Téléchargement du document

Documents linguistiques galloromans
Corpus : chartes de la Meuse (chMe)
Responsable du corpus : Martin-D. Glessgen
Édition de la charte : Anne-Christelle Matthey (révision: D. Kihaï)

ChMe036

Mars 1243-1244

Type de document: charte: vente

Objet: [1s.] Drouar clerc de Jouy vend, avec l'accord de son épouse et de ses soeurs au chapitre de l'église cathédrale de Verdun, une rente annuelle d'un res de froment à prendre sur son héritage qu'il a a Jouy, en pré et en terre. [4] Ses héritiers payeront la dîme sur cette terre.

Auteur: non annoncé

Disposant: Drouar clerc de Jouy

Sceau: sceaux de l'abbaye de Saint-Vanne de Verdun, Abbaye de Saint-Paul de Verdun

Bénéficiaire: chapitre de l'Église cathédrale de Verdun

Autres Acteurs: Poinsette épouse de Drouar clerc de Jouy, Suzenon et Alissons soeurs de Poinsette

Rédacteur: scriptorium épiscopal de Verdun

Support: parchemin jadis scellé de deux sceaux pendant sur lacs

Lieu de conservation: ADMeuse 2G95(1), Chapitre cathédral Notre-Dame de Verdun

1 Sachent tuit cil qui ces letres verront et orront 2 que Drouas li clers de Joiei par le loz et le \2 consentement de Poncete, sa femme· et de Suzenon et Alison, ses serors, a vendu et acquitei, à-toz jors mais, \3 au chapitle de la grant ecclise de Verdun,· un· reis de froment de rente à la mesure de Verdun,· \4 sor tot son heritage qu'il a en preis et en terres, en la fin de Joiei, à paier on grenier Nostre Dame à \5 Verdun, chacun an, dedens lou mois de la saint Remi.· 3 Et Poincete et Suzenons· et Alisons devant \6 dites ont jurei que jamais en contre cest vendage n'iront ne por douare ne por autre chose· et ne recla\7meront ne feront par autrui reclameir.· 4 Et aprez, li hoir qui tanront ceste terre paieront la droite \8 deimme, à la coutume dou ban de deix gerbes une d'or en avant, à toz jors mais.· 5 Et por ce que ce \9 soit seure chose et certe,· li·· abes de Saint Venne et li· abes de Saint Poule de Verdun ont \10 mis lors seels en ces letres, par la requete des parties, en tesmognage de veritei.· 6 Ces letres \11 furent faites en l'an que li milliaires corroit par mil· et .CC. et quarante trois ans, on mois de mars.·