Téléchargement du document

Documents linguistiques galloromans
Corpus : (chPrév)
Responsable du corpus : -
Édition de la charte : -

P1279033201

S.l. [Paris] - 1279, mars

Type de document: Lettre patente: quittance

Objet: [1] Gui du Mes, garde de la prévôté de Paris, [3] notifie que Nicholas de Beaumont, Marguerite sa femme, Guillaume Savouré, Perronnelle sa femme, Jean Le Chochetier et Marie sa femme [4] ont donné à Thipenne mère des femmes, [5] en renonçant, tous leurs droits qu'ils avaient sur 42 livres parisis de cens perçues chaque an: [6] 20 livres sur les maisons de Cochin en la Saunerie, [7] les autres 20 livres sur des maisons situées à St-Gervais de Paris. [9] En particulier ils ont donné leurs droit sur le domaine et le pressoir des vignes de Vauvert [Gard]. [12] Ils renuncent à tout droit qu'ils puissent réclamer [13] et promittent de ne pas aler contre la quittance.

Auteur: Gui du Mes, garde de la Prévôté de Paris

Disposant: Nicholas de Beaumont, Marguerite sa femme; Guillaume Savouré, Perronnelle sa femme; Jean Le Chochetier, Marie sa femme

Sceau: Prévôté de Paris

Bénéficiaire: Tiphene, femme jadis feu Philippe Commin

Autres Acteurs: Cochin

Rédacteur: Prévôté de Paris

Support: Original parchemin, jadis scellé du sceau de la Prévôté de Paris (il ne reste que la fissure pratiquée dans le parchemin)

Lieu de conservation: Paris Paris, Arch. Ass. Publ. (HD): Layette-44-liasse-266-n°1326

Commentaire:

1 ··· À - touz ceus qui ces letres verront ,/·· 2 Gui du Mes ,/ garde de la prevosté de Paris ,/ salut ./ 3 Ssachent tuit que par devant nos vindrent ,/ \2 Nicholas de Biaumont ,/ Marguerite sa famme ,/ Guillaume Savouré ,/ Perronnelle sa famme ,/ Jehan Le Chochetier et Marie sa famme ,/ filles Tiphene ,/ \3 famme jadis feu Phelippe Commin ,/ si comme il disoient ;/ 4 et quiterent bonement et quite clamerent du - tout en - tout desorandroit ,/ expres\4seement à - touz jours ,/ à - la devant dite Tiphene et à ceus qui auront cause de - lui ,/ 5 tout le droit ,/ l ' accion ,/ la - proprieté ,/ la seingorie ,/ \5 la possession et tout le demene qu ' il avoient ou avoit ,/ povoient par quele reson ou - droit que ce fust ,/ en - quarante livrees de cens \6 ou rante qu ' icele Tiphene avoit et poursivoit es leus ci desouz noumez ;/· 6 c ' est à - savoir vint livres de cens ou rante par an sor la \7 meson Cochin en la Saunerie et sor plusors autres mesons qui sonr en - tour la meson d ' icelui Cochin ./· 7 et les autres vint \8 livres sont assis sor plusor meson qui sont devant saint Gervès que li Temple de Paris tient ,/ si - comme il disoient ./· 8 Derechief \9 quiterent desorandroit bonement à - touz jours les persones desus nomees à - icele Tiphene et à - touz ceus qui avront cause de - lui \10 touz les autres biens muebles et non muebles qu ' ele a aprisent ou - puet avoir el tens avenir ;/· 9 et especialment quiterent tout le \11 droit qu ' il porroient demender ou avoir el tens à - venir el pressoer et el clos de vingnes de Vauvert que l ' ostel deutient \12 et en - touz ses autres biens quex qu ' il saient ,/ 10 et se il avenoit que la dite Tiphene donast ou aumonast ou vendist auque des \13 choses desus dites à aucunes de - ses filles desus dites que les autres ni possent riens reclamer ne aler en - contre ,/ 11 et dès - ore en a\14vant le - quitent bonement ,/· volant et otroiant dès - ore en avant qu ' icele Tiphene des choses deus dites ,/ toutes et singuleres \15 puisse faire et ordener ,/ toute sa propre volanté ,/ sanz nul contredit et vendre et despendre ,/ donner ,/ aumoner et aliener comme sa - chose propre ,/ \16 sauf aus persones desus nommees teles parties ,/ comme il sont fetes et ordenees entre - eus en la manniere qu ' il est contenu es letres \17 seelees du - seel l ' officier de Paris ,/ 12 que les dites parties ont par devers eus ,/ si comme il disoient et promistrent par devant nos et par leur \18 seremenz faiz ,/ les diz Nicholas ,/ Marguerite sa famme ,/ Guillaumee Savouré ,/ Perronelle sa famme ,/ Jehan Le Chocetier ,/ Marie sa famme que \19 eus contre les choses desus dites ne contre auque d ' iceles ,/ n ' iront ne aler ne feront ne par eus e par autre ,/ par - nul \20 droit quel qu ' il soit , commun ou - especial ,/ el tens à - venir ./· 13 En temoin de ce ,/ nos avon mis en - ces letres le seel de la prevosté \21 de Paris 14 l ' an de grace mil CC soissante dis et huit ,/ el mois de marz ./