Téléchargement du document

Documents linguistiques galloromans
Corpus : chartes de la Meuse (chMe)
Responsable du corpus : Martin-D. Glessgen
Édition de la charte : Anne-Christelle Matthey (révision: D. Kihaï)

ChMe038

Novembre 1243

Type de document: charte: donation pieuse

Objet: [1s.] Thierry seigneur de la Tour-en-Ardenne notifie [3] qu'il donne en aumône perpétuelle à l'abbaye de Châtillon, [4] avec l'accord de sa femme Alice et de ses enfants, [5] 4 muis annuels de froment [6] à prendre en sa grange située sur le mont devant la Tour-en-Ardenne. [8] En contre-partie, l'abbaye a édifié dans son église un autel en l'honneur de Thierry [9] et fêtera son anniversaire et celui de son épouse après leur mort.

Auteur: Thierry seigneur de La Tour-en-Ardenne

Disposant: Thierry seigneur de La Tour-en-Ardenne

Sceau: sceau encore en partie existant de Thierry seigneur de la Tour-en-Ardenne

Bénéficiaire: abbaye de Châtillon (également annoncée comme tel)

Autres Acteurs: Alice épouse de Thierry seigneur de la Tour-en-Ardenne, Jean fils aîné de Thierry seigneur de la Tour-en-Ardenne

Rédacteur: scriptorium épiscopal de Verdun

Support: parchemin scellé sur double queue

Lieu de conservation: ADMeuse 14H51(52), Abbaye de Châtillon à Pillon, Cisterciens

Édition antérieure: A. Lesort, 1910-1912: 413

1 Je Tierris sires de la Tor en Ardenne· 2 fas savoir à tos chiaus ki ces letres orrunt et verrunt 3 ke j'ai do\2né por Deu en aumosne à-l'eglise Nostre Dame de Chastillon de l'ordene de Cistaus,· ki siet en l'eveschié de Ver\3dun,· 4 par l'otroi,· et par l'asantement· de ma fame Aalis,· et de Jehan mon aisné fil,· et de mes autres oirs,· \4 à-tos jors,· 5 quatre muis de forment, à la mesure de Verton,· à paier chascun an, à-la feste saint Martin,· \5 u à la saint Andreu au plus tart.· 6 Et che blef desore dit doivent panre li abbes et li covens de \6 Castillon,· chascun an, au termine desore dit, em ma grange ki siet el mont devant la Tor, \7 jusk'à-tant que je lor assenerai à panre en autre liu, autresi-bien paisieublement.· 7 Et se de la \8 grange defalloit par aventure,· li sires de la-Tor lou renderoit del sien.· 8 Et li abbes et li co\9vens de la desore dite abbie de Chastillon ont assenei un autel en lor eglise au quel on \10 chantera por moi,· et por ma fame Aalis, et por nos ancesseurs.· 9 Et li frere de Chastillon feront \11 mon anniversaire, aprés ma mort et le ma fame.· 10 Et por chou que ces choses soient fermes \12 et estables,· ai je doné à-l'abé et au covent de Chastillon mes letres pendans en tesmoignage \13 de verité.· 11 Ces letres furent faites en l'an quant li miliaires corroit· par mil· \14 et· deuscens· et quarante· trois ans,· el mois de novembre.·