Téléchargement du document

Documents linguistiques galloromans
Corpus : (chPrév)
Responsable du corpus : -
Édition de la charte : -

1274103203

S.l. [Paris] - 1274, octobre

Type de document: Lettre patente: confirmation de vente

Objet: [1] Renaud Barbou, garde de la prévôté de Paris, [3] notifie que Adan Herneis bourgeois de Paris et Marie sa femme et Philippe Fromont bourgeois de Paris et Isabelle sa femme [5] ont vendu au roi Philippe [III, dit le Hardi] [6] 15 arpents e 3 quartiers de terre qu'ils avoient à Saint-Mandé [Val-de-Marne] et qui faisaient partie de l’héritage de Marie et d'Isabelle. [7] Le prix de la vente est fixé en 39 livres, 7 sous et 6 deniers de parisis que les vendeurs ont reçu et dont ils se tiennent pour satisfaits. [8] Ils renoncent de manière définitive à tout droit qu’ils pourraient réclamer sur la vente [10] et la garantissent en la soumettant à la justice du prévôt.

Auteur: Renaud Barbou, garde de la prévôté de Paris

Disposant: Adan Herneis bourgeois de Paris et Marie, sa femme ; Phelippe Fromont bourgeois de Paris et Isabelle, sa femme

Sceau: Prévôté de Paris

Bénéficiaire: Philippe [III, dit le Hardi], roi de France

Autres Acteurs: Nicholas de Chartres et Nicholas dit le Porteur, clercs du garde de la prévôté de Paris

Rédacteur: Prévôté de Paris

Support: Original parchemin, scellé en cire verte sur double queue de la Prévôté de Paris

Lieu de conservation: Paris AN : J 157 – Saint Mandé, n° 18

Commentaire:

1 ·· À touz ceus qui ces lettres verront ,/ 2 Renaut Barbou ,/ garde de la prevosté de Paris ,/ salut ./· 3 Nous feisons à savoir que \2 par devant nous vindrent Adan Herneis et Phelippes Fromont ,/ touz bourgois de Paris ,//, 4 et par devant Nicholas de Chartres \3 et Nicholas dit le Porteur ,/ noz clers jurez et especialment à ce envoiez ,/ vindrent Marie famme du_dit Adan et Isabel \4 famme du_dit Phelippe ;/· 5 requenurent en droit qu ' il avoient vendu et en non de pure vente quité et otroié à toz jors \5 à tres excellant houme ,/ nostre chier seignor · Phelippe rois de France par la grace de Deu et à ses hoirs ,/· 6 quinze arpenz \6 et trois quartiers de terre qu ' il avoient ,/ si coume il disoient ,/ en la guarenne Saint Mandé ,/· mouvent de l ' eritage \7 à la dite Marie et Isabel sereurs ,/· si coume il disoient ,/· 7 pour trante et nuef livres sept solz sis deniers paris .//,/ qu ' il \8 ont eüz et receüz en deniers contanz · et dont il se tindrent bien apaiez ,/ si coume ceus Phelippe et Adan le requenurent en droit \9 par devant nous ,/· et les dites Marie et Isabel par devant noz diz clers ./· 8 Et promistrent par devant nous et par leur leaus creanz \10 les devanz diz Phelippe et Adan ,/ et par devant noz diz clers les dites Marie et Isabel ,/ qu’eus encontre la vente et la quittance \11 desus dite par droit d ' eritage ,/ par reison de conquest ,/ de doaire ,/ de don pour noces ne par nul autre droit quelqu ' il soit ,/ \12 coumun ou especial ,/ n ' iront ne aler ne feront ne par eus ne par autre ,/ à nul jour ./· 9 Ainçois au devant dit nostre chier \13 seigneur le roy et à ses hoirs la ter desus vendue guarentiront ,/ deliverront et deffendront ,/ en jugement et hors \14 jugement ,/ à leur propres couz et despens à touz jours ,/ contre touz ./· 10 Et pour droite guarantie porter la vente \15 desus dite en la manniere qu ' il est dit desus ,/· les davanz diz Adan et sa famme ,/ Phhelippe et sa famme ont obligié et somis ,/ \16 chacun pour le tout ,/ eus et leur hoirs et touz leur biens muebles et non muebles ,/ presenz et à venir ,/ où qu ' il saient ^[1] \17 à joutisier au prevost de Paris ,/ 11 si coume les diz Adan et Phelippe le requenurent par devant nos ,/ et les dites Marie et \18 Isabel par devant noz diz clers ,/· les queles choses devant dites noz devant diz clers nous raporterent par lor serement ./ \19 12 En temoing de ce ,/ nous avon mis en ces lettres le seel de la prevosté de Paris ,/· 13 l ' an de grace mil CC soissante et quatorze ,/ \20 el mois de octouvre ./·

Notes de transcription
^[1] Sic ! Lire : soient .