Téléchargement du document

Documents linguistiques galloromans
Corpus : (chOise)
Responsable du corpus : -
Édition de la charte : -

ChOise129

1276 (n.st.), mars

Type de document: charte: vente

Objet: Avec l'assentiment de Jean, son fils aîné, Guy de Porquéricourt chevalier vend à l'abbaye d'Ourscamp son bois de Fay, mis en fief en censive par l'évêque de Noyon et contenant environ sept muiées, dont le prix (cinquante livres parisis par muiée, soit environ trois cent cinquante livres parisis) servira à acquitter les frais de son voyage outre-mer.^[a]

Auteur: Guy de Porquéricourt chevalier

Disposant: auteur

Sceau: scellé sur flots de soie rouge et verte; sceau de cire brune, rond, dans le champ duquel est un écu à dix losanges posés 3, 3, 3, 1, brisé en chef d'un lambel à quatre pendants; légende fragmentaire (cf. CB 1964, 153, note 5)

Bénéficiaire: abbaye d'Ourscamp

Autres Acteurs: Jean, fils aîné de Guy de Porquéricourt

Rédacteur: ##

Scribe: ######

Support: Parchemin (ca. 310x315, repli: 25) réglé et margé à gauche, à la mine brune

Lieu de conservation: AD Oise H4231, HS705; Ourscamp, dossier Porquéricourt

Édition antérieure: #####

Commentaire: très picard!

Verso: Mention dorsale de la fin du XIIIe siècle: en latin##

1 Je , Wis de Porkerincort chevaliers fas savoir à tous chiaus qui ches lettres verront 2 que , comme je fusse carchiés de grans detes et par forche \2 me couvenist faire pourveanche par coi je me peusse acuitier du voiage d ' outremer , dont je estoie croisiés , ne n ' avoie dont je peusse che faire sans terre \3 vendre , 3 je rewardai entre mes choses le mains damageuse à vendre qui à che faire me peust souffire , ch ' est assavoir sept moies de bos ou là entour , \4 4 seans en une pieche ou terooir de Porkerincort , lequel bos on apele Fay , tenant as terres de l ' eglise d ' Oscans au dosté par devers Porkerincort et as \5 terres de cele meisme eglise au coron par devers les loges d ' Oscans , 5 et au costé par devers Oresmuis tenant as terres qui sunt de le tenanche et du demaine \6 les hoirs Hanebert de Sarmaises qui fu , et au coron par devers Synsoi tenant as parties de bos les houmes de Porkerincort ; 6 et , pour che que je le \7 peusse mieus vendre et metre en morte main pour plus avoir de deniers , 7 je pourcachai envers monseigneur le vesque de Noion , de cui je tenoie che \8 bos devant dit aveuc men autre fief que je tieng de lui , 8 et fis tant pour lui , et lui dounai de men propre iretage , qui mieus li puet valoir à tous \9 jours à lui et à ses successeurs 9 que quanconques leur peust avenir à tous jours de che bos devant noumé , que il voult et grea que je de che bos \10 fesisse men preu et me volené tout entierement ; 10 et pour che que je avenisse mieus à m ' entencion , il me mist le bos devant dit tout hors du fief et \11 le me mist à chens de deus souls de parisis à paiier à lui et à ses successeurs chascun an , 11 et par tant il m ' otroia que je peusse che bos vendre où# je vou\12sisse , fust à morte main ou ailleurs , là où je peusse mieus ; 12 et me premist que il l ' otroieroit et greeroit , comme sires , à cui que je le vendisse . 13 Quant ches \13 choses furent ainsi faites , je fis savoit as houmes religieus l ' abbé et le couvent de l ' eglise me dame Sainte Marie d ' Oscans , qui la pres marchissent \14 à mi , que je voloie le bos devant noumé vendre ; 14 et tant en parlames ensamble que je , par conseil de bone gent , en faisant men preu leur vendi à tous \15 jours entierement tout che bos devant dit , et le fons et le despueille , si comme il se comporte en lonc et en lé , entre les terres devant noumees , et si com \16me les bounes qui i sunt mises le demoustrent ; 15 ne rien n ' i ai retenu , ains leur ai tout livré franc , quite et delivre de tous useurs , d ' enwagemens , \17 de serviches , de chens , de rentes et de toutes autres redevanches , fors de deus souls de parisis de chens redevaules chascun an à le vesque de Noion , que \18 que il soit , à paiier à le Saint Remi , en le chité de Noion ; 16 et avoec tout che , je leur ai douné et cessé tout le droit et toutes les actions que je avoie ou pooie avoir \19 en tout le bos devant noumé et pour le raison et pour l ' ocoison de lui , 17 et ainsi les en ai je fait ravestir par monseigneur le vesque de Noion , qui le ven\20dage a greé et confermé par ses lettres et sen seel ; ^[1] 18 et che vendage ai je fait par raisnable pris , ch ' est assavoir pour chiunquante livres de parisis \21 pour chascune moie de bos devant dit , 19 de tant comme on i trouvera par mesure et à l ' avenant mains ou plus de deniers , se plus ou mains trouvoit on en \22 che bos à le mesure ; 20 et de tous les deniers de che vendage me tieng je apaiiés comme chil qui les ai recheus de l ' abbé et du couvent devant dis en deniers \23 sés , et les ai mis en men pourfit et en le pourveanche de men voiage ; 21 et tout che vendage et ches couvenanches , si comme eles sunt escrites par deseure , je leur \24 ai premis par le foi de men cors et par le sairement que je leur ai fait à tenir et à warder entierement , 22 et pramet que des ore en avant par mi ne par autrui \25 ne ferai ne ne pourcacherai , par coi li devant dit abbes et li couvens ne puissent che bos tenir en pais et esploitier en toutes guises comme le leur ; 23 et loial warandise \26 leur porterai contre tous chiaus qui à loi et à droit en vourroient venir ; 24 et renonche espresseement à toutes bares , à toutes excepcions et à toutes lettres et tous \27 privileges de crois ou d ' autre benefice de droit , de usage ou de coustume , 25 dont je me porroie aidier en quel guise que che fust encontre le vendage et les couvenan\28ches deseure dites ; 26 et meesmement à le bare que je ne puisse dire que je n ' aie esté paiiés entierement du pris du bos devant noumé ; 27 et à toutes ches choses \29 oblige je moi et mes oirs et mes successeur quel que il soient à tous jours ; 28 et che vendage et ches couvenanches , si comme eles sunt deseure devisees , a Jehans , \30 mes fius ainsnés , otroiié et greé et mis sen assentement , tout ne fust il mestiers par coustume du pai#s , 29 et premist par le foi de sen cors que encontre ches choses il \31 ne venra des ore en avant en nule maniere . 30 En tesmoignage et en seurté de laquel chose , je , Wis devant noumés , ai ches presentes terres ^[2] seelees de men propre \32 seel et baillies as devant dis religieus en l ' an de l ' incarnacion nostre Seigneur mil deus chens soissante et quinze , ou mois de mars . ^[3]

Notes de fiche
^[a] L'acte fut aussitôt vidimé et confirmé par Guy évêque de Noyon (mars 1276, n.st.); cf. AD Oise H4231 et CB 1964, 153, note 2.

Notes de transcription
^[1] Cf . supra.
^[2] ### ???
^[3] Quatre tirets longs marquent la fin .