Téléchargement du document

Documents linguistiques galloromans
Corpus : chartes de Saône-et-Loire (chSL)
Responsable du corpus : Martin-D. Glessgen
Édition de la charte : Julia Alletsgruber (révision: D. Kihaï)

chSL 054

Saint-Nicolas d'été 1311

Type de document: charte: arbitrage

Auteur: Thibaut des Moulins, prévôt de Villeneuve

Sceau: Auteur

Support: Original parchemin jadis scellé

Lieu de conservation: AD SL H 39, n°12, fonds notables

1 A touz çaus qui verront ces presentes lettres: 2 Thiebauz des Molins provoz de la Ville Neuve le Roy salut.· \2 3 Com religieuses persones et honestes l'abbés et li convenz de Saint Martin d'Ostun, 4 par leur procureur haient \3 poursuigui, en demandent en juigement tant par devant noz devantiers provoz de la dite Ville Neuve comme \4 par devant nous,· 5 Milon dit Coyn et Sebille sa fame de Gyroles,· 6 à havoir la saisine de l'estat de leurs \5 cors de toute serve condicion et senz pooir de faire autre seigneur que aus.· 7 En afferment que à ceu se obli\6gierent li dessus dit envers les diz religieux en-quelque leu que il se transportassent ou demorassent, 8 et \7 avecques ceu que ja piece ha havoit esté plaiz mehuz entre les dites parties en ce cas de aus et leurs \8 hours estre homes et fames de la condicion dessus dite aus diz religieux,· en la court le roy en la dite \9 Ville Neuve;· 9 et que adjugié fynalment fut contre aus et pour les diz religieus· 10 aus estre et apparte\10nir à touz jourz aus diz religieus de la condicion dessus dite par feu Jehan de Montigni leurs \11 baillif de Senz; 11 et l'offront li-diz procurierres ou nom des diz religieus à prover dehuement· le plait entaumé \12 entre les doues parties, 12 et le dit procureur offert de prover sentention, 13 et mises par devers nous unes lettres \13 seellees dou seel de la court de tres haut et noble baron monseigneur le duc---, 14 saines et entieres \14 et monstrees en mainiere de preuve à la fin de \15 havoir sentention contre les dessus diz.· 15 Les diz Milon et sa fame contredisenz tant ou principaul de la \16 cause comme contre les dites lettres admenees en preuve si com dessus est dit,· 16 à la fin de demorer en saisi\17ne de frainchise et de estat de frainchise,· 17 les faiz faiz et les raisons des dites parties bailliees à nous \18 par escript et aus commandez à juigier.· 18 Aprés tout ceu li dit Milons et sa fame proposessient pluseurs \19 excepcions dilatoires et requeyssent pluseurs declaracions estre faites à aus dou dit procureur,· 19 le \20 dit procureur proposent au contraire que à ceu ne devoient estre recehu par pluseurs raisons expressement \21 aprés le plait entaumé et aus bailliez à juigier.· 20 Les raisons des dites parties bailliees à nous par escript et \22 aus commandez à juigier en ce cas pluseurs journees assenees à aus vooir juigier.· 21 La dite fame morut \23 et lui morte jour assené aus dites parties à-aus vooir juigier 22 se les dites raisons estoient de \24 recevoir et se li diz procureur estoit tenuz de faire les dites declaracions requises ou non.· 23 Et nous adjuge\25ssiens pour le dit procureur et contre le dit Milon ou dit cas dou quel juigement li diz Milons appella \26 à nostre maistre le baillif de Senz,· 24 les faiz bailliez des dites parties en l'assise de la dite Ville Neuve, Jehan \27 Menier, concierge de la dite Ville Neuve, auditeur donné de nostre dit maistre le baillif de Senz ou dit \28 cas.· 25 Le dit Milon deffaillent de pourssuigre son dit appel dehuement,· 26 le dit procureur requerent \29 à grant instance que tant pour le deffaut dou dit Milon quant pour les parties dessus diz 27 estre adjugié \30 pour lui ou nom des diz religieus la dite saisine contre le dit Milon.· 28 Li diz baillis de Senz nostres maistres \31 nous connust et enjoint à aler avent au jugement dou principaul de la cause et nostre juigié mestre à \32 execucion dehue.· 29 Et aprés tout ceu nous haiens fait adjourner sollempnelment le dit Milon au \33 leu ou il souloit demorer à la dite Ville Neuve,· 30 et il n'a esté trovez au leu si com l'en nous ha ra\34porté mais trovez furtiz de sa demorence, 31 et nous pour ceu haiens fait appeller par criz sollemp\35nez à-pluseurs journees et darrenierement au mardi aprés la feste saint Nicholas d'esté,· 32 aus queles \36 journees li diz Milons ne vint ne comparut ne autres pour lui.· 33 Le dit procureur attendent si \37 comme il dut· et requerent à grant instance 34 que nous tant por les raisons proposees des dites \38 parties comme por les deffauz dou dit Milon faiz si com dessus est dit estre adjugiez pour lui ou \39 contre lui à la fin dessus dite.· 35 Saichent tuit que nous le mercredi continuelment enssuiguent \40 dou dessus dit mardi en faveur de plus attendre le dit Milon, \41 36 et lui deffaillent dou tout \42 tant par les procés faiz entre les dites parties si com dessus est dit comme par les diz deffauz faiz dou \43 dit Milon, 37 tout ce dessus dit vehu et consideré et diligemment esgardé,· 38 deliberacion et consoil sus \44 ceu heu avecques grant partie des bourgiois de la dite Ville Neuve,· 39 juigasmes, dixismes et par droit le dit \45 procureur havoir provee sentencion contre le dit Milon, 40 et celui Milon demorer en estat de servitu\46te par devers les diz religieus en-tant comme la demande dou dit procureur se estendoit et pooit \47 estendre.· 41 A la quele sentence donner et rendre furent present 42 Regnauz li prestres garde dou seel de \48 la dite provosté,· Jehanz de Mesilles,· Tenevins de Greniers,· Felisanz Fofelis,· Guillaumes dou Pallooir,· Denisanz dou \49 Pallooir,· Jehanz li Soichaz,· Lucas li Gioliers,· Regnauz Fynence,· Pierres Garniers de Brienon· et Gui\50llaumes li Tripanz et pluseurs autres.· 43 Ou-tesmoing de la quele chose nous havons seellees ces presentes lettres \51 de nostre propre seel.· 44 Ce fu donné le mercredi dessus dit aprés la dite feste de saint Nicholas d'esté, l'an de \52 grace. mil.. trois.. cenz. et. unze.