Téléchargement du document

Documents linguistiques galloromans
Corpus : (chOise)
Responsable du corpus : -
Édition de la charte : -

ChOise075

1264, décembre

Type de document: charte: vente

Objet: Vente par Eustachie dame de Genvry, femme de Jean seigneur de Coudun, à l'abbaye de Saint-Eloi de Noyon, de dix setiers de terre à Moraulieu et d'une aulnaie près de Crisolles, tenus en fief du châtelain de Noyon, - pour le prix de deux cents livres parisis; avec l'assentiment de son mari et les confirmations du châtelain Gaucher et de l'évêque Vermond, agissant respectivement comme 'sire' et comme 'chef sire': les biens vendus étant 'mis hors de fief', aux mêmes conditions que les terres possédées par l'abbaye de Saint-Eloi en l'avouerie de Crisolles.

Auteur: auteurs successifs: Eustachie dame de Genvry; Jean seigneur de Coudun, son mari; Gaucher châtelain de Noyon et Thourotte; Vermond évêque de Noyon

Disposant: Eustachie dame de Genvry#####

Sceau: autrefois scellé de quatre sceaux pendant sur cordonnets de lin (?); seuls subsistent les cordonnets vieux rose de gauche et de droite

Bénéficiaire: abbaye de Saint-Eloi de Noyon

Rédacteur: ##

Scribe: ######

Support: Parchemin (ca. 342x383, repli: 22), réglé et margé à la mine de plomb

Lieu de conservation: AD Oise H2037, n° 2; Saint-Eloi de Noyon, dossier Crisolles

Verso: Mention dorsale du XIIIe siècle: "Carta de alneto de Genveri"

1 Jou , Wistasse dame de Genveri , fame mon seigneur Jehan seigneur de Coudun , fas savoir à tous chiaus qi ches letres verront 2 qe jou , pour le coumun pourfit de moi et de \2 mon baron devant dit , et pour damage aparant eskiver , ai vendu et ballié par le seigneur hiretaulement à tous jours à l ' eglize mon seigneur saint Eloy de Noion 3 dis sestrelees \3 de tere , peu plus ou peu mains , qe jou avoie de mon hyretage pres de Kerisoles , 4 en un lieu qe on apele Moraulieu , deseure le couture de l ' eglize qe on apele l ' Angle Augier ,/· 5 et \4 un aunoi qe jou avoie sour le riviere de le Verse , tenant au coron desseure deu vivier de le dite eglize à Buchi ;/· 6 et si s ' estent chieus aunois en un des sens dusqes as aunois \5 des communités par devers Buchi ,/· 7 et en l ' autre sens dusqes as pastures qi sont entre les terres ahanaules par devers Kerisoles et chel aunoy ,/· 8 et au coron par desseure dus\6qes as aunois qe on apele les Ullis ;/· 9 et ainsi lor ai jou livré chel aunoy devisé et esbonné de bounes certaines , qi i sont mises ;/· 10 et est à§savoir 11 qe , pour chou qe chil aunois et \7 le tere vendue desseure noumee estoient de mon fief qe je tieng du chastelain de Noion ,/· 12 jou ai fait et pourcachié envers le dit chastelain qe il a ches choses mises hors de fief \8 et greé et confermé le marchié ,/· 13 et otroié qe l ' eglize le tingne en mortemain à tous jours fra(n)chement ^[1] et delivrement ;/· 14 et ches choses vendues ai je livrees à le dite eglize fran\9kes et delivres de tous fais , de toutes redevanches et de toutes droitures et de toutes aiesanches de moi et de autrui ,/· 15 fors qe de tant q ' eles demoerront tant comme au chastelain \10 de Noion monte en autele condiction comme les autres choses qi sont de l ' avouerie de Kerisoles ;/· 16 et est encore à§savoir 17 qe la dite eglize par li et par ses gens porra le dit aunoy \11 warder · et vendre et esrachier et metre en vivier ou en pré et faire son pourfit , ou de tout ou de partie , en quele maniere et toutes les fois qe ele vourra ;/· 18 et aura le devant \12 dite eglize aaisement es pastures de son aunoy metre et manouvrer , car ainsi li avoie jou , et usé l ' avoie , et mi anchisseur aussi ./· 19 Ches choses vendues ai je livrees à le devant \13 dite eglize à toute le droiture et à toute le segnourie qe jou i avoie , ne rien n ' i ai retenu , ne peskerie ne autre droiture , ne eu cours de le Verse puis l ' escluse de Buchi en amont . \14 20 Tous che vendage et ches couvenanches ai je fait bien et loiaument par rainnaule pris , ch ' est à§savoir pour deus chens lib . de parisis ;/· 21 et toutes ches choses ai je faites de mon \15 gré et de me volenté , sans contraingnement et sans dechevanche , 22 par l ' assentement et par l ' auctorité mon segneur Jehan , mon baron devant dit , qi à toutes ches choses a \16 esté presens · et qi les a grees# et otroyes pour son pourfot et pour le mien ;/· 23 et je , Jehans sires de Coudun devant dis , maris à le dite Wistasse , fas savoir à tous chiaus qi \17 ches letres verront 24 qe li vendages et les couvenanches qi chi desseure sont escrites , tout en le maniere qe eles i sont espressees ,/· sont vraies et sont faites par mon assens \18 et par mon auctorité ;/· 25 et le les gré et si les lo , et cuite à tous jours à le dite eglize quanqe jou avoie ou pooie avoir es choses vendues devant dites ,/· 26 et riens n ' i ai retenu en nule \19 guise , comme chieus qi toutes ches choses ai aidié et pourcachié à faire ;/· 27 et nous , Wistasse et Jehans devant dit , reconnissons par ches presentes letres qe la dite eglize nous a \20 paié , en deniers sés , les deus chens lib . de parisis de che vendage , et les avons mis en nostre pourfit apparant ;/· 28 et proumetons qe jamais encontre che vendage ne venrons en nule \21 guise , 29 ne en plait ne hors plait n ' en travellerons l ' eglize , ne ne ferons ne ne pourcacherons chose par coi ele ne puist tenir en pais ches choses vendues ;/· 30 et leur proumetons à porter \22 loial warandize , as us et as coustumes deu pays ;/· 31 et renonchons à chu qe nous ne puissons mie dire qe nous ne soiesmes paié ,/· 32 et à toutes coustumes et tous usages generaus \23 et especiaus , 33 et à toutes bares et toutes ayeues de droit et de fait qi aidier nous porroient et l ' eglize grever ;/· 34 et à toutes ches choses à warder à tous jours nous nous sommes obli\24gié par no fianche ,/· et oblijons nos biens et nos hoirs ,/· 35 et prions nostre seigneur le chastelain qe il ches choses conferme et doinst ses letres à l ' eglize , 36 comme chil qi demourons en son \25 houmage de tout le remanant deu fief , qi bons est et souffisans à son entier servige ./· 37 En tesmoingnage et en seurté de toutes ches choses · nous avons ches presentes letres seelees \26 de nos seaus et baillies à le dite eglize ./· 38 En l ' an de l ' incarnation nostre Segneur Jhesucrist · mil · et deus chens · et soissante quatre ,/· eu mois de decembre ;/· ^[2] \27 39 et jou , Gouchiers chastelains de Noion et de Therote , fas savoir à tous chiaus qi ches letres verront 40 qe jou , à le requeste le dame de Genveri et le seigneur de Coudun desseure \28 noumés , 41 et pour l ' especial devotion qe jou ai à l ' eglize mon seigneur saint Eloy de Noion ,/· 42 veues et entendues les couvenanches qi chi desseure sont escrites , 43 et le petite value des \29 choses vendues et par moi baillies , et le grant souffisanche de che qi demeure en mon fief ,/· 44 ai les dites choses vendues mises hors de mon fief ,/· et quité quanqe jou avoie ou \30 pooie avoir es devant dites choses vendues , 45 ne riens n ' i ai retenu , fors qe tant qe ches choses demourront en autele condiction comme les autres propres choses qe l ' eglize a en \31 m ' avouerie de Kerisoles ;/· 46 et en cheste fourme vuell jou et conferme le marchié devant dit , 47 et otroi pour Dieu en aumosne à le dite eglize qe ele tingne à tous jours les dites \32 choses vendues , quites et frankes de toutes autres choses ;/· 48 et proumet qe je n ' en venrai encontre et le ferai tenir comme sires ;/· 49 et proi mon segneur l ' evesque de Noion , de cui \33 fief che muet ,/· qe il i fache s ' ausmosne et se courtoisie avuec la moie et le vuelle confremer comme chiés sires ./· 50 En tesmoignage et en seurté de toutes ches choses ,/· jou ai mon \34 seel pendu à ches letres presentes , avuec les seaus me dame Wistasse et mon seigneur Jehan desseure noumés ./· 51 Che fu ^[3] en l ' an de l ' incarnation noste Seigneur mil et deus chens · \35 et soissante · quatre , eu mois de decembre ;/· ^[4] \36 52 et nous , Wermons , par le grace de Dieu evesques de Noion , faisons savoir à tous chiaus qi verront ches letres 53 qe nous avons veu diliganment toutes les choses qi sont \37 escrites en ches presentes letres par chi desseure ;/· 54 et pour le priere mon seigneur Gauchier chastelain de Noion , nostre houme , 55 et especialment pour le grant devotion et pour \38 l ' especial amour qe nous avons à l ' eglize mon seigneur saint Eloy ,/· 56 le vendage qe le dame de Genveri et me sire Jehans de Coudun , ses barons , ont fait à le dite eglize , \39 et le confermement mon seigneur Gauchier , en le maniere et en le fourme qi sont desseure escrites ,/· 57 nous le volons et greons et confermons à tous jours , comme chiés sires ,/· \40 de cui fief ches choses muevent ./· 58 En tesmoignage et en seurté en confermement de toutes ches choses , nous avons nostre seel mis à ches presentes letres , avuec les seaus \41 le dame de Genvri et monseigneur Jehan , son baron ,/· et mon seigneur Gauchier ./· 59 Che fu fait en l ' an de l ' incarnation nostre Seigneur mil et deus chens et soissante quatre , eu mois \42 de decembre . ^[5]

Notes de transcription
^[1] Sic! Sans barre nasale# ni n.
^[2] Des enjolivures# remplissent la ligne .
^[3] Sic!
^[4] Des enjolivures remplissent la ligne .
^[5] Des enjolivures remplissent la ligne .