte n° 21 par le doyen de Saint-Pierre et par le curé de cette paroisse.

Auteur: Jacques de le Rive, doyen de Saint-Pierre, Ernous, curé de Saint-Pierre.

Disposant: Henri de Hondschoote, prévôt de Douai, Ide, sa femme.

Sceau: Deux sceaux de cire brune sur double queue: Jacques de le Rive, doyen de Saint-Pierre et Ernous, curé de Saint-Pierre

Bénéficiaire: Hôpital des Wetz.

Support: Original parchemin scellé.

Lieu de conservation: AM Douai, 2NC1170, anc. cote: AH Douai, Fonds du béguinage dit des Wetz, n° 847.

Édition antérieure: Espinas, Vie urbaine, t. III, n° 62, p. 49.

1 Jou, Henris de Hondescote, provos de Dowai, et jou, Ide, se feme, provoste de Dowai, faisons savoir a tous ceus ki sunt et ki a-venir \2 sunt 2 ke nous avons louet et otroiet por Deu, a le priere et a le requeste de bones gens, d'endroit le hospital et le conduit \3 de celui hospital ki est dedens le porte des Weis, ke li aigue ki vient del fossé de-le vile de Doai doit courre et aler iretaulement \4 parmi celui conduit tout outre si loins com li conduis dure sans engien; et si doit li aigue descendre et caïr en-le riviere d'au\5tre part devers le moelin de-le porte des Weis tres le diemence [...] ^[1] dusques aprés çou ke vespres seront cantees et \6 adonkes doit on clore les venteiles del conduit; et si i-doit avoi[r] ^[2] et cleis ke li warde del moelin des Weis wardera toute \7 le semaine, en-tele maniere ke cele warde, cascun diemence a prime, doit rendre les cleis al-hospital por defermer les venteiles \8 et por haucier et por courre l'aigue parmi le conduit, ensi com devant est dit. Et se li conduis u li venteile defaloient u empi\9roient, li hospitals les doit retenir et refaire a sen coust; et se li hospitals u cil ki warde en-seroient estoient encontre, nous \10 li provos et li provoste devant nomeit u autres de-le noe part, poriemes refaire et retenir le conduit et les venteiles de\11dens l'ospital, la u mestiers en-seroit, au coust del hospital et çou unt loué et otroié les wardes del hospital, sau çou ke li \12 aigue del hospital doit courre parmi le conduit, ensi com devant est dit. Toute cesti covenence avonmes nos en-covenent \13 et creanté bien et loiaument a-tenir et ke nous jamais, par nous ne par autrui, ne venrons ne serons encontre et \14 ke nous jamais, par nous ne par autrui, ne venrons ne serons encontre et \15 pour çou ke çou soit bien et fermement tenut, nos avons ceste presente cartre confermee de nos seauls. 3 Ce fu fait \16 en l'an del Incarnation mil .CC. et .XLII. ans en avril. Et jou, Jakemes de-le Rive, doiens de Saint Piere de Douai, et jou, \17 Ernous, porofiens de-cel meisme liu, avons le letre veue ^[3] mot a-mot et liute seelee del seel le prevost Henri et le-prevoste Idain; \18 et pour çou ke çou soit plus certaine cose et miels creue, nos avons a cest present escrit pendus nos seels.

Notes de transcription
^[1] le parchemin est troué.
^[2] le parchemin est troué.
^[3] l'efinal est rajouté au-dessus de la ligne ms.