Téléchargement du document

Documents linguistiques galloromans
Corpus : (chOise)
Responsable du corpus : -
Édition de la charte : -

ChOise159

1281 (n.st.), mars

Type de document: lettres: échange de terres

Objet: Jean Cai#n de Montigny chevalier et l'abbaye de Froidmont concluent un échange de vint-six journaux onze verges et demie de terre en trois pièces à tenir en mainmorte, contre une pièce de terre équivalente, - avec le consentement de l'abbé de Saint-Lucien et de Gobert de Dargies chevalier, dont les droits respectifs de dîme et de seigneurie sont transférés sur le lot du contre-échange.

Auteur: auteurs successifs: Jean Cai#n de Montigny chevalier; Gobert de Dargies chevalier

Disposant: auteurs

Sceau: jadis scellé de deux sceaux pendant chacun sur double queue de parchemin, celle de droite encore existante

Bénéficiaire: abbaye de Froidmont

Autres Acteurs: l'abbé de Saint-Lucien de Beauvais

Scribe: ######

Support: Parchemin ayant souffert de l'humidité; réglé et margé à la pointe sèche

Lieu de conservation: AD Oise H4535; Froidmont, dossier La Fosse-Thibaut, Montigny

Édition antérieure: ##

Commentaire: Immer n vor Bilabial!; zweimal "donnee (et) baillie**"

1 A tous #chiaus qui ches presentes letres verront et orront , je , Jehans Kayns · de Monteigny chevaliers , salut en nostre Seigneur . 2 Sachent tout chil qui sunt et qui \2 à - avenir sunt 3 que je ,/· pour men cler pourfist , ai donné et baillié en escange et en permutacion à tous jours à honmes religieus ,/· 4 il est à§savoir à l ' abé et le couvent de Fresmont , \3 de l ' ordre de Chistiaus , de le dyocese Biauvés , 5 une pieche de me terre le quele contient seze journieus ,/· dis et sept vergues mains ,/· 6 assise entre #le Fosse Thybolt et le \4 vile de Monteigny ,/· 7 et joint au terres d ' #ichiaus religieus devant dis , le quele leur terre est dite Couture de dis muis , 8 et de[lés] ^[1] le grant voie , vers #le Fosse Thybolt , par le quele on \5 va de l ' Ourmel Pastoul à le# Noevile le Roi ;/· 9 et ai encore baillié au devant dis religieus de Fresmont et donné une autre pieche de me terre , le quele contient sept journix , \6 sept vergues mains , par escange à tous jours , 10 assise delés le grant voie devant dite et droit encontre les seze journiex devant dis ,/· de l ' autre part de chele meisme voie ; 11 et ai \7 encore de requief donné et baillié au devant dis religieus une autre pieche de me terre par le raison de l ' escange devant dist à tous jours , 12 le quele pieche desrainnement nonmee \8 contient trois journix , trente et chinc vergues et demie , et joint à le voie qui va de l ' Ourmel Pastoul à Montdidier , 13 les terres d ' #ichiaus religieus devant dis iluec assises ; \9 14 et est le sonme des trois pieches de terre devant dites nonbrees #ensanble · vint et sis #journix onze vergues et demie de terre , mesurees à le mesure de Saint Just ;/· 15 et m ' ont \10 donné li devant dist abbes et couvens de Fresmont pour les vint et sis journix onze vergues et demie de me terre devant nonbrés , en escange et en permutacion à tous jours , \11 vint et sis autres journix onze vergues et demie de leur terre , à le mesure de Saint Just , 16 en une pieche en leur terre qui est dite #le Couture dou Courreel , en une partie de le \12 couture devant dite par devers Monteigny , 17 le quele joint au terres les honmes de Monteigny , ainsi conme les bonnes qui i sunt mises devisent et desclairent ./· 18 A - dechertes \13 li devant dist abbes et couvens ont baillié à moi et à mes oirs le devant dite pieche de terre de tout en tout cuite et delivre , de tant conme à aus apartient , avoec toute seigno\14rie ,/· toute droiture et toute justiche , quanque il en pooient avoir en le devant dite terre par queconque cause ;/· 19 et en autel maniere , je , Jehans Kayns de Monteigny \15 chevaliers devant dis , ai donné et baillié à tous jours au devant dis religieus de Fresmont , par le raison dou devant dist escange , les trois pieches de me terre \16 devant nonmees , avoec toute seignorie , toute droiture et toute justiche haute et basse , quanque je et mi oir i poiiens avoir en quelconque maniere , 20 de tout \17 en tout cuites et delivres de tout chens , de tout canpart et de toute autre #servitute , en retenant nule #riens ne je ne mi oir dés ore en avant es \18 choses devant dites ; 21 et est à$savoir que le disme que li abbes et li couvens de Saint Lucien de Biauvés solent penre seur les trois pieches de terre donnees et bail\19lies de moi au devant dis religieus de Fresmont par le raison de l ' escange fait entre moi et aus , est translatee à tous jours seur le pieche de terre que li dev[ant] [dist] \20 abbes et couvenz ^[2] de Fresmont m ' ont bailliee et donne en escange , ainsi conme il est devisé par devant , 22 et a esté donques à orendroit cuite et deli[vre] \21 de toute dimoison ; 23 et est faite cheste translacion de disme de terre seur autre par le consentement et par le volenté des devant dis abbé et couvent de Saint Lu\22cien de Biauvés . 24 Dont je pramest par le foi de men cors que jemais ne jour ne venrai encontre devant dist escange , ne par moi ne par autrui ;/· \23 25 ains porterai bon warant et loial envers les devant dis abbé et couvent de Fresmont de toutes les choses devant dites encontre tous ; \24 26 et ad ^[3] choses devant dites tenir oblige tous mes hoirs et mes successeurs et tous mes biens presens et à - avenir especialment à tous jours ;/· \25 27 et est à§savoir que je tenrai et doi tenir le devant dite pieche de terre , que li devant ^[4] religieus de Fresmont m ' ont donnee et baillie par raison [de] [escan] \26 [ge] , de mon seigneur Gobert de Dargies en fief , et en le maniere que je tenoie les autres trois pieches de li . 28 A - dechertes je , Gobers de Dargies chevaliers , \27 de qui li devant dis me - sires Jehans Kayns de Monteigny tenoit les trois devant dites pieches de terre en fief , voeil et lo et gree , conme sires , l ' escange \28 ainsi conme il est par devant devisés , 29 et voeil et gree que li devant dist abbes et couvens de Fresmont tiegnent et aient les trois pieches de terre devant \29 dites bonement et en pais , par le raison de l ' escange fait entre aus et le devant dist mon - seigneur Jehan Kayn de Monteigny , 30 en main morte , sans \30 nule #riens retenir ne à moi ne à mes hoirs dés or en avant es choses devant dites ./· 31 En temoignage et en seurté des queles choses · je , Jehans Kayns \31 de Monteigny chevaliers devant dis ,/· et je , Gobers de Dargies chevaliers devant dis , à le requeste dou devant dist mon - seigneur Jehan Kayn , avons \32 pendus nostres# seaus à ches presentes letres ./· 32 En l ' an de - l incarnacion nostre Seigneur mil et deus chens et quatre vins , ou mois de mars ./·

Notes de transcription
^[1] Il s ' agit là d ' une omission du scribe , qui , l . 6 , a bien écrit delés.
^[2] CB transcrit couvens.
^[3] Sic!
^[4] Sic!