Téléchargement du document

Documents linguistiques galloromans
Corpus : chartes de la Meuse (chMe)
Responsable du corpus : Martin-D. Glessgen
Édition de la charte : Anne-Christelle Matthey (révision: D. Kihaï)

ChMe009

1233

Type de document: charte: bestens

Objet: [1s.] Béatrice dame de Joinville et sénéchalesse de Champagne et Hues chevalier de Fronville notifient [3] qu'ils ont été recommandés par Simon seigneur de Joinville, au jour de sa mort, pour régler la querelle entre l'abbaye d'Évaux et Jean de Rinel. [4s.] Le problème est que l'abbaye oblige Jean de cuire son pain et de moudre son grain au moulin banal et de payer les mêmes redevances que les autres habitants de Neuville alors qu'il se considère comme un personnage noble et devant être exempté de cela. [7s.] Béatrice et Hues se sont renseignés et ont vu différentes chartes de l'abbaye dont une concernant le four et le moulin de Neuville ainsi que leurs exploitations. [10s.] Béatrice et Hues, en seigneurs féodaux, décident que Jean doit continuer d'utiliser le four et le moulin banaux. S'il ne le fait pas, il sera soumis à une amende de 40 sous de tournois et devra donner sa mouture et son fournage à l'abbaye. [14] Béatrice confirme tous les droits que l'abbaye possède en sa seigneurie de Vaucouleurs. [15] Elle leur donne le droit de pécher dans la rivière de la Meuse à Vaucouleurs et à Neuville ainsi que [16] d'y faire paître leurs bêtes [17] et de s'y servir en bois ou en pierre.

Auteur: Béatrice dame de Joinville et sénéchalesse de Champagne, Hues chevalier de Fronville

Disposant: Béatrice dame de Joinville et sénéchalesse de Champagne, Hues chevalier de Fronville

Sceau: sceaux de Béatrice dame de Joinville et sénéchalesse de Champagne, Hues chevalier de Fronville

Bénéficiaire: abbaye d'Evaux

Rédacteur: scribe de Simon seigneur de Joinville(?)

Support: parchemin jadis scellé de quatre sceaux (seuls 2 annoncés) pendant sur lacs

Lieu de conservation: ADMeuse 16H9(60), Abbaye d'Evaux à Saint-Joire, Cisterciens

1 Ge Beatris dame de Joinville, seneschallesse de Champagne et je Hues chevaliés de Fronville \2 2 fasons cognossant à tos ces qui sont et qui seront, qui vorront ces lettres, 3 que cum nostre-sires \3 Simon de bonne memoire ça en ariers sire de Joinwille, fut chargié de la noise et querelles, \4 entre li signor de Vaus d'une part et Jehan de Rignei Le Petit, demorant à Newille d'autre part, \5 4 pour ce que li-di signor le contraindient de cuire son pain et morre ces grains au four et au \6 molin banalles, comme li autres homs de Newille et paier amende et moture et fornage à aus, \7 5 li di Jehan, au contrare, disoit que il estoit noble et clerc tonsure et ne devoit estre suget comme li \8 autres en tes choses et qu'il estoit franc à tos signors; 6 or nostre devant di sire, au darain jor de \9 sa vie, cum il fut au lei de l'infirmité, duint il passa de mort à vie, il mesmes vollant \10 en tots choses lawer sa conscience, commanda à nos, sor le peril de nos ames, que nos, la devan-dite \11 querelles que li apartenoit et tots autres querelles, menissiens à bonne-fin.· 7 Nos par li sairemens des \12 prodons doudi Newille et des-ville, visme enquerrant la bonne verité, avons apris certainement \13 8 que li-di Jehan avoit grant tort; auxi li-di signor de Vaus nos ont monstré bonne lettre et chartre \14 d'amortissement, des aqueis, dons et aumonnes de tots li pieces que il tiennet de present, en nostre \15 signorie de Vaucolor, par tout ou il soient. 9 Et entre li aultre lettres, une doudi four et batan et \16 foulon et moulin banalles ensenble, li apartenance et previlages desdits usine et de ce sont en \17 bon usage et possession, tant qu'il soufit à droit et par li conseil de nos officiers de Vaucolor \18 et lor consentement et des prodons doudi Newille. 10 Et en lor presence et nos à qui li signorie \19 apartient et la cause pour bien de paix, avons di par droit 11 que li-di Jehan des_orenavant \20 demorat banal audi four et molin, comme li autre de Newille sont et ont estés de tots an\21cieneté et sor painne de l'amende de. lx. soz de petit tornoix, à nos, pour la contrainte et de ren\22dre la motture et fournage aus-di signor de Vaus 12 desquelles choses avons quittes li-di Jehan, \23 du temps passés par acors fais. 13 Et li-di signor de Vaux seront tenu de mettre lesdits usine \24 en soufesance pour li-di prodons. 14 Et je comme dame conferme tos li drois que li-di signor de \25 Vaus ont tant, en aqueis comme en quittance, dons et aumonne, en ma signorie de Vaucolor et \26 on apandise d'icelle. 15 Et pour le remede de mi ame et de mon perre et merre et ancessours \27 lor done la puissance tot et quante-foix qu'il lor plairat, de pechiés et faire pechiés, pour aus, \28 tant seulement par tot la riviere de Meuse, on ban et finage doudi Vaucolor et Newille \29 en tos temps, sans contredit fors en enbanie. 16 Et auxi veul qu'il aient pour aus et lor bestes, en tots ma \30 signorie doudi Vaucolor et en l'apandise pasturage, en tos temps, en boix, à Laglans et foine et \31 autre paxons et à la vainne pasture parellement, 17 par ainsi que se il fasient aucuns dommage, à mi ou \32 à mi hons, non point de warde faitte, il renderont le dommage sans amende, queconque veul auxi que \33 se li-di signor de Vaus ont besong de boix ou de piere pour mariner ou refaire lor-di four, \34 foulon batan et molin banalles, en puisset pranre par tot ou il en porront trover, en ma \35 signorie doudi Vaucolor, en prenant congié à mon prevost doudi Vaucolor et paiant douze \36 deniers aus forentiers. 18 Pour ce que se soit chose creable, avons garnie de nos seauz pendens ses \37 lettres, 19 faittes l'an de l'incarnacion nostre Signor mil. C: C: XXXIII.