Téléchargement du document

Documents linguistiques galloromans
Corpus : chartes de Saône-et-Loire (chSL)
Responsable du corpus : Martin-D. Glessgen
Édition de la charte : Julia Alletsgruber (révision: D. Kihaï)

chSL 053

Le mercredi après la St-Jean Baptiste, 30 juin 1311

Type de document: charte: arbitrage

Objet: Plainte portée par le chapitre d'Autun contre le procureur du duc de Bourgogne devant le bailli de Dijon, qui condamne le procureur du duc à restituer au chapitre d'Autun une charrue (?) qui leur a été enlevée, et confirme au chapitre la saisine du cloître et du château d'Autun.

Auteur: Hugues du Sauvement, bailli de Dijon

Sceau: Auteur

Bénéficiaire: Chapitre d'Autun

Autres Acteurs: Robert de Saint Jangoul, procureur du chapitre d'Autun; Robert le Fort d'Autun, procureur du duc de Bourgogne

Support: Original parchemin jadis scellé

Lieu de conservation: AD SL 5 G 26

1 Ou non· de nostre Soignour amen. 2 Nos· Hugues dou Sauvement baillif de digenois 3 façons savoir à-touz ces qui verront ces presentes lettres 4 que cum cause fust \2 mehue por-devant honorauble homme et saige· Jehan des Granges adonques baillif de Dijon nostre devantiers· 5 à s'assise d'Ostum,· entre Robert de Saint Jangoul clerc procurour \3 de doyen et de chapitre d'Ostum en non de procurour d'une part,· 6 et maistre Robert le Fort d'Ostum clerc procurour mon soignour le· duc de Burgogne en non de procurour \4 d'autre,· 7 sur ce que li diz procurour de doien et de chapitre en non de procurour disoit et proposoit en jugement por-devant le dit bailly nostre devantiers· 8 contre le dit monsoignour le \5 duc· et son dit procurour, 9 que cum li dit doiens et chapitres haussient esté dou temps que memoire n'estoit dou contraire, 10 fussoient et soient tant par aux que par autre \6 en non d'aux en saisine et en possession ou auxi comme en possession en tout, senz partie d'autrui,· 11 de la justise et de la soignerie dou cloitre et dou chastele d'Ostum des diz \7 doien et chapistre et de l'esploit de la dicte justise, 12 et de recevoir et de havoir les choses qui y-sunt, estoient et havoient esté trovees à vehu et à sehu des diz doien \8 et chapitre ou de lor genz, 13 et dou delivrer et baillier les dictes trueves à-ces qui perdues les havoient, totes foiz que il les havoient avoiriés soffisamment por-devant les diz \9 doyen et chapitre, ou por-devant lor genz, 14 et de retenir à aux celes que nuls ne requeroit ne demandoit,· 15 et· uns. charuex fust hauz trovez adonques aprés la nativité nostre Soignour,· l'an \10 corrant ·M·CCC· et six·//, 16 ou dit chastele entre les dous moustiers de Saint Nazaire et de Saint Ladre d'Ostum, 17 dou quel charuier li dit doien et chapitre par aux ou par lor genz· \11 estoient en bone saisine et possession,· 18 les genz monsoignour le duc· havoient controint les diz doien et chapitre à baillier et delivrer à aux· le dit charuier,· 19 en troblent et en empes\12chant les diz doien et chapitre en lor dicte saisine et possession ou auxi, et encor le dit charuier detenent· à-tort,· ou grief· et ou domaige des diz doien et chapitre, \13 20 por quoi requeroit li diz procurour des diz doien et chapitre en non de procurour au dit bailli 21 que le dit troble et empeschement que les dictes genz le duc y-metoient en lor dicte \14 saisine et possession ou auxi des dictes trueves lor feist oster, 22 et que li diz procurour monsoignour le duc fust à ce condempnez par le dit bailly en-tel meniere 23 que li dit doien et chapitre et \15 lor genz en non d'aux peussent juir et esploitier paisiblement de lor dicte saisine et possession ou auxi· des dictes trueves, 24 et que li diz charuiers lor fust renduz et delivrez, 25 et à-ce \16 requeroit li diz procurour des diz doien et chapistre en non que desus le dit procurour dou dit monsoignour le duc en non de procurour estre condempné à-lui par la sentence diffinitive dou dit bailly, 26 et lui \17 condempné estre controint à-ce faire.· 27 La quele saisine et possession ensinc alleguee et proposee de par le dit procurour des diz doien et chapitre,· 28 li diz procurour monsoignour le duc en non \18 de procurour mist en ny.· 29 Et dist et proposa li diz procurour monsoignour le duc· en non de procurour en jugement por-devant le dit bailly 30 contre les diz doien et chapistre et lor procurour que li diz mes\19sires li dux estoit et havoit esté, par lui ou par ses genz en non de lui, 31 en possession ou auxi comme en possession de havoir les trueves qui sont haues faites à vehue et à sehue de lui ou \20 de ses genz ou cloistre et ou chastele d'Ostum desus diz, 32 proposez de par le dit procurour de doien et de chapistre d'Ostum en non de procurour,· 33 par· plusours annees et par lonc_temps, quant li cas il estoient \21 et sont avenuz sus la quele saisine, 34 li diz doiens et chapistres trobloient et empeschoient le dit monsoignour le· duc,· 35 si requeroit li diz procurour que li diz doiens et \22 chaspitre cessessoient des diz troble et empeschement, 36 et que il fusseint condempné à ce par la santance dou dit bailly diffinitive, 37 et que li charuiers trovez au dit leu, qui tenoit en la main dou dit \23 bailly par le debat des dictes parties, li fust bailliez en gardent le dit monsoignour le duc en sa dicte saisine ou auxi.· 38 La quele saisine et possession ensinc alleguee de par le dit procurour monsoignour le· duc· \24 li diz procurour des diz doiens et chapistre mist en ny.· 39 Sur ce, plusours tesmoinz traiz et amenez d'une partie et d'autre por-devant le dit bailly à prover lor entantions sus les choses noies, 40 pu\25blication faite de lor attestacions, plusours raisons posees entre d'une partie et d'autre, 41 à-la-par_fin les dictes parties, c'est à-savoir li dit procurour en non de procurour se boturent en droit par-devant \26 nos Hugues du Sauvement bailly de digenois desus dit que nos sumes venuz bailly de digenois aprés le dit Jehan,· 42 et nos requerirent droit et santance estre donee de nos sur la dicte \27 cause et sus les actes et le demené que il nos baillerent en escript.· 43 Et sur ce nos lor assignesmes plusours jornees por-devant nos à Ostum à nostre assise à oir droit sur la dicte \28 cause.· 44 A-la-par_fin· le macredi aprés l'oictave de la Saint Jehan assigné es dictes parties por-devant nos à nostre assise,· 45 à oir droit tranchiement sur la dicte cause· à Ostum· ce dit macredi aprés l'oictave \29 de la Saint Jehan Baptiste.· 46 Le procurour des diz doiem et chapistre en non de procurour d'une part,· 47 et le dit procurour dou dit monsoignour le· duc· en non de procurour d'autre,· 48 presenz en jugement por-de\30vant nos et requeranz droit et santance estre donee de nos sur la dicte cause.· 49 Nos vehu et examiné diligemment tout le procés et le demené de la dicte cause,· 50 et oy et entandu \31 tout quoique les dictes parties hont volui dire et proposer en la dicte cause,· 51 dou consoil de prodommes et saiges usé en ceste besoigne,· Deu haient devant les eaulz· pronunçons et à-droit par nostre \32 santance diffinitive· 52 que li diz procurour des diz doien et chapitre en non de procurour· 53 hai meaul et plux suffisamment provee santancion et par plux de tesmoinz· que n'ai li diz procurour dou dit monsoignour· le· \33 duc· la soie,· 54 por quoi nos, por nostre dicte santance, adjugeons es diz doien et chapitre lor dicte saisine alleguee dou leu desus dit,· 55 et le dit charuier estre rendu et delivrez \34 à aux,· sauve ou dit monsoignour le duc et à son procurour la question de la proprieté.· 56 Et condempnons par nostre dicte santance le dit procurour monsoignour le duc à oster le troble· et l'empes\35chement que il metoit es dictes choses et à-cesser dois or en avant.· 57 Ou tesmoignage de la quel chose nos havons mis le seaul de la court de nostre bailliaige en ces presentes lettres, \36 58 faites et donees le macredi desus dit,· l'an de grace ·M·CCC· et onze·.