Téléchargement du document

Documents linguistiques galloromans
Corpus : (chPrév)
Responsable du corpus : -
Édition de la charte : -

1289070101

S.l. [Paris] - 1289, 1er julliet

Type de document: Lettre patente: confirmation de vente

Objet: Jean De Montegni, garde de la prévôté de Paris, [3] notifie que Pierre De Chambli et Jeanne sa femme [5] ont vendu à l'abbé et au couvant de Saint Magloire de Paris [6] 1 arpents de bois et 17 arpents de terre arable, avec tous les droits. Le prix de la vente est fixé en 150 l. t. que les vendeurs ont reçu et dont ils e tiennent pour satisfaits. [8] Les vendeurs donnent tous les droits et propriétés sur la vente [10] Ils promettent de deffendre la vente à leur propres depenses, [11] de payer 30 l. p. se la vente aboutira [12] en soumettant tous leurs biens et les biens de leurs hoirs à la Prévôté de Paris.

Auteur: Jean De Montegni, garde de la prévôté de Paris

Disposant: Pierre De Chambli, Jeanne sa femme

Sceau: Prévôté de Paris

Bénéficiaire: abbé et couvent de Saint Magloire de Paris

Autres Acteurs: Morise l'Anglais; Jean le Breton; Guillaume Bonté Villain

Rédacteur: Prévôté de Paris

Support: jadis sceellé du sceau en cire verte de la Prévôté de Paris (il ne reste que la fissure)

Lieu de conservation: Paris, AN : S 1158/B – Abbaye de Saint-Magloire, n° 09

Commentaire:

1 ·· A touz ceus qui ces presentes lettres verront ,/ 2 Jehan De Montegni ,/ garde de la prevosté de Paris ,/ salut ./ 3 Nous faisons à - savoir que pardevant nous vindrent \2 Pierre De Chanbli ,/ chambellant nostre chier segneur /, le roi de France et Jahanne sa famme ,/ 4 et affermerent qu ' il avoient ,/ tenoient et poursuivoient de l ' eritage de la dite \3 Jahanne quinze arpenz de bois et dis sept arpenz de terre arrable ou environ ,/ assis eu terrouer qu est entre Ville_abbé et Chat_pendu ,/ en la chatelerie de Meleun ,/ \4 mouvanz du fié de religieus hommes l ' abbé et le couvant de Saint Magloire de Paris ,/ si come il disoient ;/· 5 les quiex quinze arpenz de bois dis sept arpenz de terre devant \5 diz /, et tel droit et tel partie / comme il ont et peuent avoir et doivent en un moulin à vent ,/ assis eu dit terrouer et en la dite chatelerie ,//, avesques tout ce qu ' il ont et tiennent \6 et peuvent avoir et tenit et doivent à - present es diz leus et es appartenances des diz religieus ,/ 6 il reconnurent paredevant nous eus avoir vendu et en nom de pure vente quité ,/ \7 et otroié à touz jours as diz religieus hommes l ' abbé et le convant devant diz et à leur successeurs et à ceus qui auront cause de eus pour cent et cinquante libz de turnois ,/ \8 leur quites ,/ qu ' il ont eüz et receüz et qui leur ont esté bailliez et delivrez en deniers contanz et dont il se tindrent apaiez pardevant nous ;/ 7 et renunncierent à - ce qu ' il ne puissent \9 dire que ces deniers ne leur feüssent bailliez et delivrez et qu ' il ne le eüssent receüz ./· 8 Et delessierent et transpoerterent ,/ dés orendroit à touz jours / es diz religieus et en \10 leur successeurs et en ceus qui auront cause de eus tout le droit ,/ toute segnorie ,/ proprieté et posession et toute action reele et personele et toute autre qu ' il ont et peuent \11 avoir et doivent es devant diz leus et en tout ce qu ' il tiennent en fié des diz religieus ,/ sainz aucunne chose retenir à eus ou à leur hers ,/ par quelconques cause ou droit \12 que ce soit ./ 9 Et promirent ,/ par leur leal creant ,/ que contre ceste vente et ceste quitance ,/ par droit d ' eritage ,/ par raison de conquest ou de douaire ou pour don pour \13 noces on par aucun autre droit ,/ quel que il soit ,/ commun ou especial ,/ par eus ne par autre ne vendront dés ores en avant ,/ 10 et que toutes les choses devant dites et \14 tout qu ' il ont et peuent avoir et doivent es diz leus et es appartenanaces et qu ' il tiennent en fié des diz religieus /, garantiront ,/ deliverront et deffendront as devant \15 diz religieus et à eus qui auront cause de eus ,/ en jugement et horas de jugement ,/ toutes foiz que mestiers sera et qu ' il en seront requis à - leur couz et despens \16 propres ,/ contre touz ;/ 11 e qu ' il rendront et apieront as diz religieus ou à ceus qui auront cause de eus trente libz de turnois en nom de pene se la vente estoit retraite ,/ \17 avesques touz autres coustemenz ,/ mises ,/ deperz et despenses qu ' il auroient et feroient pour defaute de garantize /, sus les quiex il promirent à croire sus le simple sere\18ment du porteur de ces presentes lettres ,/ sainz autre preuve faire ou requere ;/ 12 et pour toutes ces choses tenir et fermement acomplilr ,/ il obligerent eus et leur \19 biens et leur hers et les biens de leur hers ,/ meubles et non - meubles ,/ presenz et à - venire ,/ où qu ' il soient à jousticier par nous et par noz successeurs ,/ et renuncerent \20 à toutes exceptions ,/ barres et deffenses de droit et de fait ,/ par les queles les choses devant dites pouroient estre en aucunne chose empeschees ./ 13 En tesmoing \21 de ce ,/ nous avons mis le seel de la prevosté de Paris en ces lettres ,/ 14 l ' an de grace mil CC quatrevinz et nuef ,/ le jeudi aprés la feste saint Pere et \22 saint Pol apostres ./