Téléchargement du document

Documents linguistiques galloromans
Corpus : (chPrév)
Responsable du corpus : -
Édition de la charte : -

P1276082801

S.l. [Paris] - 1276, 28 août

Type de document: Lettre patente: confirmation de vente

Objet: [1] Jean Le Saunier, garde de la prévôté de Paris, [4] notifie que Jean Hiecelin et sa femme Agnès [5] ont vendu au roi Philippe [III, dit le Hardi] plusieurs types des droits que les vendeurs avoient sur des terres à Saint-Mandé [Val-de-Marne], à côté du bois de Vincennes [Île-de-France]. [21] Le prix de vente est fixé en 49 livres de parisis que les vendeurs ont reçu par Grégoire, chanoine de la chapelle royale et par Philippe, l'officier chargé de l'administration des voies publiques et dont ils se tiennent pour satisfaits. [24] Ils renoncent de manière définitive à tout droit qu’ils pourraient réclamer [25] et garantissent la vente en la soumettant à la justice du prévôt.

Auteur: Jean Le Saunier, garde de la prévôté de Paris

Disposant: Jean Hiecelin et sa femme Agnès

Sceau: Prévôté de Paris

Bénéficiaire: Philippe [III, dit le Hardi], roi de France

Autres Acteurs: Gilbert Pinagot et Aceline sa femme ; Herbert Adam ; Hue ; Robert de Saint-Mandé [Val-de-Marne] dit Guerin ; Pierre Dex-i-voie : l’Église de Charenton [Val-de-Marne] ; le prêtre de Conflans-Sainte-Honorine [Île-de-France] ; l’abbesse de Saint-Antoine [Isère] ; [Charles I], roi de Sicile ; Grégoire, chanoine de la chapelle royale ; Philippe, officier chargé de l'administration des voies publiques

Rédacteur: Prévôté de Paris

Support: Original parchemin, scellé du sceau en cire verte sur double queue de la Prévôté de Paris

Lieu de conservation: Paris, AN: J 157 – Saint Mandé, n° 44

Commentaire:

1 ·· À touz ceus qui cez lettres verront ,/· 2 Jehan Le Saunier ,/ garde de la prevosté de Paris ,/ salut ./· 3 Nous fesons à savoir que par de\2vant nous vindrent Jehan dit Hiecelin ,/ bourgois de Paris ,/ et Agnés sa famme ,/ 4 et distrent et afferment par devant nous qu ' il avoient \3 terres ,/· cens ,/· rentes ,/· ventes ,/· sesines ,/· amendes ,/· joustices en l ' enclosture nostre seingneur le roi dedanz les murs et dehors les murs · Seint \4 Mandé ,/ vers le bois de Viciennes ,/ que nostre seingneur le roi de France a achetés des persones qui vendues les ont ,/ 5 et sont cez terres de\5hors l ' enclos , tenanz aus terre Gilebert Pinagot et à la priorté Seint Mandé ,/ si comme il disoient .//; 6 C ' est à savoir sur arpent et \6 demi de terre · de masure vint et deus deniers et maaille de fonz de terre que Gilebert Pinagot ,/· Herbert Adan ,/· Hue et Robert de Seint \7 Mandé avoient ou_dit terroer ,/· 7 et vint et deus deniers et maaille de fonz de terre sur arpent et demi de terre de masure que Renaut \8 dit Guerin de Seint Mandé avoit en ce terroer ,/· 8 et sur quatre quarriax et demi quartier de terre que Pierre Diex i voie avoit ou_dit ter\9roer la value de tel cens comme il i affiert ,/· 9 et deus deniers et maille de cens sur demi arpent de terre que l ' iglise de Charenton i avoit \10 et deus deniers et maaille de cens sur demi arpent de terre que Renaut et Guerin i avoient ,/· 10 et deus deniers et maille de cens sur demi ar\11pent de terre que Gilebert Pinagot i avoit ,/· 11 et cinc poitevines de cens sur un quartier de terre que Guerin de Seint Mandé i avoit ,/· 12 et \12 vint et deus deniers et maille de cens sur quatre arpenz et demi de terre que Guerin de Seint Mandé i avoit ,/· 13 et le dismaige avec \13 et cinc deniers de cens sur un arpent de terre que Robert de Seint Mandé i avoit ,/· 14 et sur quatre quarriaus · que Gilebert ,/· Guillaume ,/· Hue ,/ Re\14naut i avoient ,//; la value du cens qui i affiert à la value des autres ,/· 15 et tele doiaire comme cens Jehan et sa famme avoient \15 sur cinc arpenz de terre qui furent Gilebert Pinagot et Aceline sa famme ,/ assis en la disme Duquant ovec le prestre \16 de Conflans ,/ si comme il disoient ./· 16 Derechief ceus Jehan Hicelin et sa famme distrent et affermerent par devant nous qu ' il avoient \17 aussi cens ,/ sesines ,/ ventes ,/ dismes ,/ joustices ,/ amendes ,/ rentes sur vint et deuz arpenz de terre que mestre Robert , le queu avoit environ \18 le bois de Vicennes ,/ joingnanz à la ter l ' abbeesse de Seint Anthoine d ' une part et d ' autre part au concierge le roi de Sezile ,/· 17 et sur \19 huit arpenz de terre que Gilebert Pinagot desus dit et sa famme avoient en trois leus ou_dit terroer ,/· et dont l’une piece joint \20 à la terre de celui Gilebert · et d ' autre part à Guerin de Seint Mandé ,// . 18 et l ' autre piece joint de touz costez aus_diz Gilebert etsa fame ,/ \21 et la tierce piece joint d ' une part à le terre Seint Anthoine et d ' autre part audit Gilebert ./· 19 Et les queles censives ,/ dismes ,/· rentes ,/ \22 cens ,/ joustices ,/ amendes ,/ sesines ,/ seingnories ,/ amortissemenz desus dites ,//; les devant diz Jehan et sa famme requenurent en droit \23 par devant nous eus avoir vendu ,/ amorti et quité à toz jors heritablement à nostre seingneur le roi de France et à \24 ses hoirs et tout ce qu ' il avoient es leus desus diz , en quel_conques choses que ce soient ,/ 20 pour quarantenuef lbz . de paris . qu ' il \25 ont eüz en boens deniers coutanz ,/ si comme il disoient ,/ par les mains de mon_seingneur Gringoire ,/ chanoine de la \26 chapele le roi ,/ et par les mains sire Phelippe le vaer ,/ bourgois de Paris ,/ si comme il disoient ,/ 21 et s ' en tindrent à bien paiez par devant \27 nous et enquiterent nostre seingneur le roi et les diz Gringoire et Phelippe et leur hoirs à toz jors ,/· en renunçant à ce \28 qu ' il ne puissent dire qu ' il n ' aient eüz les deniers desus diz du tout en tout ./· 22 Et tranporterent dès orendroit à touz \29 jours en mon_seingneur le roi et en ses hoirs tout le droit ,/ l ' action ,/ la seingnorie ,/ la proprieté ,/ la posession et toute l ' ac\30tion reel et personnel qu ' il avoient ou avoir pooaient et atendroient à avoir es choses desus dites ,/ sanz retenir \31 en riens à eus ne à leur hoirs ./· 23 Et promistrent li devant dit Jehan et sa famme par devant nous et par leur \32 loiaus creanz qu’eus encontre la vente et la quitance desus dites par droit d ' eritage ,/· d ' eschaoite ,/ de conquest ,/ de \33 doere ,/ de don pour noces ne par nul autre droit quelqu ' il soit ,/ commun ou especial ,/ n ' iront à nul jour ou tans à venir ./ \34 24 Et qu’eus au devant dit nostre seingneur le roi et à ses hoirs la dite vente sanz nules redevances ,/ rentes ne \35 autre chose rendre garandiront ,/ deliverront et deffendront ,/ en jugement et hors jugement ,/ contre touz et à touz \36 jors ,/ toutes les foiz que mestiers en sera ,/ à leur propres couz et despens ,/ aus us et aus coutumes de France ,/ si comme il \37 disoient ./· 25 Et se il avenoit qu’aucuns venist avant qui riens demandast en la dite vente et nostre seingneur le \38 roi et si hoir i eüssent couz ne damages ,//; les devant diz Jehan et sa famme les en deliverront au leur ,/ si comme \39 il le requenurent par devant nous ./· 26 Et des damages que nostre seingneur le roi ou si hoir i avroient ,//; le porteur de \40 de ^[1] ceste letre en seroit creüz par son simple serement ,/ sanz autre prueve ./· 27 Et quant à ce tenir fermement ,/ les devant \41 diz vendeurs ont obligié et soumis ,/ chacuns pour le tout ,/ eus et leur hoirs ,/ touz leur biens et les biens de leur hoirs ,/ \42 muebles et non muebles ,/ presenz et à - venir ,/ où qu ' il soient ,/ à jousticier à nous ou à noz sucesseurs ,/· 28 en renunçant au \43 previllege de croiz prise et à prandre ;/· 29 et qu ' il ne puissent dire eus avoir fet ceste letre seeler par force ne par con\44trainte et qu ' il ne puissent dire eus avoir esté deceüz en cest marchié outre la moitié du droit pris ./· 30 En temoig ^[2] \45 de ce ,/ nous avons mis en cez lettres le seel de la prevosté de Paris ,/· 31 l ' an de l ' incarncion nostre Seingneur · mil ·CC· \46 soissante et seze , ou mois d ' aoust le vendredi aprés la Seint Berthelemmi l ' aposte ./·

Notes de transcription
^[1] Sic!
^[2] Sic !