Téléchargement du document

Documents linguistiques galloromans
Corpus : (chOise)
Responsable du corpus : -
Édition de la charte : -

ChOise206

1285, 17 juillet

Type de document: charte: amortissement

Objet: Jean de Beaumont chevalier seigneur d'Ons-en-Bray, d'accord avec sa femme, Jeanne, accorde l'amortissement de quatre muids de grain de rente, sept pièces de prés, cinq hostises et trente et un deniers de cens au Becquet, vendus à l'abbaye de Chaalis par sa soe#ur Marie dame de Tartigny.^[a]

Auteur: Jean de Beaumont chevalier

Disposant: auteur

Sceau: jadis scellé sur double queue de parchemin, qui a elle-même disparu

Bénéficiaire: abbaye de Chaalis

Autres Acteurs: Jeanne, femme de Jean de Beaumont, qui donne son accord; Marie dame de Tartigny, soe#ur de Jean de Beaumont

Rédacteur: ##

Scribe: ######

Support: Parchemin (ca. 240x210)

Lieu de conservation: AD Oise H5352; Chaalis, dossier Le Becquet

Verso: Au verso, il y a le brouillon d'un acte latin (cf. CB 1964, 279, note 4); mention dorsale du XIIIe siècle: "De Troussuris au Becquet"####

1 Je , Jehans de Biaumont chevaliers et sires de Ons en Brai , fas savoir à touz #ceus qui ces \2 presentes lettres verront et orront 2 que , comme ma chiere sereur ma dame Marie dame \3 de Tartegni · ait vendu , quitié et otroié à touz jours en nom de vente à houmes religieus \4 à l ' abbé et au couvent de Chaaliz , de l ' ordre de Cisteaus , 3 quatre muis de grein de pardurable rente , 4 c ' est \5 à savoir deus muis de fourment , deus deniers sous le mellieur à la mesure de Gierberroi , 5 à recevoir \6 à la Saint Remi , chascun an , seur le terrouoir du Beket de #ceus qui tienent les terres dou dit terrouoir , \7 6 et les deus autres muis à recevoir à cele mesure , un mui au Noel et un mui à la Saint Jehan , seur le \8 moulin du Beket ;/· 7 et leur ait encore vendu sept pieces de prés en la praerie qui siet devant #le Beket ^[1] · 8 et \9 cinc ostizes et trente et un deniers de cens chascun an ; 9 et ait quittié as diz religieus et ballié toutes ces choses \10 amorties avec tout le droit , la justice et la segnourie et quanque ele avoit et povoit avoir et devoit es \11 choses desus dites , 10 sans riens# retenir à lui ne à ses oirs es choses devant dites , si com el - a requeneu par devant \12 moi . 11 Je , Jehans devant diz , par l ' otroi et la volenté de Jehane , ma fame , vuegl , otroi et agree et conferme le \13 marchié devant dit ,/· 12 et vueg# et otroi , pour Dieu en aumosne et pour le remede de m ' ame et de ma fame , \14 13 que li dit religieus et tout cil qui cause i aront de par eus tiegnent et poursievent franchement et pesiblement \15 les choses devant dites en main morte , 14 et leur quitte tout le droit , la justice et la segnourie et quanque j ' avoie \16 et povoie avoir , 15 sans retenir à moi ne à mes oirs par raison de fié ne par autre , quele que ele soit , es choses \17 devant dites ;/· 16 et pramet en bone foi que en contre ceste aumosne et quittance ne venrai ne ne ferai venir \18 17 ne ne empecherai qu ' il n ' en puissent joi#r à tous jours pesiblement en main morte ,/· 18 et que je leur garandirai \19 contre ma sereur , tant seleument ^[2] s ' ele i metoit empeechement ;/· 19 et renunce en cest fait à toutes les exceptions et \20 à toutes les choses et à chascune qui porroient estre dites en contre ceste lettre ;/· 20 et en temong de ce et que ce \21 soit ferme et estable , j ' ai ceste lettre seelee de mon seel ,/· 21 en l ' an de grace ./· m .// cc ./· quatrevins et cinq ,/· le \22 mardi devant la Mazaleine .

Notes de fiche
^[a] L'acte de vente, en latin, conservé sous la même cote avec un fragment de sceau, est daté de la veille (cf. F41). Le même dossier H5352 conserve également la minute sur parchemin de l'acte de vente, avec ratures et corrections (cf. F42), ainsi qu'un très bel acte, en latin, de l'officialité de Beauvais, relatant que la vente a été passée en présence de l'official (cf. F43). Cf. CB 1964, 279, note 2.

Notes de transcription
^[1] Ces sept pièces de prés sont plus amplement désignées dans l ' acte de vente et dans la minute correspondante cités ci - dessus ; cf . CB 1964 , 280 , note 1 .
^[2] Sic!