Téléchargement du document

Documents linguistiques galloromans
Corpus : chartes de Saône-et-Loire (chSL)
Responsable du corpus : Martin-D. Glessgen
Édition de la charte : Julia Alletsgruber (révision: D. Kihaï)

chSL 079

Août 1319

Type de document: charte: promesse de don

Auteur: Guillaume dit François, écuyer

Sceau: Sceau du duc de Bourgogne

Support: Original parchemin jadis scellé

Lieu de conservation: AD SL H 224, n°16

1 En non de nostre Seignour amen.· 2 En l'an de l'incarnacion d'iceluy. mil. trois cenz. dex et nuef. ou mois de host.·· 3 Nous Guillaumes diz \2 François escuyers,· 4 Parenote sa fenme qui fut fille Anxeaul de Parrier dou Loux, de l'auctorité et dou consentemant dou dit Guillaume mon mari,· 5 et Odoz dou Chasteley es\3cuyers tant en non de moy comme en non de Ysebeaul, Jehannote et Guillaumete mes filles moindres d'aaige que ge hoz de Aaliz Judis ma fenme, qui fut suer de la dicte Parre\4note et fille dou dit Anxeaul, 6 dou consentemant, de l'auctorité et de la velonté de Monseignour Guillaume de Ruelee chevalier 7 dou cuy sic les chouses que nous et les dites filles ha\5vons et tenons en la ville de Parrier et es finages sont et muevent,· 8 façons savoir à touz cels qui verront et orront ces presentes lettres, disons et affermons·· 9 que \6 conme matiere de question ou de descort hahust esté lonc_temps et encour fust entre nous d'une part·· 10 et le priour de Paleaul en non de son prioré d'autre part, \7 sur les excluses et sur les cours de la rivière de Parrier, 11 dois l'escluse que l'on appelle l'escluse dou Crot Brenot qui est dessus le seige dou molin de Parrier entre le dit seige \8 et le bac de la riviere de Muesain, 12 jusques au dessouz des excluses que l'on dit les excluses dou Fraigne;· 13 et dou cours de la dite rivere de toute la justise de nous \9 les diz nobles de Parrier.·· 14 Dou dit descort finaulmant et amiaublemant est ordenez et acordez por bones genz et por prodomes entre nous dessuz diz nobles· 15 et religi\10ouse parsone frere Renaul de Vevex priour dou dit prioré de Paleaul en la meniere et en la forme qui s'anset:·· 16 C'est assavoir que nous li diz nobles de Parrier,· nostres \11 hoirs et li habitanz de Parrier et de Maiserotes ne pouhons ne ne davons por convenance faire ne soffrir faire taisiblemant ou en apert, 17 ou biez de la dite rivere es \12 rives,· es excluses, en la noe qui part dou Crot Brenot, ne autre part en la rivere por toute nostre justise, 18 chouse quelle quelles soit qui empoichoit ou puisse empoichier \13 en tout ou en partie le cours de la dite rivere à venir au melin de Paleaul qui est dou dit prioré.·· 19 Et se por aucun cas avenoit que aucune chouse destorbest ou em\14poichest la dite rivere en tout ou en partie venir ou dit molin.· 20 Li priours dou dit prioré qui por le temps sera le porra toutes les foiz qu'il li plaira aperoillier et redroci\15er.· 21 Item li diz priours qui or est ou qui sera por le temps en non dou dit prioré porra et devra des ores en avant faire la dite excluse dou fraigne,· 22 en-tel meniere que \16 la dite excluse sera faite et livelee por prodommes si-que ele teigne au mois de domaige à nous dessus diz nobles de Parrier et à nos hommes qu'elle porra.·· 23 Et doit faire \17 li diz priours hun deschargeour livelé si-ques toutes foiz que li aigue de la dite rivere suremontera le liveaul que nous porrons hoster le dit deschargeour, 24 en-tel meniere \18 qu'il ne puisse faire domaige ne prejudice à nous ne à nos hommes· 25 se li diz priours ou ses commandemanz ne l'ostoient à la requeste de nous ou de nostre commandemant.· \19 26 Item li diz priours qui or est ou cilz qui sera por le temps porra repanre et raperoillier les dites excluses,· toutes routures et partuis por toute la dite rivere 27 qui ysseront \20 ou vanront de ci en avant por toute nostre justise, 28 et panre terre sur nous ou sur nos hommes por bouchier et rapperoillier les excluses, partuis et routures por le domai\21ge rendant.·· 29 Encour porra li diz priours qui sera por le temps toutes foiz que luy plaira reparer le cours de la dite rivere por toute la justise de nous nobles de Parrier \22 dessus diz ou leu ou elle li feroit domaige,· 30 et getier terre sur les rives deçay et delay· en-tel menere que à nous ne es hommes de Parrier en la dite ville de Parrier il ne puisse \23 faire ne tenir domaige.·· 31 Et por ceste chouse li diz priours qui or est ou qui sera por le temps ne puet ne ne doit demander ou reclamer justise ne soignerie en la justi\24se de nous nobles de Parrier dessus diz.·· 32 Derechief acordez et ordenez est que nous et li hommes de Parrier porrons reparer le terraul ancien qui destant por derriers la \25 maison qui fut Anxeaul de Parrier 33 jusques à la noe dou Fraigne dessouz l'escluse entre la rivere de Bosoise et les prez por recevoir et escorre la sureverse de l'aigue de \26 la dite rivere quant elle fours rivera,· 34 saul tant que por ce nous ne puissiens empoichier ne toillir en tout ou en partie que li cours de la dite rivere ne puisse venir à \27 plain ou dit melin de Paleaul, 35 selon de la dite excluse dou Fraigne en la menere dessus dicte.·· 36 Les quex chouses devant dictes toutes et singuleres por la menere quelles sont \28 devisees, ordenees et acordees, 37 nous li dessus nommez Guillaumes, Parrenote et Odoz, c'est assavoir ge Odoz en non que dessus, sumes tenuz et promettons par ferme stipulacion loiaul et \29 sollempnel por nous et por nos hoirs,· 38 et por nos sairemanz faiz et donez corporelmant surs sains Euvangiles de Deu et sur la expresse obligacion de touz nos biens mobles et non \30 mobles, presenz et à-venir quexqu'il soient, 39 tenir, attendre, enterener, acomplir en tant comme elles nous apartenent et puent toichier et garder fermemant sanz corrumpre et sanz ja\31mais faire dire ne venir en contre.· 40 Et ne ferons, procurerons ou parchacerons que nuls y-veinne dois or en avant, taisiblemant ou en apert.·· 41 Et renonçons de certainne science en \32 cestuy fait por nos ja donez sairemanz à ce que nous ne puissiens dire que il y-hait maul berat, lesion ou decevance, 42 à l'excepcion des dites chouses non ensinc faites, ordenees \33 et acordees,· 43 à toute decepcion, etouvencion et lesion· à condicion sanz cause ou de non juste cause,· 44 à touz privileges, graces et indulgences empetrees et à empetrer,· 45 à toutes \34 costumes et statuz de pais, à tout remede d'appeaul,· 46 et à toutes autres excepcions, raisons, barres et allegacions de droit et de fait qui contre la tenour de ces presentes lettres \35 porroient estre obiciés ou dites,· 47 et au droit qui dit que generaulx renonciacions ne vaut se li especiaul n'est avant mise.·· 48 Et ge Guillaumes de Ruelee chevaliers dessuz diz dou cuy fié \36 les chouses que li diz nobles de Parrier hont et tenent en la ville et es finages movent, 49 ycelles chouses dessus dites toutes et une chascune por soy· san? vuils louhois, octroiois dou \37 tout en tout et confermois en-tant comme il puet touchier ou apartenir à moy por raison de heritaige.· 50 Et à l'acorder et au faire ha esté presenz.· 51 Et promet por mon sairemant \38 doné corporelmant sur sains Euvangiles de Deu et sur l'obligacion de touz mes biens non venir en contre, 52 et ne consentira que autres y-veinne taisiblemant ou en apert.·· 53 Vuillanz \39 et octroianz nous le dessus nommez chevaliers· Guillaumes, Parrenote et Odoz estre controinz à tenir et garder les devant dites chouses toutes et une chascune por soy,· 54 chascun de nous \40 por tant comme il li apartient,· 55 auxi come de chouse adjugié por la court de Monseignour le duc de Borgogne,· 56 à la juridicion dou quel quant à ce nous souz_mettons nous, nos hoirs et \41 touz nos biens. 57 En tesmoignage de la quel chouse nous havons requis et obtenu le seaul de la dite court estre mis en ces presentes lettres.·· 58 C'est fait en la presence de Pierre le Ver\42rer tabellion de Beaune por le dit Monseignour le duc,· 59 de Monseignour Symon de Ruelee chevalier,· maistre Pierre le Gorat,· maistre Levant Clementet clers,· 60 Parreaul de Bailley escuyer,· Ylot \43 de Marseul clerc, et Jehan Poichat de Paleaul, tesmoinz à ce requis et appelez l'an et le mois dessus diz.·