Téléchargement du document

Documents linguistiques galloromans
Corpus : chartes de la Meuse (chMe)
Responsable du corpus : Martin-D. Glessgen
Édition de la charte : Anne-Christelle Matthey (révision: D. Kihaï)

ChMe030

Mars 1242-1243

Type de document: charte: consentement de vente

Objet: [1s.] Raoul seigneur de Broussey notifie [3s.] qu'il accorde, en seigneur féodal, la vente et le marché du bois de la Sèchenaue que Lambert de Rambucourt tient de lui et qu'il a faits à Raoul doyen de Girauvoisin pour le compte de l'abbaye de Saint-Mihiel. [6] L'abbaye de Saint-Mihiel obtient ces bois et en contre-partie, ils doivent à Lambert et à ses héritiers une rente annuelle de 2 sous de provenisiens fors. [7] Si elle ne s'acquitte pas de cette rente, l'abbaye devra payer une amende à Lambert et à ses héritiers.

Auteur: Raoul seigneur de Broussey

Disposant: Raoul seigneur de Broussey

Sceau: sceau de Geoffroy comte de Sarrebruck et seigneur d'Apremont

Bénéficiaire: abbaye de Saint-Mihiel

Autres Acteurs: Lambert de Rambucourt, Raoul doyen de Girauvoisin

Rédacteur: scribe de Raoul seigneur de Broussey(?)

Support: parchemin jadis scellé sur double queue

Lieu de conservation: ADMeuse 4H76(310), Abbaye de Saint-Mihiel, Bénédictins

1 · Je· Raul sirez de Brocei· 2 faz conoissant à-toz saus qui ces lettrez verront et \2 oïront,· 3 que lo vendage et lo marchiei· que Lambers de Rambuecort, mez feiaublez, \3 a fait à mon signor Raul lo doïen de Girauvesin· por l'abbei et por lo covent \4 de Seint Michiel de Seint Mihiel,· do bois de la Seche naue qu'il tient de mi \5 en fiez et en homage,· 4 tel· marchiei· et tel vendage, com il en a fait au \6 doïen desor nommei juquez à la vesture de sauz de Fremerevile,· 5 et ensi com \7 lez bonnez sont deviseiez, je lo lou et lo creanz.· 6 Et cils marchiez est faz, \8 en-tele maniere· que li abbez et li covens desor dit qui tanront cese bois \9 en rendront, à toz jors, chacun an .II· sous de provenisiens fors à celui \10 Lambert qui desor est diz et à ces hoirs ·VIII· jors devant la nativitei \11 seint Jehant Baptiste, ou ·VIII· jors aprez.· 7 Et ce cist denier davant dit \12 n'en estoiet rendu au termine qui est nommez,· li abbez et li covenz desor dit \13 en feroiet l'amende· à Lambert· qui desor est nommez et aprés lui à cez hoirs. \14 8 Et por ce que je n'ai point de sael, ai je fait seler cez presentez letrez \15 do sael lo noble homme, mon signor· Jofroi conte de Sarebruche et \16 signor d'Aspremunt,· en tesmognage.· 9 Ce fut fait ens l'an que li miliarez \17 corroit par ·M. et .CC. et .XLII· ans, on mois de mars.·