Téléchargement du document

Documents linguistiques galloromans
Corpus : (chOise)
Responsable du corpus : -
Édition de la charte : -

ChOise133

1277 (n.st.), février

Type de document: charte: amortissement

Objet: Amortissement — sous le sceau du garde de la prévôté de Senlis — par Jean l’Eschans, de Survilliers, écuyer, (d’accord avec Pernelle, sa femme,) de cent trente-six arpents de bois, dit le Chenay, entre Orry et la Chapelle-en-Serval, mouvant du fief qu’il tenait 'nu à nu' de l’évêque de Senlis, et vendus au chapitre de Notre-Dame par Renaud Clignet, écuyer, et Ameline, sa femme^[a].

Auteur: le garde de la prévôté de Senlis

Sceau: autrefois scellé sur double queue de parchemin, qui a elle-même disparu

Bénéficiaire: chapitre cathédral de Senlis

Rédacteur: ##

Scribe: ######

Support: Parchemin réglé et margé à gauche à la pointe sèche

Lieu de conservation: AD Oise G2258; Chapitre cathédral de Senlis, dossier La Chapelle

Verso: Mentions dorsales du XIIIe siècle: "Letre de Jehan lez champs de Seurviller, qui admortit les boys de VIXXXVI arpenz dit le Chenay, tenu de luy. [Et plus bas:] "Admortisatio nemorum nostrorum dictorum" le Chenoy"

1 Goifroiz diz dou Caillou , garde de la prevosté de Sanliz , 2 a touz ceus qui ces presentes lettres verront et orront , salut en Nostre \2 Seignor . 3 Nous fesons a savoir a touz que par devant nous vintrent Jehans diz les Chans , de Sorvillers , escuiers , et damo\3iselle Perronelle , sa fame , 4 et requenurent de leur bon gré que la vente que Renauz diz Clignéz , escuiers , et damoise\4lle Ameline , sa fame , avoient faite a homes honorables et sages au dean et au chapitre de Nostre Dame de Sanliz , \5 en nom d’eus et de leur eglisse , 5 de sis vinz et saize arpenz de bois que l’en apelle le Chanoy , asis entre \6 Oiri ^[1] et la Chapelle , qui muevent du fié dou devant dit Jehan , si quant il disoit , par l’asentement de sa fame , \7 loét et approvoit . 6 Et , du consentement de celle devandite fame , li devanz diz Jehans vost et otroia par devant \8 nous que ^[2] et li chapitres , en nom d’eus et de leur eglisse , tenissent le devant dit bois en main morte , sanz \9 contraignement de vendre ne de metre hors de leurs mains . 7 Ensurquetout li devant diz Jehans reque\10nut que ce fié , dont cil bois mouvoit , qu’i le tenoit de mon seignor l’evesque de Sanliz nu a nu , 8 et \11 promist par devant nous li devanz diz Jehans qu’il feroit estable que cil bois mouvoit du fié l’evesque \12 de Sanliz . 9 Et se aucuns venoit avant , qui riens i voussist clamer par quoy li deans et li chapitres \13 et le glisse de Sanliz cheïssent en demache , 10 il promest par devant nous le dean , le chapitre et l’eglisse \14 a garder de touz demaches et a deffendre et a garder contre touz , sauf le droit de ceus qui \15 devront retraire . 11 Et , pour toutes ces devant dites choses fermement garder et a emplir , li devanz diz Jehans \16 et la devant dite Perronelle , sa fame , en obligent eus et leurs hoirs et touz ceus qui tenront leurs \17 biens , et touz leurs biens muebles et non muebles , presenz et a avenir , en quecumque liu qu’il soient \18 et pourroient estre trouvé . 12 En tesmoing de la quele chose et a la requeste du devant dit Jehan \19 et de sa fame , nous avons mis nostre seel en ces presentes leitres ^[3] . 13 Ce fu fait en l’an de grace \20 mil et deus cenz et suessante saize , ou mois de fevrier .

Notes de fiche
^[a] Cf. CB 1964, 161, note 1.

Notes de transcription
^[1] On ne peut lire "Orri" : les deux i sont accentués .
^[2] Le scribe a omis "li deans" .
^[3] L ' "i" est accentué .