Téléchargement du document

Documents linguistiques galloromans
Corpus : (chOise)
Responsable du corpus : -
Édition de la charte : -

ChOise084

1268 (n.st.), janvier

Type de document: charte: échange

Objet: Echange conclu entre Bernard de Moreuil, écuyer, et le chapitre de Noyon, d’une terre et de bâtiments sis à Watompré, à tenir en mainmorte par ledit chapitre, contre un pré sis à Ugny[-le-Gay] mis en compensation par Bernard dans le fief qu’il tient de l’évêque de Noyon, — avec confirmation de ce dernier.

Auteur: auteurs successifs: Bernard de Moreuil écuyer, évêque de Noyon

Sceau: autrefois scellé de deux sceaux pendant chacun sur double queue, dont celle de gauche seule subsiste avec un fragment du sceau de cire brune, en amande, qui laisse voir les draperies de la chasuble épiscopale

Bénéficiaire: chapitre de Noyon

Rédacteur: ##

Scribe: ######

Support: Parchemin réglé et margé à gauche et à droite, à la mine de plomb

Lieu de conservation: AD Oise G1937; Chapitre cathédral de Noyon, dossier Watomprez

Verso: Mention dorsale du XIIIe siècle "De quadam permutatione facta de quibusdam terris et possessionibus sitis versus Wignies ad quasdam terras et possessiones sitas apud Watonpré"^[a]

1 A tous chiaus qui ces lettres verront et orront , je Bernars de Morueill , escuiers , salut en Nostre Seingneur . 2 Sachent tout que \2 je tele droiture , haute et basse seingnourie quele que ele soit , chens , rentes et autres choses que je avoie ne avoir pooie en chiunc \3 sestrelees de terre et trente et quatre verges , peu plus peu mains , qui sieent el liu que on dist Wateron Pré , entre le bos l’abé d’Arrouaise \4 et la Nueve Vile en Bainne , et es edefices qui fait i sunt ou fait seront , qui furent Gilon Hermen et ses parchonniers Henri le Faucon \5nier et ses fillastres , que on tenoit de moi , 3 les queles Nicholes , archedyacres de Noion , tient , et a fait edefices , gardins , praiaus et au\6tres choses , quite et otroi al archedyacre , au doien et au chapitre de Noion , et voeil et otroi que eles soient en main morte . 4 Et en restor \7 et en recompensation de ces choses , li doiens et li chapitres devant dit m’ont doné et otroié tele droiture , justice haute et basse , seing\8nourie quele que ele soit , chens , rentes et autres choses que il avoient el pré Bauduin de Wingnies et Adan Boissart , el terroir de Wing\9nies , tenant a la terre du Bruille . 5 Et ce pré , le quel li doiens et li chapitres devant dit m’ont doné , je mech el fief mon seingneur \10 l’evesque de Noion , ensi comme les choses devant dites , les queles je ai quitiés al archedyacre , au doien et au chapitre devant dis , \11 i estoient . 6 Et toutes ces choses devant dites premet je par ma foi loiaument a tenir et a warder et que je encontre ne venrai \12 par moi ne par autrui , ne art ne engien ne barat ne querrai ne querre ferai el grief le doien et le chapitre devant dis . \13 Et pour ce que ce soit ferme chose et estable a tous jours , je ai ces presentes lettres seelees de men propre seel . 7 Et nous , \14 Wermons , evesques de Noion par le grace de Dieu , volons et otroions que li doiens et li chapitres devant dit des ore en avant \15 tiengnent et aient franchement en main morte la terre et les edefices devant dis , et retenons autele droiture el pré devant \16 dit que nous aviemes en la terre et es edefices devant dis . 8 Et pour ce que ce soit ferme chose et estable a tous jours , et en confer\17mement de toutes ces choses devant dites , nous avons pendu no seel a ces presentes lettres aveuc le seel du devant dit \18 Bernart . 9 Ce fu fait en l’an del incarnation Nostre Seingneur mil deus chens soissante et set , el moys de jenvier .

Notes de fiche
^[a] Avant cette mention, on en lit une autre qui se rapporte en réalité à l'acte de décembre 1263 publié ci-dessus, CB059.