Téléchargement du document

Documents linguistiques galloromans
Corpus : (chOise)
Responsable du corpus : -
Édition de la charte : -

ChOise050

1261 (n.st.), 26 janvier

Type de document: charte: vidimus de la charte précédente et confirmation

Objet: Vidimus de la charte précédente et confirmation par Guillaume Patte d'oie, écuyer, seigneur du Plessis, de la rente ainsi vendue, qui sera tenue 'franchement' par l'abbaye de Prémontré, - réserve faite du cens de deux derniers que lui rendra le 'maître' de Bonneuil, à la Saint-Remi.

Auteur: Guillaume Patte d'oie seigneur du Plessis

Sceau: autrefois scellé sur double queue de parchemin

Bénéficiaire: abbaye de Prémontré

Rédacteur: ##

Scribe: ######

Support: Parchemin

Lieu de conservation: AD Oise H6012; Prémontré, dossier Bonneuil

Verso: Mentions dorsales du XIIIe siècle: "De .II. modiis de blé que nous avons aquis a Bonuel amortisandis"

1 Je Willaumes Pate d’oue , escuiers , sires du Plaissié , fas connute chose a tous chiaus qi ches presentes letres verront 2 qe je les letres Perron de Maigni , de la Mote , fill \2 mon segneur Jehan de Maigni , chevalier , mon tenant en censel , saines et entieres et sans nul visce et sans nule abolicion et sans cancellacion , seeles de sen seel , \3 ai veues et eswardees en tel fourme . 3 Je Pierres de Maigni , de la Mote , escuiers , fius mon segneur Jehan de Maigni , chevalier , fas connute ^[1] chose a tous chiaus \4 qi ches presentes letres verront qe l’eglize de Premoustré me devoit deus muis de blé chascun an a tous jours , a le mesure de Ham , en la court de Bonnuel , \5 qi est de la dite eglize ; 4 les ques deus muis de blé je ai vendus et livrés et cuitiés a tous jours a le ^[2] dite eglize par le pris de trente quatre livres \6 de parisis , les ques deniers chil ^[3] del eglize devant dite m’ont sous et paiés en sés deniers entierement . 5 Et ai proumis a le ^[4] dite eglize par me ^[5] foi corporel \7 a porter loial warandie envers tous des choses devant dites , selonc les us et les coustumes du ^[6] païs ; 6 et renons al exception et al aie de mounoie \8 non sousse , non paie , non nombree . A toutes ches choses tenir et warandir fermement ai je obligié moi et mes hoirs et tous mes successeurs en\9vers la dite eglize . 7 El tesmoignage de la quel chose , je ai seelees ches presentes letres de men seel et les ai baillies et livrees a le dite eglize \10 . Che fu fait el an del incarnation Nostre Segneur mil dus ^[7] cens et soissante , le merkedi devant le Chandelier . 8 Et je , comme sires de cui il te\11noit en censive che blé devant dit , ai loé et aprouvé et confermé toutes les choses qe Pierres devant dis a vendues et qi sont contenues es \12 dites letres , sauf che qe li maistres de Bonnuel me rendra chascun an deus deniers parisis de cens a le feste saint Remi , sans loi et sans nule autre \13 action . 9 Et ai otrié a le dite eglize qe ele tingne frankement et hiretaulement a tous jours toutes les choses qe Pierres devant dis a vendu \14 a la dite eglize , de coi ses dites letres parolent . 10 El tesmoignage de la quel chose , je ai seelees ches presentes letres de mon seel et les ai livre\15es et baillies a la dite eglize . 11 Che fu fait el an del incarnation Nostre Segneur mil deus cens et soissante , el mois de jenvier , le merkedi de\16vant le Chandelier .

Notes de transcription
^[1] Sic. Variantes apportées par le vidimusau texte de CB049 .
^[2] Sic. Variantes apportées par le vidimusau texte de CB049 .
^[3] Sic. Variantes apportées par le vidimusau texte de CB049 .
^[4] Sic. Variantes apportées par le vidimusau texte de CB049 .
^[5] Sic. Variantes apportées par le vidimusau texte de CB049 .
^[6] Sic. Variantes apportées par le vidimusau texte de CB049 .
^[7] Sic. Variantes apportées par le vidimusau texte de CB049 .