Téléchargement du document

Documents linguistiques galloromans
Corpus : chartes de Douai (chDo)
Responsable du corpus : Martin-D. Glessgen
Édition de la charte : Monique Mestayer / Thomas Brunner

chdouai0021

1243 (n.st.), 1-11 avril ou 1242, 20-30 avril. - Douai.

Type de document: charte: autorisation

Objet: Autorisation donnée par Henri de Hondschoote, prévôt héréditaire de Douai, et sa femme Ide, à l'hôpital des Wetz de faire passer l'eau des fossés de la ville dans le conduit de l'hôpital qui va à la rivière.

Auteur: Henri de Hondschoote, prévôt de Douai, Ide, sa femme.

Disposant: Les auteurs.

Sceau: Deux sceaux à double queue, le sceau du prévôt Henri de Hondschoote de cire brune en partie brisé, l'autre étant disparu.

Bénéficiaire: Hôpital de Wetz.

Support: Original parchemin scellé.

Lieu de conservation: AM Douai, 1NC1622, anc. cote: GG 190.

Édition antérieure: Espinas, Vie urbaine, t. III, n° 62, p. 47.

1 Jou, Henris de Hondescote, provos de Dowai et jou, Ide, se feme, provoste de Dowai, 2 faisons savoir a tous ceus ki sunt et ki a-venir \2 sunt ke-nous avons louet et otroiet por Deu, a le priere et a le requeste de bones gens, d'endroit le hospital et le conduit de celui \3 hospital ki est dedens le porte des Weis, ke li aigue ki vient del fossé de le vile de Doai doit courre et aler iretaulement par\4mi celui conduit tout'outre si loins com li conduis dure, sans engien; et si doit li aigue descendre et cair en-le riviere \5 d'autre part devers le moelin de le porte des Weis tres le diemence a prime dusques aprés çou ke vespres seront cantees \6 et adonkes doit on clore les venteiles del conduit; et si i doit avoir fermures et cleis ke li warde del moelin \7 des Weis wardera toute le semaine, en tele maniere ke cele warde, cascun diemence a prime, doit rendre les \8 cleis al hospital por defermer les venteiles et por haucier et por courre l'aigue parmi le conduit, ensi com devant est dit. \9 Et se li conduis u li venteile defaloient u empiroient, li hospitaus les doit retenir et refaire a-sen coust; et se li hospitaus \10 u cil ki warde en-seroient estoient encontre, nous li provos et li provoste devant nomeit u autres de le noe part poriemes \11 refaire et retenir le conduit et les venteiles dedens l'ospital, la u mestiers en-seroit, au coust del hospital. Et çou unt \12 loué et otroié les wardes del hospital, sau çou ke li aigue del hospital doit courre parmi le conduit, ensi com devant est \13 dit. Toute cesti covenence avonmes nos en-covenent et creanté bien et loiaument a tenir et ke nous jamais, par nous ne \14 par autrui, ne venrons ne serons encontre. 3 Et pour çou ke çou soit bien et fermement tenut, nos avons ceste pre\15sente cartre confermee de nos seauls. 4 Ce fu fait en l'an del Incarnation mil .CC. et .XLII. ans, en avril.