Téléchargement du document

Documents linguistiques galloromans
Corpus : (chOise)
Responsable du corpus : -
Édition de la charte : -

ChOise185

1283, décembre

Type de document: lettres: assignation

Objet: Assignation — sous le sceau de la 'baillie' de Senlis — par maître Jean de Taillefontaine, et Pernelle, sa femme, d’une rente de trois muids de blé, d’une valeur de dix livres parisis, à prendre moitié sur leur grange de Taillefontaine, moitié sur celle de la Trousse, pour doter la chapellenie par eux fondée en l’abbaye de Lieu-Restauré.

Auteur: le garde de la baillie de Senlis

Sceau: scellé sur double queue de parchemin

Bénéficiaire: abbaye de Lieu-Restauré

Rédacteur: ##

Scribe: ######

Support: Parchemin réglé et margé à gauche et à droite, à la pointe sèche

Lieu de conservation: AD Oise H5711; Lieu-Restauré, dossier Taillefontaine

1 A touz ceus qui ces lettres verront et orront , 2 Adens Halos , garde de la baillie de Senlis , salut en Nostre Seingneur . 3 Sachent tuit que , par \2 devant nous establi en leur propres persones , maistres Jehans de Taillefonteine et Perronele , sa fame , 4 reconurent et affermerent pardevant \3 nous que il , pour le remede de leur ames et de leur peres et de leur meres et de leur anceseeurs , 5 aviont ^[1] ediffié une chappelle en l’eglise de Liu \4 Restoré , de l’ordre de Premoustré , en la quele il avient esleu leur sepoulture , 6 et aviont ^[2] assené en la dite chappelle dis livrees de terre \5 a parisis de rente par an , 7 pour servir en la dite chappelle por eus a Nostre Seingneur et a vie et a mort , en la maniere que il est contenu \6 en une lettre seellee du seel de religieus houmes l’abbé et le couvent de Liu Restoré devantdit , 8 la quelle le dit maistres Jehans et Perron\7elle , sa fame , et leur hoirs ou leur coumandemant ont et auront pardevers eus a touz jourz . 9 Pour les queles dis livrees de terre a parisis \8 il ont reconeu pardevant nous que il ont assis a la dite eglise de Liu Restoré trois muis de blé yvernage de rante , 10 a doze deniers \9 tournois le sextier pres dou meilleur , au mui qui va par doze sextiers , dou quel blé la moitié sera prise seur leur granche de Taillefonteine , \10 et seur toutes les appendences qui a la dite granche vienent au tens de ceste lettre faite , 11 c’est a savoir : la meson et tout le porpris ou la \11 granche siet , sis vinz essins de terre gaaingnable ou terrouer de la ville , le pré , les terrages qu’i tienent de damoiselle Thiphoine \12 de Oroir , et mesuré a la mesure de Pierrefonz ; et l’autre moitié sera prise seur leur granche d’Artrousse , 12 et seur toutes les appendences qui \13 a la dite granche ^[3] apartienent au tens de ceste lettre faite , c’est a savoir : la grange ^[4] et la meson atout le porpris ou elle siet et huit vinz \14 arpenz de terre gaaingnable , a l’arpent de Lisi et mesuré a la mesure de Lisi . 13 Et por la dite rante paier , si comme il est ci desus devisé , a touz \15 jourz , li devantdis maistres Jehans et Perronelle , sa fame , obligierent par devant nous et laissierent especiaumant obligiéz eus \16 et leur hoirs , leur biens et les biens de leur hoirs , meubles et nonmeubles , presanz et a venir , 14 et especiaumant les dites granches et touz les \17 biens et les heritages que il ont es villes et es appendences ou les dites granches sieent , et tous ceus qui auront cause de par eus ou de par \18 leur hoirs es diz biens ou tens a venir ; 15 et souzmisdrent por ce les diz biens et les heritages a la jurisdiction le Roy de France a touz \19 jourz . 16 Et renoncierent a ce especiaumant que li teneeur des biens devantdiz ne puissent demander recour de cort d’autrui . 17 Et vou\20drent encore les diz maistres Jehans et Perronelle que , se il ou leur hoir ou li deteneur des diz biens estient en deffaut de paier \21 la dite rante chascun an dedanz la Chandeleur , fust de tout ou de partie , que il fussent tenu a randre tous les cous et tous les damages que \22 li portierres ^[5] de ceste lettre vourroit jurer par son seremant que la dite eglise eust souffert pour la deffaute du dit paiemant , fust \23 en tout ou en partie , sanz demander autre procuration ne autre mandemant . 18 Item li devantdiz maistres Jehans et Perronnelle , sa \24 fame , vourent et otroierent et a ce obligierent les choses desus dites 19 que , se la dite eglise de Liu Restoré estoit contrainte par justice se\25culaire quelle qu’elle fust a metre hors de sa main le dit blé en tout ou en partie , 20 que leur hoir ou cil qui auroient cause de par eus es \26 dites choses fussent contraint a randre a la dite eglise sept vinz livres de parisis a une foiz et touz ensamble , les qieus sept vinz \27 livres serient mis en achat por la dite chappelerie , 21 et que por ce faire fussent pris tuit li bien devantdit et mis en la main le Roy \28 et detenu et esploitié deusqu’a tant que les dites sept vinz livres de parisis fussent randues a l’eglise desus noumée , si comme il est dit desus \29 . 22 Et ce fait , il dit hoir serient quite des trois muis de blé desus noumés , et li diz religieus serient tenu a deservir en la dite chappelle \30 en la fourme et en la maniere que il est contenu en leur lettres , pour l’achat que il auroient fait des dites sept vinz livres de parisis . \31 23 En tesmoing de la quelle chose , nous avons mis en ces presentes lettres le seel de la baillie de Senlis , a la requeste des diz mais\32tre Jehan et Perronelle , sa feme . 24 Douné en l’an de grace mil deus cenz quatrevinz et trois , el mois de decembre .

Notes de transcription
^[1] Sic!
^[2] Sic!
^[3] Sic!
^[4] Sic!
^[5] Sic!