Téléchargement du document

Documents linguistiques galloromans
Corpus : (chPrév)
Responsable du corpus : -
Édition de la charte : -

1290072901

S.l. [Paris] - 1290, 29 juillet

Type de document: Lettre patente: confirmation de vente

Objet: Jean de Montegni de la prévôté de Paris, [3] notifie que Guillaume Tibaut écuyer d'Issy et Helois sa femme [6] ont vendu à l'abbé et au couvent de Saint Denis en France un fié situé en la ville de Louveceiennes [Yvelines]. [7] Le prix de la vente est fixé en 100 l.p. que les vendeurs ont eu et dont il se tiennent pour satisfaits. [8] Ils donnent tous les droits sur le bien vendu aux acheteurs [9] et garantissent la vente [11] en s'engageant à payer 20 l.p. en cas des dommages [12] et en soumettant leurs biens et les biens de leurs hoirs à la justice du prévôt, [13] en manière particulière un fief situé en la ville de Yssi.

Auteur: Jean de Montegni, garde de la prévôté de Paris

Disposant: Guillaume Tibaut, Helois sa femme

Sceau: Prévôté de Paris

Bénéficiaire: abbé et couvent de Saint Denis en France

Autres Acteurs: Pierre D'Argenteul; Jean de Ville Perour chevalier,

Rédacteur: Prévôté de Paris

Support: jadis sceellé du sceau en cire verte de la Prévôté de Paris

Lieu de conservation: Paris, AN : L 0849, n° 25

Commentaire:

1 ··· A touz ceus qui ces presentes lettres verront ,/ 2 Jehan de Montegni ,/ garde de la prevosté de Paris ,/ salut ./ 3 Nou faisons à - savoir \2 que pardevant nous vindrent Guillaumme dit Tibaut d ' Issi , escuier et Hellouys sa famme ;//; 4 et affermerent en droit qu ' il avoient ,/ \3 tenoient et poursivoient un fié ,/ en la ville de Louvecenes eu leu qui est appellé Mal Buisson ,/ en bois ,/ vignes ,/ cens ,/ rentes ,/ hostes ,/ \4 joustise ,/ four et autres choses ,/ 5 et un arrieres fié ,/ dont Pierre D ' Argenteul est en la foi du dit Guillaume ,/ seant en la ville de Rueul \5 et de Saint Clooust et es appartenances et sunt tenues ces choses desus dites de religieus hommes l ' abbé et le couvent de Saint \6 Denis ,/ si comme il disoient ,//, 6 le quel fié avesques le dit arreres fié il reconnurent pardevant nous eus avoir vendu et ,/ en nom \7 de pure vente ,/ quité et otroié à touz jours as devant diz religieus et à leur successeurs et à ceus qui auront cause de eus ,/ 7 pour cent libz ./ de parisis ,/ leur quites qu ' il ont eüz et receüz en deniers coutanz et qui leur ont esté bailliez et delivrez ,/ et s ' en \8 tindrent apaiez pardevant nous ,/ et renuncerent à ce qu ' il puissent dire que ces deniers ne leur feussent bailliez et delivrez et \9 qu ' il ne les eüssent receüz ;/ 8 et delessierent et transporterent es diz religieus et en leur successeurs et en ceus qui auront cause d ' eus \10 dès orendroit à touz jours ,/ tout le droit ,/ toute segnorie ,/ proprieté et possession et toute action reele et personele qui \11 en pouroient venir et devroient ,/ ventes ,/ saisines ,/ amendes et touz autres emolumenz quiex qu ' il soient ,/ sainz aucunne chose retenir \12 à eus ou à leur hers ./ 9 Et promirent ,/ par leur leal creant ,/ que contre ceste vente et ceste quitance ,/ par droit d ' eritage ,/ par raison \13 de conquest , ou de douaire ou par aucun autre droit quel que il soit ,/ commun ou especial ,/ par eus ne par autre ne vendront dès \14 ores en avant ;/ 10 et que le fié devant dit ,/ avesques le dit arrieres fié et tout ce qui i - appartient et qui pourroit venir et devroit ,/ \15 frans ,/ quites ,/ delivres de toutes obligacions et de touz empeschemenz as diz religieus et à leur successeurs et à ceus qui auront \16 cause de eus garantiront ,/ deliverront et deffendront en jugement et hors ,/ toutes foiz que mestiers sera et qu ' il en seroit requis \17 à leur couz et despens propres ,/ contre touz ;/ 11 et qu ' il rendront et paieront as diz religieus ou à leur successeurs ou à ceus qui \18 auront cause de eus /, vint libz de parisis eu nom de pene se la vente estoit retraite ,//, avesques touz autres coustemenz ,/ mises ,/ \19 deperz et despens qu ' il auroient ,/ feroient et soustendroient pour defaute de leur garantize ,/ sus les quiex il promirent à croire \20 sus le simple serement du porteur de ces presentes lettres ,/ sanz autre preuve faire ou requerre .//, 12 Et pour droite garantize \21 porter et toutes les choses devant dites enteriner et acomplir fermement ,/ il obligerent eus et leur hers et touz leur biens \22 et les biens de leur hers ,/ meubles et non - meubles ,/ presenz et à - venir ,/ où qu ' il soient à jousticier par nous et par noz successeurs \23 ou par la joustice souz qui il seront trouvez ,//, 13 et especialment un fié que le dit Guillaume et sa famme tiennent de monsegneur Jehan \24 de Ville Perour chevalier ,/ assis à Yssi ,/ en cens rentes ,/ mesons ,/ terres et autres choses pour vendre et pour despendre à tel fuer \25 tele vente juques à - tant que tout soit acompli et et enteriné .//, 14 Et pour ce que ce soit ferme chose et estable ,/ nous avons mis le seel \26 de la prevosté de Paris en ces lettres en tesmoingnage des choses devant dites ,/ 15 l ' an de grace mil CC quatrevinz et dis ,/ le samedi \27 après la feste de la Magdalene ./