Téléchargement du document

Documents linguistiques galloromans
Corpus : (PrévTen)
Responsable du corpus : -
Édition de la charte : -

1275032801

S.l. [Paris] - 1275 (n.st.), 28 mars

Type de document: Lettre patente: confirmation de vente

Objet: Renaud Barbou garde de la prévôté de Paris, [2] notifie que Jehan le Concierge, bourgeois de Saint Denis [Seine-Saint-Denis] et Marguerite sa femme [3] ont vendu au convent de Saint Denis en France [4] un vignoble [5] et un partie de terrain entre Saint Denis et Saint Ligier. [7] Le prix de la vente est fixé en 200 l.p. que les vendeurs ont eu et dont ils se tiennent pour satisfaits. [10] Ils assurent la vente [11] en donnant tous les droits [13] et en soumettant leurs biens et les biens de leurs hoirs à la justice du prévôt.

Auteur: Renaud Barbou, garde de la prévôté de Paris

Disposant: Jehan le Concierge, Marguerite sa femme

Sceau: Prévôté de Paris

Bénéficiaire: abbé et ouvent de Saint Denis en France

Autres Acteurs: Oudin Bobelin

Rédacteur: Prévôté de Paris

Support: jadis sceellé du sceau en cire verte de la Prévôté de Paris (il en reste que les bandes)

Lieu de conservation: Paris, AN : S 2262/A – Saint Denis, n° 21

Commentaire:

1 ·· A touz ceus qui cez lettres verront ,/·· Renaut Barbou ,/ garde de la prevosté de Paris ,/ salut ./· 2 Nous fesons à - savoir que par \2 devant nous vindrent Jehan le Concierge bourgois de Seint Denys et Marguerite sa famme ;/ 3 et requenurent en droit qu ' il \3 avoient vendu et quité à touz jors à religieus hommes et honnestes à - l ' abbé et au couvant de Seint Denys en France ,/ 4 un \4 clos de vingne qu ' il avoient de l ' eritage de celui Jehan à Pierrefrite ,/ tenant d ' une part au clos Seint Denys et d ' autre part \5 à la vingne Oudin Bobelin ,/ 5 et une piece de pré qu ' il avoient ,/ si comme il disoient entre ,/ Seint Denis et Seint Ligier ,/ \6 tenant d ' une part au Poncel de Seint Ligier et d ' autre part aus prez Seint Denys ;/· 6 et tele partie comme il avoient \7 et prenoient chacun an ou cens qui estoit aus devant diz vendeurs et aus devant diz achateurs moitoien en la \8 meson Dieu aus huitieves de la seint Denys ,/ tout mouvanz du fiez et de la seingnourie aus devant diz \9 abbé et couvant ,/ si comme il disoient ,/· 7 pour · deus · cenz · livres de parisis qu ' il ont eü et receü leur quites en \10 pecune nombreez des devant diz achateeurs ,/ si comme il disoient ,/ et dont il se tindrent a_paiez par devant nous ;/ 8 et en quiterent les devant diz achateurs à toz jors ,/ en renunçant à l ' exception de la dite pecune non eüe ,/ \11 non receüe ,/ non bailliee et non delivree du tout en tout ./ 9 Et promistrent les devant diz vendeeurs ,/ par de\12vant nous et par leur loiaz creanz ,/ que eus encontre la dite vente et la dite quitance ,/ par droit d ' eritage ,/ \13 d ' eschaoite ,/ de conquest ,/ de doere ,/ de don pour noces ne par nul autre droit quelqu ' il soit ,/ commun ou especial ,/ \14 n ' iront ne aler ne feront ,/ en - nule menniere que ce soit ,/ à - nul jour ,/ ou tans à - venir ;/· 10 ençois aus devant \15 diz acheteeurs la devant dite vente garandiront ,/ deliverront et deffendront en jugement et hors \16 jugement contre touz ,/ toutes les foiz que mestier leur en sera ,/ aus us et aus coutumes de France ,/ si comme \17 il le requenut par devant nous ,/ 11 et tramportent dès orendroit et à touz jors es devant diz a\18chateurs tout le droit ,/ l ' action ,/ la proprieté ,/ la seingnorie ,/ la possession qu ' il avoient ou poaient a\19voir par quelconques droit que ce soit en toute la vente desus dite ,/ sanz riens reclamer i jamés nul \20 droit ne nule chose à nul jour et sanz riens retenir à eus ./· 12 Et quant à ce tenir fermement ,/ les devant \21 diz vendeeurs ont obligié et soumis ,/ chacun pour le tout ,/ eus et leur hoirs ,/ touz leur biens et les \22 biens de leur hoirs ,/ meubles et non meubles ,/ presenz et à venir ,/ où qu ' il soient à jousticier à nous ou \23 à - noz sucesseurs ,/· 13 en renunçant à ce qu ' il ne puissent dire eus avoir esté deceüz en ceste vente fere ,/ en \24 pou ne en auques ne outre la moitié de droit pris · et à toutes les resons qui porroient estre mises \25 encontre ceste lettre ./· 14 En temoing de ce ,/ nous avons mis en ceste letre le seel de la prevosté de \26 Paris ,/ 15 l ' an de l ' incarnacion nostre Seingneur · mil ·CC· soissante et quatorze ,/ ou mois de marz ,/ le juedi après feste nostre Dame ./