Téléchargement du document

Documents linguistiques galloromans
Corpus : (chOise)
Responsable du corpus : -
Édition de la charte : -

ChOise006

1249, 20 mai

Type de document: charte: sentence arbitrale

Objet: Sentence arbitrale rendue par Renaud, seigneur de Tricot, 'chevalier le roi', et Geoffroi de la Chapelle, panetier de France, dans une série de sept différends entre l’évêque et la commune de Senlis, au sujet des francs hôtes de l’évêque à Villemétrie (§§ 1, 4), des censives de l’évêque possédées par des jurés de la commune (§§ 2, 3, 6, 7), et d’une tournelle édifiée par le maire sur la terre de l’évêque, sans son autorisation (§ 5).

Auteur: auteurs conjoints: Renaud seigneur de Tricot chevalier le roi et Geoffroi de la Chapelle panetier de France

Disposant: auteurs

Sceau: autrefois scellé de deux sceaux pendant sur doubles queues de parchemin qui ont elles-mêmes disparu; autre incision simple dans le repli

Rédacteur: ##

Scribe: ######

Support: Parchemin

Lieu de conservation: AD Oise G648; Evêché de Senlis, dossier Villemétrie

Commentaire:

Verso: Mention dorsale, milieu du XIIIe siècle: "Dictum domini Renaudi de Triecoc, militis, et Gaufridi de Capella, pro episcopo Silvan contra communiam Silvan"

1 Je Renaus , sires de Triecoc , chevaliers le roi , et je Joifroiz diz de la Chapele , panetiers de France , à toutz cex qui cest escrist verront saluz . 2 Nos vos feisons \2 a savoir que , comme contenz fust entre le vesque de Senliz , d’une part , et le maieur et les juréz de la quemune de Senliz , de l’autre part , seur divers articles ci desouz \3 noméz , il s’en mistrent en nous ; 3 c’est a savoir : Prumierement seur ce que li maires et li juré de la quemune de Senliz ont tallié . ii . ostes le vesque , en sa franche \4 ostise , a Vilemeintrie , qui fu mon segneur Joifroi et ma dame Ysabel de Vilemeintrie , dont li evesques se plaingnot . 4 Et nous disons en tel maniere que , puis\5qu’il ne sont leur juré , il n’es puent tallier porce qu’i sont manant en la franche ostise qui fu mon segneur Joifroi et ma dame Ysabel devant nommé . \6 5 De rechief seur ce que , quant li evesques balle ses terres a cens au juréz de la quemune , ou il a la joustise , que li meires et li juré voloient metre meissier , pour \7 garder leur biens , si comme il disoient . 6 De ce disons nos que il n’i puent metre meissier , meis bien loist a chascun garder ses biens en tel maniere \8 que , se forfaiz i estoient , il doivent estre amené au commandement le vesque ^[1] , et doit avoir l’amende , et doit feire rendre le damage au juré . 7 De \9 rechief seur ce que li meires et li juré voloient metre seurcenz en la terre le vesque sanz son congié , et aucune foiz li metoient il en sanblance d’achat por \10 ce que il ne li osoient metre apertement , 8 c’est a savoir quant il vendoient seurcenz seur une meison qui mouvoit de le vesque , il feisoient entendant a son \11 balli qu’il vendoient la meison , et requeroit li venderres desseisine et li acheterres seisine comme de vente , et quant li venderres estoit desseisiz et li \12 acheterres seisiz , icil devant diz acheterres rendoit au vendeur pour couvrir son fait la devant dite meison a seurcenz , et rentroit icil venderres \13 en la meison dont il estoit desseisiz , sanz seisine de le vesque et de son commandement . 9 De ceste maniere devant dite disons nous que li seurcenz qui \14 est balliéz par tel decevement ne doit mie valoir ne tenir . 10 De rechief seur ce qu’il pristrent a Senliz le pain a l’oste le vesque , qui maint en \15 sa franche ostise de Vilemeintrie , qui fu mon segneur Joifroi et ma dame Ysabel de Vilemeintrie devant dit , por le minage qu’il voloient avoir \16 double qui estoit achetéz hors de Senliz . 11 De ce disons nous que ausi comme li autre qui ne sont de la quemune usent dou blé acheté hors de Senliz , cil \17 devant diz ostes doit ausi user . 12 De rechief seur ce que li maires et li juré ont fondé une tournele en la terre le vesque sanz son congié . De \18 ce disons nous que la chose doit estre veue et li damages prisiéz , et le doivent li maires et li juré rendre a le vesque . 13 De rechief seur ce que \19 li chapelains le vesque seisi un de leur juréz d’une meison qui mouvoit de le vesque , par tel condition que cil juréz rendroit au devant dit \20 chapelain une somme d’argent que li venderres devoit aus homes le vesque , et reçut cil la seisine par la condition devant dite , et ne vout \21 rendre la devant dite somme au chapelain , pour la deffense le maieur . 14 De ce disons nous que , se la condition puet estre provee , que ele soit \22 tenue . 15 De rechief seur ce que li balliz le vesque semont un juré , manant en la terre le vesque , a respondre par devant li d’icele teneure , \23 pour ses defautes li balliz seisi la teneure et en prist les clez , cil entra seur la seisine le vesque . De ce disons nous que il li doit amender \24 ou escondire que il ne savoit que li evesques en fust seisiz . 16 Et en tesmoig d’icés choses devant dites , nos avons mis nos seaus en \25 cest escrist . Et ci diz fu renduz au Temple , a Paris , present J .//, evesque d’Evreus , et maistre Ode de Saint Deniz . En l’an de \26 l’incarnation Nostre Seigneur mil .CC. et XLVIIII .//, ou mois de mai , le juesdi devant Pentecoste .

Notes de transcription
^[1] Sic. La graphie levesqueest içi très nette de même que ci - après , lignes 17 , 19 , 20 : c ' est , semble - t - il , la forme du cas régime distincte de celle du cas sujet li evesques (l . 4 , 6 , 24) .