Téléchargement du document

Documents linguistiques galloromans
Corpus : (chOise)
Responsable du corpus : -
Édition de la charte : -

ChOise070

1264, juillet

Type de document: charte: confirmation

Objet: Confirmation par Mathieu d'Ollezy chevalier de la vente précédente (cf. CB068), les biens acquis par l'abbaye de Saint-Barthélemy de Noyon devant être tenus en main morte et acquitter##??## un cens annuel de cinq sous parisis, remis par ledit chevalier dans le fief qu'il tient de Guy Candavaine chevalier.

Auteur: Mathieu d'Ollezy chevalier

Disposant: Ansoud chevalier seigneur de Ronquerolles##

Sceau: autrefois scellé sur lacs ou cordonnets passant par deux paires de trous percés dans le repli de parchemin

Bénéficiaire: abbaye de Saint-Barthélemy de Noyon

Autres Acteurs: Guy Candavaine chevalier##

Rédacteur: ##

Scribe: ######

Support: Parchemin (ca. 261x270, repli: 26) réglé et margé à gauche et à droite, à la mine de plomb

Lieu de conservation: AD Oise H451; Saint-Barthélemy de Noyon, dossier Breuil

Verso: Mentions dorsales du XIIIe siècle: "Littere domini Mathei d'Olesi militis, super .xxxiii. jorn. et dimid. terre et tribus ostisiis emptis a nobis ^[a] a domino Ansoldo de Ronkeroles milite"; "Bruel .//.cc.//.xxx.//."

1 Jou , Maihius d ' Olesi chevaliers fas savoir à tous chiaus ki ches presentes lettres verront 2 ke , comme me sire Ansous sires \2 de Ronkeroles , mes hom , ait vendu as homes religieus l ' abé et le couvent de Saint Bertremill de Noion trente et trois jorneus \3 et demi de terre arable ,/· ou peu plus ou peu mains , au jornel et à le mesure de Neele , 3 ki siet ou terroir de Brueill delés \4 Neele , es lius chi aprés noumés ,/· ch ' est assavoir : 4 ou champ à la voie maunereche · douse jorneus · ou peu plus · ou peu \5 mains ;/· 5 à le Croisete trois quarterons , trois verges mains ;/· 6 tenant au champ Saint Maart chinc quarterons , chinc ver\6ges mains ;/· 7 à le couture de Marregni set journeus ,/· peu plus ou peu mains ;/· 8 ou champ à le Sauchinee set jorneus \7 et demi , sis verges mains ;/· 9 tenant au champ le Daule trois jorneus ;/· 10 à le voie de Kikeri soissante et chinc verges ;/· \8 11 seur le sauchoi de Toutvoie un jornel , quatre verges mains ;/· 12 à l ' ourmel de Brueill soissante et trois verges ;/· 13 et trois \9 ostises qu ' il avoit à Brueill , 14 des queus ostises Willaumes li Niés en tient une ,/· Wautiers Vilains en tient l ' autre ,/· Ysabiaus \10 Grimette en tient la tierche ,/· 15 et toutes les apartenanches de ches trois ostises , en quelconque chose che soit ;/· 16 et briement \11 toutes les choses et toutes les droitures k ' il avoit · et devoit · et pooit avoir à Brueill et en tout le terroir de Brueill , \12 en quelconque maniere che fust ;/· 17 les queus choses li devant dis Ansous tenoit de moi en fief ,/· et le quel fief je tenoie \13 avoec autres choses de mon segneur Guion Champ d ' avaine chevalier ./· 18 Je , Maihius , comme sires , che vendage vuel ,/· gré ,/· \14 et lo et aprueve 19 et mech toutes ches choses devant dites d ' ore en avant hors de men fief , 20 par l ' assens et par le volenté le \15 devant dit Guion , mon seigneur ;/· 21 et vuell et otroi ke li devant dis abbes et couvens tiegnent d ' ore en avant en main \16 morte les devant dites terres et ostises , 22 et toutes les autres choses ke chil Ansous a vendu as devant dis abbé et \17 couvent , 23 quitement et paisiblement , sans nul servige rendant , ne à mi ne à mes oirs d ' ore en avant , parmi chinc \18 sous de paresis de chens ; 24 le quel chens je remech ou fief le devant dit mon segneur Guion ou liu des devant dites \19 choses vendues ,/· 25 le quel chens li devant dis abbes et couvens sunt tenu d ' ore en avant à tous jours à rendre à mi et à \20 mes oirs à Brueill delés Neele , chascun an à le feste saint Remi , ou chief d ' octembre ;/· 26 et se li devant dit abbes et couvens \21 defaloient en aucun tans ou paiement de che chens ,/· 27 je et mi oir pour le defaute dou paiement en porriens prendre \22 l ' amende , se nos voliens , selonc les us et les coustumes dou liu ;/· 28 et premech je , Maihius chevaliers , ke je d ' ore en avant \23 seur ches choses devant dites vendues · les devant dis abbé et couvent ne travellerai ne travellier ferai par mi ne par \24 autrui , 29 se n ' estoit pour le chens k ' il ne fust paiés au terme ,/· 30 sauf che ke je retieng , en ches choses devant dites vendues ,/· \25 le haute justiche ,/· ch ' est assavoir : rat ,/· moultre ,/· larron ,/· arsin · et l ' estraier , sans plus ;/· 31 et premech ke je , d ' ore en avant , \26 porterai as devant dis abbé et couvent loial garandise à tous jours · seur toutes ches choses devant dites , 32 envers tous \27 chiaus ki à droit et à loi en vauroient venir en me court , as us et as coustumes dou pai#s ;/· 33 et à toutes ches choses à te\28nir fermement · oblige jou mi et mes oirs ;/· 34 et pour chou ke che soit ferme chose et estable à tous jours ,/· je ai ches \29 presentes lettres seelees de mon seel ./· 35 Che fu fait en l ' an del incarnation nostre Seigneur · mil deus chens et \30 soissante quatre ans ,/· el mois de juill .

Notes de fiche
^[a] "A nob(is)" est suscrit en interligne.