Téléchargement du document

Documents linguistiques galloromans
Corpus : (chPrév)
Responsable du corpus : -
Édition de la charte : -

P1274093203

S.l. [Paris] - 1274, septembre

Type de document: Lettre patente: confirmation de vente

Objet: [1] Renaud Barbou, garde de la prévôté de Paris, [3] notifie que Jehan Hezelin, bourgeois de Paris, et sa femme Agnès ont vendu au roi Philippe [III, dit le Hardi] 124 arpents de terre situés entre Saint Mandé [Val-de-Marne] et le bois de Vincennes et tous les droits concernant. [6] La rente des terrains est de 5 deniers de parisis pour chaque arpent, [7] sauf pour une mesure qui est située au-delà du vignoble et deux arpents de terre et demi situés dans leur fief qui est fixée en 3 sous de parisis. [10] Le prix de vente est établi en 270 livres de parisisi que les vendeurs ont reçu et dont ils se tiennent satisfaits. [12] Ils renoncent de manière définitive à tout droit qu’il pourraient réclamer et [13] garantissent la vente [14] soumettant tous leurs biens à la justice du prévôt.

Auteur: Renaud Barbou, garde de la Prévôté de Paris

Disposant: Jehan Hezelins, bourgeois de Paris ; Agnès, sa femme

Sceau: Prévôté de Paris

Bénéficiaire: roi Philippe [III, dit le Hardi]

Rédacteur: Prévôté de Paris

Scribe: Mah.

Support: Original parchemin, scellé du sceau de la Prévôté de Paris

Lieu de conservation: Paris AN: J 157 – Saint Mandé, n° 10

Commentaire:

1 ·· À touz ceus qui ces lettres verront ,/· 2 Renaut Barbou ,/ garde de la prevosté de Paris ,/ salut ./ 3 Nous feisons à - savoir que par devant \2 nous vindrent · Jehans Hezelins ,/ bourgois de Paris ,/ et Agnés ,/ sa fame ,/· 4 et affirmerent par devant nous que il avoient ,//, tenoient ,//, \3 et poursivoient ,/ en leur fié et en leur seignorie · toutes les terres ,/ les cens ,//, les ventes ,//, les revestemens ,//, les amendes et les dimes et les autres \4 choses qui seront ci desouz nomees ./· 5 C ' est à - savoir sis vins quatre arpens et un quartier de terres seans en l ' encloture que li rois a fet \5 fere novelement entre le bois de Vichaines et Saint Mandé ,/ 6 dont chascuns de ces sis vins quatre arpens et un quartier devoit au \6 dit Jehan Hezelin et à sa fame ,/ o - toutes les ventes ,//, revestemens ,//, amendes et la disme ,/ avecques toute la seingnorie qu ' il i pooient avoir ,/ \7 devoient cinc deniers par . pour chascun arpent de fons de terre ,/ si comme il disoient ./· 7 Derechief une masure ,/ qui siet delés le vinier \8 et deus arpens et demi de terre en leur fié et en leur seingnorie à trois souz de par . de fons de terre o tout les ventes ,/ revestemens ,/ \9 amendes ,/ dimes et autres eschaances qui avenir i porroient \10 ./· 8 Derechief vint arpens de terre qui sont asis en l ' encloture devant \11 dite en leur fié et en leur seingnorie · o toutes les ventes ,/· revestemens ,//, amendes ,//, dismes et autres eschaances qui venir i porroient \12 ,/ si comme il disoient ./· 9 Les quex teres desus nomees o tout la masure ,//, avec la seingnorie ,//, la proprieté ,/ la possession ,/ les ventes ,/ les revestemens ,/ \13 les amendes ,/ les dismes et les autres choses et aventures qui avenir i porroient ,/ ovec toute l ' action que les devant diz Jehan He\14zelin et Agnés sa fame i poient avoir ne reclamer par quelque droit que ce fust ./· 10 Icil Jehans Hezelins et Agnés sa fame \15 requenurent par devant nous en droit qu ' il avoient vendu et par non de pure vente perpetuelment quité et otroié à \16 touz jours au noble home et puissant mon_seingneur · Philippe · par la grace de Dieu roi de France et à ses hoirs · 11 pour treze \17 vins et dis livres de par . que li devant dit Jehans et Agnés sa fame ont eüz et receüs en deniers contans \18 et des quex il se tindrent bien apaié par devant nous ./· 12 A l ' exception de la some de deniers desus diz non eüz ,/ non bailliés ,/ \19 non contés et non delivrés ,/ renuncierent li devant diz vendeur par devant nous par leur creans ./· 13 Et promistrent par \20 devant nous li devant dit vendeur que eus encontre la vente et la quitance de touz les entages desus diz n ' iront \21 ne aler ne feront ne par eus ne par nul autre ,/ par droit d ' eritage ,/ par reson de conquest ne de deschendue ne par nul autre \22 droit quex qu ' il soit ,/ communs ou especiaus ,/ en nule maniere que ce soit ,/ ou tans qui est à - venir ./· 14 Ançois touz les entages \23 desus diz garantiront ,/ deliverront et deffendront frans ,/ quites et delivres de toutes redevances à leur propres couz \24 et despens ,/ en jugement et hors jugement ,/ toutes le fois qu ' il en seront requis du roi ou ses hoirs ou de lour \25 commandement ,/ portant ces lettres as us et as coustumes de France contre touz ./· 15 Et quant à ce tenir fermement ,/ \26 li devant dit vendeur ont obligié et somis ,/ chascun pour le tout ,/ eus et leur hoirs et touz leur biens et les biens \27 de leur hoirs ,/ muebles et non muebles ,/ presens et à - venir ,/ où qu ' il soient ,/ à justicier à nous ou à nos successeurs ./ 16 Et \28 en tesmoing de ceste chose ,/ nous avons mis le seel de la prevosté de Paris en ces lettres 17 l ' an de l ' Incarnation \29 nostre Seingneur mil CC./ soissante et quatorze ,/ ou mois de septembre ./·